أنا مركبها عندى بس كنت مركبها زمان بس كنت مشغلها مع النور الصغير كنت كل ما أخش على لجنه لازم أطفي النور خالص فكانت حوار ده غير إنها إتحرقت بعد كام شهر علشان شغاله على طول بعد كده إشتريت واحده تانيه وعملتلها زرار لوحدها ولمبة بيان كده لذيذه علشان منسهاش منوره وأنزل علشان أنا بقيت أشغلها الصبح بس الناس بتقعد تبص عليها بتبقى غريبه شويه إنما باليل بتبقى عامله زى التكسيات شويه :Ob_mak1[1]:
وهيه عباره عن جهاز مربع قد الموبايل كده وطالع منه سلكتين ولمبتين بتحطهم يا إما ورا فى مكان لمبة المرشدير أو تسقطها فى الفوانيس الأماميه زى ما أنا عامل وفى ناس بتحطها فى الفوجات وديه أشيك بالنسبالى وفيها 2 زرار بتسرع أو تبطء سرعة النور وتخلى اللمبتين يشتغلوا مع بعض يا إمه واحده وواحده
والجهاز للأسف مابيتحطش جوه العربيه بيتحط فى الكابوت علشان سلكه قصير بين اللمبه والجهاز وماينفعش تطوله بسلك تانى لإنه معمول بطريقه غريبه شويه
وبجيبها من التوفيقيه إسمها فلاش وطبعا السعر فى التوفيقيه إنت وشطارتك هما بيقولوا خمستلاف وإتنين مليون وكلام كتير كده أنا جايبها ب 28 جنيه دلوقتى تلاقيها رخصت وفى نوع تانى أرخص ب 15 جنيه وديه للموتوسيكلات ونورها ضعيف شويه هتعرفها منين بقى بتاعت الموتوسيكلات هتلاقى لمبتها عامله زى الصباع إنما التانيه لمبتها نص دايره كده أظن أنا كده قولت كل حاجه عنها بغض النظر بقى عن إن شكلها بايخ أو حلو:Oc_sun1[1]: