engine check

**nebo082** · 01-12-2010 09:20 PM

انا عندي مشكله مع الجين لمبه افحص المحرك منوره ومش عارف السبب ارجو ان تفيدوني

**sayed911** · 01-12-2010 09:26 PM

اعتقد افضل واامن حل انك تروح على التوكيل وتخليهم يحطوها على الجهاز وتشوف الـ error جي منين عشان ممكن تكون حاجة مهمة وممكن تكون حاجة متستاهلش ولكن رأي لا تستهين بالموضوع وربنا معاك وطمنا حصل ايه معاك ..

**otefa** · 01-12-2010 09:26 PM

عندك مشكلة تانية في الموتور ظهرت مع اللمبة!
علشان تعرف السبب لا زم أسكنر
ممكن تجرب تفصل سالب البطارية 3 دقائق وتوصله تاني ممكن الأيرور يروح لو رجع تاني مافيش حل غير الأسكنر

**M.Nasr** · 01-12-2010 09:30 PM

متابع ياريت تقولنا وصلت ل ايه

**eng_Amr** · 01-12-2010 10:01 PM

حصل معايا موضوع الموتور دة قبل كدة كانت مشكلة سنسور و دى غالبا بتحصل بيغيرو السنسور فى التوكيل وبتتحل (الكابل اللى واصل من عند علامة الزيت للموتور تحت اخره بيسخن جامد)
او ممكن البنزين اللى فى العربية مغشوش دة بردو بيخلى اللمبة تنور
لو العربية مفيهاش اى حاجة غريبة ان شاء الله تكون حجة من الاتنيين دول و ربنا يسهل
ممكن تروح التوكيل او ورشة فيصل لو عربيتك فى الضمان التوكييل بيعملها ببلاش وغالبا هتكون حاجة خفيفة ان شاء الله

**vsaga** · 02-12-2010 01:16 PM

لسة حصل معايا اول امبارح لاقتها منورة بس العربية ماشية عادى روحت لتوكيل العجوزة لاقتها طفت لوحدها المهم ما وصلها بالجهاز طلعت ايررور ان حصل كونكشن لوس مع البدال بتاع البنزين وطلع حوار بظيط يعنى وطلع ان الكونكشن علقت والراجل ضيق على البينات شوية عشان متقعش تانى من مكانها