استفسار عن تنضيف البوابة والحساسات والبوجيهات

**ahms10** · 01-12-2010 10:25 PM

سلام عليكم

كان عندى استفسار عن شوية الحاجات دى

اولا:تنضيف البوابة هل فى مشاكل لو عملتة كل 5000 كيلو

ثانيا:اة الحساسات الى ممكن تتنضف فى العربية انا كل الحساسات الى اعرفها فى العربية حساس الايدل واعرف انى دا الى بيتنضف وحساس الtps ودا مش بيتنضف وفكة بيعمل مشاكل
الاهم بقا فين حساس الايدا دا وطريقة تنضيفة اة لانى العربية عاملة فوق ال50 الف وعمرى ما نضفتة

اخر استفسار كنت عايز افير البوجيهات بنفسى عشان اتعلم بس مش اكتر هل تغيرها ممكن يعمل مشاكل فى اى حاجة واة الى اخد بالى منة وانا بغيرها وعندى المفاتح ال 16 بتاعها جاهز بس خايف من التجربة
سوال مهم يا ريت الى متاكد بس يقولى كنت عايز اجيب بوجيهات ايريديوم كذا واحد قلى غلط جدا على العربية لانى العربية مش مجهزة على التحميل والاحتراق العالى دا وواحد قلى دى تخرم الماتور فى عربيات معينة بتنزل ب الاريديوم دا مش اى حاجة تتركبلها
يا ريت اعرف راى الخبراء اة فى الكلام دا

**M.Elgergawy** · 01-12-2010 10:37 PM

يا باشا عادي جدا ممكن تغير البوجيهات ومتخافش بس اهم حاجة كل سلك بوجيه تخليه في مكانه والافضل انك تغي واحد واحد عشان متتلغبطش في اماكنهم

**ayman97** · 01-12-2010 11:08 PM

المشاركة الأصلية كتبت بواسطة puyol

يا باشا عادي جدا ممكن تغير البوجيهات ومتخافش بس اهم حاجة كل سلك بوجيه تخليه في مكانه والافضل انك تغي واحد واحد عشان متتلغبطش في اماكنهم

لو انا بغير البوجيهات وحصل لخبطة في سلك البوجيهات ايه اللى ممكن يحصل وهل في ضرر على المكنة أو استهلاك البنزين؟؟؟

**ahms10** · 02-12-2010 04:32 PM

تمام طيب بالنسبة للبوابة والايدل ومكان فين لانة بصيت لقيت حساسات كتير اوى اوى ومش عارف انى واحد فيهم وخايف افك حاجة تبوظ الدنيا

**M.Nasr** · 03-12-2010 01:03 PM

المشاركة الأصلية كتبت بواسطة ayman97

لو انا بغير البوجيهات وحصل لخبطة في سلك البوجيهات ايه اللى ممكن يحصل وهل في ضرر على المكنة أو استهلاك البنزين؟؟؟

فيه ضرر على المكنة طبعا لأن كل بوجيه له توقيت معين عشان يوصل له كهربا ويعمل السبارك لما يكون البستم فى اعلى نقطة بيوصلها والتزامن ده مرتبط بفتح وقفل صمامات البنزين والعادم عشان كده لازم كل سلك يكون فى مكانه الصح

**M.Nasr** · 03-12-2010 01:04 PM

المشاركة الأصلية كتبت بواسطة ahms10

تمام طيب بالنسبة للبوابة والايدل ومكان فين لانة بصيت لقيت حساسات كتير اوى اوى ومش عارف انى واحد فيهم وخايف افك حاجة تبوظ الدنيا

متابع ومستنى الطريقة عشان اعملها انا كمان

**nice_bird** · 03-12-2010 03:23 PM

+111111111 متابع تنظيف الحساسات

**M!SHO** · 03-12-2010 03:31 PM

تنظيف البوابه

المشاركة الأصلية كتبت بواسطة أبو إياد

وفى حاجه تانيه اشترى اسبراى تنظيف الرشاشات وخلى ميكانيكى يفك الماسوره بتاعه العمه من ناحيه الموتور (البوابه) مكان السهم فى الصوره ويقوم برش الاسبراى والموتور شغال مع تزويد البنزين

..