السلام عليكم. اولا حمدا لله على عوده الموقع و ربنا يوفق ان شاء الله.
ثانيا ان معايا لانوس و مصاريفها كترت و كنت بفكر ابيعها و اجيب شيفروليه لانوس زيرو بس خايف من موضوع طرمبه البنزين
ايه رأى خبراء المنتدى فى الشيفروليه لانوس ؟
عرض للطباعة
السلام عليكم. اولا حمدا لله على عوده الموقع و ربنا يوفق ان شاء الله.
ثانيا ان معايا لانوس و مصاريفها كترت و كنت بفكر ابيعها و اجيب شيفروليه لانوس زيرو بس خايف من موضوع طرمبه البنزين
ايه رأى خبراء المنتدى فى الشيفروليه لانوس ؟
السلام عليك و علي جميع أعضاء المنتدي أنا معايا لانوس شيفروليه موديل 2010 يعني بقلها سنه تقريبا معايا ..... العربية زي الفل
ربنا بيارك لك فيها و ياريت تقول عامله كم معاك
يا شباب . فين الردود . الشيفروليه لانوس كويسه و لا لأ؟
يا جماعة الموضوع ده قتل نقاشا و العربتيين زى بعض باللملى و مافيش حاجه فيها صينى انا عربيتى عامله 20000 موديل 2010 و العربيه زى الفل و للتأكد من موضوع الصينى فاكيت الطرمبه و صناعتها كورى و الموبينه صناعه كورى و اللى عاوز يقول غير كده هوا حر و على فكره لو الزمن رجع بيا تانى لورا كنت هشتريها برضه أو هشترى اللوجان
طيب ايه يا باشا الكلام اللى بيتقال على طرمبه البنزين ده. فى واحد فى المنتدى معانا بيقول انه غيرها 3 مرات فى اقل من 30 الف كم
؟؟؟؟؟
انا معايا العربية بقالها سنتين زي الفل
و معرفش يعني ايه طرمبة بنزين :)
العربية كويسة مفيش فروق جوهرية وكفاية انك حاتركب جديد
عربية زيرو = ضمان 3 سنوات او 100 الف كيلو
لو حصل اى حاجة خلال المدة/الكيلومترات دى الضمان بيغطيك
MMamdouh
زى واحد اتجوز و طلق 3 مرات نصيبه كده لأن فى ناس كتير مش بتشتكى من حاجه و على رأى محمد ممدوح معاك ضمان 3 سنوات و 100000 كيلو و اعتقد قليل فى مصر يبيع هذه الفئه السعريه بالضمان ده و عاوز اقولك انا مغير شداد تكييف و سير و حجات فى العفشه فى الضمان ببلاش مع انها باظت بسببى مش عيب صناعه ولا حاجه و صدقونى ضمان منصور مش وحش للدرجه دى دا حتا كاوتشه الباب اليمين اتقطعت و غيروهالى عادى هيا قصة ضغط عمل و استعجال عملاء
و بعديين ياراجل اللى ينزل من اللانوس يركب حاجه تانيه خد عنك مثلا الرينو عربه زى الفل و كامان ارخص من اللانوس :colsmil:
العربية كويسة الحمدلله . . . و ربنا يوفق حضرتك فى الأختيار :))
شكرا للردود. كلام مقنع جدا. الضمان يغطى. بالنسبه للتغيير انا مبحبش رينو لوجان و لما قارنت الفيرنا بالانوس لقيت اللانوس احسن و على الاقل عارف مشاكلها
انا والحمد لله معايا لانوس بقالها سنة بالتمام والكمال
عملت 20000 كم
الحمد لله مافيش شكوي خالص
حتي في التعامل مع التوكيل فيه ميزة كويسة ان منصور اعتمد مراكز صيانة كتير اوي في القاهرة
وكلها كويسة وتعاملهم زي الفل
زي العوضي علي الأوتستراد واوتوماستر في مدينة نصر وكمان في بنزينة علي شارع 90 في التجمع
انا كمان انضميت الحمد لله لجروب ملاكى شيفورليه لانوس 2011 بس لسه من 4 ايام بالظبط .. طبعا انا لسه ما مشتش بالعربية كتير لكن الحمد لله مبسوط بيها جدا .. مشكيلتى الوحيدة فى الركنة .. لسه مش واخد على ابعاد العربية خالص رغم ان انا كنت سايق اللى اكبر منها :(
في الأول الف مليون مبروك وربنا يعطيك خيرها و يحفظك من شرها
ثانياً التأمين ده موضوع فيه اراء كثيرة وهتلاقي تفاوت في كل حاجة
بس لو عاوز راي يمكن يساعدك
في بلد زي مصر لو راكن عربيتك جانبك علي السرير هتلاقي واحد طلع وخبطهالك ولا هتعرف تاخد منه حق ولا باطل .الشوارع مليانة ناس بتسوق زي عربيات الملاهي كده
لذلك يبقي التأمين افضل اهو يغطي اي حاجة من إلي ممكن تحصل
التأمين نوعين
لو عاوز تأمين يقال انه تبع النظام الإسلامي وتكون ريحت نفسك و علقت المسائلة في رقبة من افتي بذلك
فهناك شركات تأمين إسلامي كثيرة منها واحدة ملك بنك فيصل او هو مشارك فيها وهناك شركة وثاق وهناك شركة التأمين التكافلي وغيرها ويتراوح المبلغ السنوي من 3.5% من قيمة السيارة
التأمين الثاني هو التأمين العادي وفيه شركات كثيرة
الأهم من كل ده لو تعرف حد جوه اي شركة يبقي هيظبطك في المواعيد والشيكات وخلافه
والله المستعان في كل الأحوال
طيب انا كان عندى كام سؤال
1- انا ملاحظ ان ماتور 2011 مفهوش الغطاء الكبير الاسود اللى مكتوب عليه e-tec "الوكيل بيوفر ولا ايه ؟؟"
2- هى العربية بتيجى بطارية جافة ولا سايلة "اعتقد اللى راكبة عندى سايلة" ؟؟
3- سنتر المفتاح بيشتغل من باب السواق بس و لا المفروض البابين اللى قدام ؟؟
كلامكم صح 100% .. بس انا استغربت اوى من موضوع السنتر ده .. انا افتكرت فى حاجة عندى بايظة .. طيب ينفع اراكب ريموت على السنتر اللى راكب ولا حيكون فى مشكلة فى الضمان ؟؟
روح التوكيل واسئل والله لو قالولك عادى اعمله قالولك لا شوف اللى انت عايزه بس انا اعتقد انه بيلغى الضمان لانهم بيتلككوا وخصوصا لو لا قدر الله مشكلة حصلت تخص الموضوع ده فى العربية