احترس من صنايعية الحي السابع - سرقة و نهب و احتيال و كل مبئات الارض

اقتباس:

---

المشاركة الأصلية كتبت بواسطة khaled_nowaihy

أيوه هم دول !!! دا اسمها محطة المثلث فعلاً
أنا عاصرت مهازل فى السمكرة والميكانيكا فى المنطقة دى
آخرها واحد ميكانيكى ركب لى ملعقة الفيتيس فى ال128 بالمقلوب !!!

---

ههههههههههههههه أيوة شارع اسمة المثلث دول مع أحترامى شوية صبيان و عملو اسطوات و ما عندهومش فكرة عن البطيخ أنا رحت فقط لانى كنت مركب زجاج كهرباء فى السوبر فيورا و كنت عاوز أفك المكن الكهرباء و اركب الزجاج العادى مرة أخرى بس كدة و طبعا قعد يجى 3 ساعات لما عملة و لماركب المكن اليدوى الزجاج مكنش بينزل للأخر بيبقى مرفوع نص سنتى كدة قولت لة أظبط المكنة لتحت قالى هو دة اخرها أتجننت علية و قولت لة بص يا أسطى انا راكب العربية دى من سنة 90 يعنى حافظها قولى كلام اعقلة و موزون و جة الاسطى الكبير لما لقى ان الزبون الى ادامة فاهم عدلها بس كان متافف من الاخر كانت أول و اخر مرة

بتوع السابع دوول عن تجربة مفيهمش غير رضا الكهربائي و اشرف بتاع الريدياتير غيير كدة شوية عالم ...................................... بلاش نكمل

ممكن حد يوصفلي مكان رضا الكهربائي بالظبط فين في السابع ؟ يعني من الشارع اللي على ناصيته ابو رامي وقهوة سي عمر على شمالي مثلا مكان ورشته فين من هناك ؟

حتخش من عند ابو رامي وتمشي في الشارع وتلف وترجع تاني
بقت ابو عمر علي يمينك كده
كمل لحد ما تلاقي قهوه
قبلها فتحه خش يمين
حتلاقي علي شمالك محل اسمه الاصدقاء بتاع كاسيت واكسسوار وجمبه محل بيبيع قطع غيار سكودا وفيات وبطاريات

اسأل علي الاسطي رضا الكهربائي هناك الف مين يدلك
تخش هناك هوا اللي يبصلك علي العربيه بنفسه
وبعدين هوا حيقول يافلان تعالي اشتغل فيها

للاسف سيد اللي معاه مشي
كان استاذ

معاه واحد دلوقتي اسمه هاني تقريبا والباقي كله صبيان
سلكه وفيشه وتهتهه
:) :)

اقتباس:

---

المشاركة الأصلية كتبت بواسطة funnymickey

حتخش من عند ابو رامي وتمشي في الشارع وتلف وترجع تاني
بقت ابو عمر علي يمينك كده
كمل لحد ما تلاقي قهوه
قبلها فتحه خش يمين
حتلاقي علي شمالك محل اسمه الاصدقاء بتاع كاسيت واكسسوار وجمبه محل بيبيع قطع غيار سكودا وفيات وبطاريات

اسأل علي الاسطي رضا الكهربائي هناك الف مين يدلك
تخش هناك هوا اللي يبصلك علي العربيه بنفسه
وبعدين هوا حيقول يافلان تعالي اشتغل فيها

للاسف سيد اللي معاه مشي
كان استاذ

معاه واحد دلوقتي اسمه هاني تقريبا والباقي كله صبيان
سلكه وفيشه وتهتهه
:) :)

---

+111111111111

و سلكة افضلهم و فيه واحد تاني اسمو محمد اسمراني كدة و طولو متوسط

اقتباس:

---

المشاركة الأصلية كتبت بواسطة gebreel

اشرف بتاع الريدياتير غيير كدة شوية عالم ...................................... بلاش نكمل

---

اههاههاهاهاها اشرف السني ؟

لو هو ده ... يبقى هو ده اللي لبسني في الحيط الله يسامحه .

اقتباس:

---

المشاركة الأصلية كتبت بواسطة cryptonx

اههاههاهاهاها اشرف السني ؟

لو هو ده ... يبقى هو ده اللي لبسني في الحيط الله يسامحه .

