-
افادة سريعة
السلام عليكم
يارب يكون الجميع بأفضل حال
كنت سألت قبل كده لاستاذ طناني علي ان فيه دخنه بيضا في الدوارة و رد عليا مشكورا و قال كاوتش صباب و نصح بعدم تغيره و انا مقتنع معاه عشان لو حكمنا فوق ممكن الماتور يخف من تحت المشكلة دلوقتي ان الدخنة بدأت تظهر و هو ماشي بالعربية علما بأن ميعاد الزيت مفروض يغيرة و مغيرش فلتر بقاله 3 مرات او اكتر و الزيت نقص عن العلامة هو اللي شاف و قال انا معرفش مشوفتش طبعا انا قولت اخد رأيكم بما انكم خبراء في الاوبل
علي فكرة سال كتيييييير اوي ناس قالوا غير زيت و فلتر و هتبقي عادي
ناس قالوا ده طقم شنبر بس المحير ان العربية بيدوس بنزين يطلع دخان خفيف متقطع و في نفس الوقت ميه كتيرة يعني معناها ان الماتور مظبوط طب ايه الدخان
ارجو الافادة عشان هو الاسبوع اللي جاي هيفك الماتور فهل انهو رأي اللي صح و لو فعلا شنبر تكلفته ايه و في مخاطر ولا السيارة اوبل فيكترا b
و لكم جزيل الشكر
و اسف للاطاله بس بجد ارتحت اوي في المشورة بينكم
-
بصراحة كل اللي اعرفه طالما دخنة بيضا يبقى طقم شنبر..
-
تقريبا و الله اعلم ده اللى لسه حاصل معايا فى الفكترا ايه و بعد ما فك الموتور قلى عمره و شوف راى الخبره اكيد هيفدوك افضل منى و ربنا يسترها و تبقى حاجه بسيطه
-
بص يا باشا
زى ما قلتلك قبل كده
هتفتح يبقى هتعمل طقم شنبر و هتعمل كاوتش و طقم صباب
العملية للعلمك مش مكلف زى ما الناس متخيله
قطع غيار 800-900 جنيه
400 جنيه خراط و ميكانيكى
100 جنيه زيت
بس ترجع الماظة
اصلى لسه عامل عربية بتاعت زميل ليا فيكترا 2000 سى سى موديل 97
و عارف صرفت ايه و جابت ايه
بس كان عنده العيب تفاقم شوية ان بوجيه عرق زيت
متخلهاش توصل للدرجة دى
عشان متصرفشى كتير
-
الف شكر يااستاذ طناني بس ليه خراط هو اتقله هنفك نعمل طقم الشنبر و كاوتش صباب و نحكملك الكرنك و نعمل رودية و هغيرلك جوان وش السلندر بس مجبش سيرت خراط ارجو منك الايضاح و الف شكر مرة تانيه و بجد جزاك الله خير عشان هقوله يفك و يتوكل علي الله
-
ازاى
الخراط هيعمل دلايل للكاوتش الجديد
و يفرز و يقشط الوش
و يظبطه
انما معلشى اللى هيتعمل ده عك و شغل سوق
-
يا باشا للاسف الماتور الاوبل لو اتعملة عمرة مبيرجعش ابدا زى ما كان دة غير ان عمرتة مكلفة فمن الافضل لو الماتور ماشى يروح لاكثر من ميكانيكى متخصص فى الاوبل وعندك فى السيوف مجدى وعبد العزيز وعباس اوبل بتاع قطع الغيار الاستعمال لو هتعمل عمرة تسقط ماتور جديد على مزاجك افضل بكتييييييييير لو ناوى تحتفظ بالعربية فترة طويلة ولو ناوى تبيع لم الماوضوع وبيع لان سواء العمرة او التسقيط هتخش فى 4000 الى 5000 جم وان شاء الله تكون بسيطة (ابوحمزه)
-
والله العظيم طنانى ده باشا بجد فى الاوبل
-
-
Content Relevant URLs by
vBSEO 3.6.0 PL2