---

الحقيقة مش عارف يا باشا اسمو اسني ولا لأ هو بين عماير كدة و جنبيه ميكانيكي و ورشة على قد بني ادم واحد

بس لو هو تبقى فعلا غريبة لأني رحتلو قبل كدة بنفس العيب و قالي العربية واخدة هواء فعلا و طلعهولي و الدنيا مشيت تمام

و اتعاملت معا قبل كدة في اكثر من عربية ياريت تقلي اذا كان هوة ولا لأ و لو تفتكر اسم الصنايعي اللي اشتغلك فيها

يا ولاد اللذينه!!!!!!! دانتو كوميديا مالهاش حل!!!!!أصلي أنا راكب كنبه موديل 88 وأول مرة أسمع عن الحاجات الغريبة اللي بتتكلموا عليها دي............الحمد لله علي نعمة الكنب

اقولكم انا كمان و كويس انى لاقيت موضوع بيأكد نظريتي عن الحته دى
انا اصلى بشتغل فى المنطقه الحره و بعدى على السابع يوميا و انا مروح
اولا المحلات ...فيه هناك محل مش فاكر اسمه الصراحه بس هو بيشتغل فى اليبانى بس ( هو قدام محل اسمه خالد على اخر الرصيف المقابل ) المحل ده انا اشتريت منه الكوندنسر مرتين و فى المرتين كان االكوندنسر بايظ
اركب الكوندنسر من هنا و اطلع بالعربيه الاقيها بتخبط و تسقف و تطنطط ( بجد و الله )
فشيلته و ركبت واحد قديم احتياطى معايا ... العربيه مشيت زى الفل
اول مره قولت مش مشكله بتحصل فى احسن المحلات ... لكن فى تانى مره لاء بقى

بالنسبه للصنايعيه انا كان ليه تجربتين بس هناك
فيه مره قولت افك فيها غطاء الاسبراتير و اشترى واحد جديد المهم فكيت كابلات البوجيهات و انا مطمن لأن الترتيب بتاعها مكتوب على الغطاء و فكيت الغطاء فى الاخر مالقتشى زيه هناك فركبته تانى فى العربيه و ادور ... العربيه مش بتدور
يادى النيله .... ابص على الاسلاك كله سليم
المهم معرفتش فين المشكله فروحت لأول ميكانيكي شوفته فى وشى
وحكيتله الحكايه
طبعا عملى فيها انه مشغول على الاخر و انه بيفضى نفسه لمدة ثوانى علشان خاطرى قبل مايرجع يصلح الطياره اللى كان شغال فيها (كان شغال فى 128 متبهدله ) قعد المهم يلعب فى الاسلاك يمين و شمال و فك خمسين حاجه و كل حته يفكها يحطهالى فى ركن مختلف فى الكبود
بعد كده طلع و قالى انتا عاوز تعيد التقسيمه تانى ... يادى النيله قولتله ليه ماهى مكتوبه على الغطاء قالى لا مكتوبه غلط و قالى موضوعك حيطول استنانى نص ساعه اخلص الطياره اللى معايا و ارجعلك نقعد مع بعض
انا ما اقتنعتش بالهبل ده .... ازاى يغير التقسيمه
المهم ربنا هدانى و عرفت ان الغلطه كانت بسيطه خالص هى انى عكست ترتيب اسلاك البوجيهات
يعنى انا افتكتر ان البوجيه رقم 1 هو او بوجيه ناحيه صدر العربيه بينما هو كان اول واحد فى مقدمه الكبوت من الناحيه التانيه
بس ظبط ترتيب البوجيهات و دورت العربيه و سط زهول الاسطه و سبته و مشيت

التجربه التانيه كانت عبيطه اوى
و انا فى الشغل عندى فى المنطقه الحره
غيرت ابلاتين و كوندسر بنفسى
وانا بركب الكوندسر عملت قفله بينه و بين الارضى و بالتالى العربيه مادرتشى
فخليت واحد صابى يقطرنى بعربيته عند اقرب ميكانيكي اللى هو فى السابع ..بس واحد تانى غير الاولانى
عملى فيها برضه كبير المهندسين و صلح العيب
الغباء بقى انى لما طلعت بالعربيه لاقيتها بتسقف جامد ... بس كنت خلاص عارف ان ده عيب كوندنسر و ركبته بنفسى ...بس اللى غاظنى ان الميكانيكي فك القفله بس وخدله 10 جنيه من غير ماياخد باله ان نفس القفله دى بوظت الكوندنسر

اقتباس:

---

المشاركة الأصلية كتبت بواسطة funnymickey

حتخش من عند ابو رامي وتمشي في الشارع وتلف وترجع تاني
بقت ابو عمر علي يمينك كده
كمل لحد ما تلاقي قهوه
قبلها فتحه خش يمين
حتلاقي علي شمالك محل اسمه الاصدقاء بتاع كاسيت واكسسوار وجمبه محل بيبيع قطع غيار سكودا وفيات وبطاريات

اسأل علي الاسطي رضا الكهربائي هناك الف مين يدلك
تخش هناك هوا اللي يبصلك علي العربيه بنفسه
وبعدين هوا حيقول يافلان تعالي اشتغل فيها

للاسف سيد اللي معاه مشي
كان استاذ

معاه واحد دلوقتي اسمه هاني تقريبا والباقي كله صبيان
سلكه وفيشه وتهتهه
:) :)

---

شكراااااااا ان شاء الله هجربه ويارب يطلع كويس ... انا ساكن في الزيتون وفي شغل الكهربا بالذات بروح لواحد بعد جامعة القاهره عشان راجل فاهم