الموضوع: لقد حددت الموضوع الخاطىء ...

مستنين ايه ؟ بيقولك لقد حددت الموضوع الخاطىء ... قطعا مفيش موضوع

عارفين .. احيانا بيقى الكلام من طرف واحد مريح جدا و بيلخص و مبتعرفش تاخد معاه لا حق ولا باطل... يعنى انا مثلا اتمنيت اكون جهاز كمبيوتر مثلا ... و اللى يعجبنى ارد عليه و انفذ الاوامر و لو حد تقل علية شويه اهنج و يضرب دماغه فى الحيط و يرجع يعيد عليه الكلام تاني ...

يعنى مثلا لو مديرك فى الشغل رخم شويه و عمال يخنق فيك و يسألك ؟؟ ممكن تقوله لقد حددت الموضوع الخاطىء .. فضلا راجع الادراة
و لو سالنى عن حاجه مثلا بدل ما اوجع زورى و اشرح و اديله رااااابط و هو يعيش بقى مع نفسه؟؟

و لما مراتى تسألنى عن مصروف البيت مثلا اقولها لقد حددت الموضوع الخاطىء ؟ ولا هتعرف تعمل ايه حاجه

فى رسايل ممكن تجيب شلل للى بيقرائها و يا سلام بقى لو كانت مصحوبة بزمارة مثلا او احد النغمات الكريهة اللى ممكن تطلع من الجهاز زى ما يكون بيقول يا حمااااااااااااااااار انت مش كده ... و بيفضحك قدام الناس .. و الله نفسى عمل زية .. و اطلع بقى من وجع القلب بتاع طب علشان خاطرى ... طب جرب كده ... يعنى عمرك شوفت جهاز كمبيوتر عمل حاجه علشان كان خايف منك مثلا ... او اتحايلت عليه ...

و يا سلام بقى لما تبقى فى مروحه على قلبك جوة تهوى عليك و الطراوة تيجى و محدش يتعامل معاك الا القئه المثقفه اللى تريح شويه ؟؟مش اى حد و السلام ...

مرة كنا بنسلم مطبخ فى فتدق و المهندس الاستشارى اللى هيستلم منا شاف المطبخ و عليه بلاطة ستاتلس و تحتيها خشب و كنت مع صاحب الشركه .. المهم الاستشارى ده حب يعمل فيها فاهم فقاله يعنى الاستانلس ده لما يسخن مش هيحرق الخشب ده ... فصاحب الشركه اتزنق .. هو ميعرفش اى حاجه .. قام قايل للمهندس ده .. فى مادة عازله قويه جدا اسمها " ترابوكه " تحت الاستانلس ده ... الراجل اعجب بالفكرة و قاله هاتلى شوية " ترابوكه" اعزل بيهم الشغل.. فقالى هاتلة شويه "ترابوكه" يا حسام المرة الجايه .....

طبعا انا كان نفسى ازمر و اقولة لقد حددت الموضوع الخاطىء ..

اااااه نفسي ابقي كمبيوتر بس الكمبيوتر كائن غبي
ولو اللي قدامو مش فاهم هايقوللك ده جهاز غبي
ولو اللي قدامو فاهم يعرف يخلص شغلو

اديك مثال

امبارح كان المفروض اسلم برنت زيروكس من الصيانة لعميل والعميل مدير مالي اب تييييييييييييت

اول ماشافني قاللي ازيك ياهندسة قلتلو تمام لقيتو فتح باب البرنت وطلع الحبر وبيقولي وريني الحاجات اللي انتو غيرتوها

بيني وبينكم كنت هاقولو كلمة قليلة الادب لان هو دافع مبلغ عبيط اصلا في صيانتها 150جنية

وكمان قديمة وطلع عين اهلي علي ماجبتلها قطعة غيار

المهم قعد يجربها حشرت ورق مرة قاللي بص لسة بايظة

المصيبة ان اي برنت حتي لو جديدة بتحشر ورق
المهم
نجرب تاني زي ماتقول البرنت قرفت من وشو وانا كان عندي برد وكانت قافلة معايا

قمت شايل كابل الباور والداتا وقلتلو هاتخش صيانة تاني والسلام عليكم وراميها في العربية ومش هاوديها غير كمان اسبوع وعيش بقي من غير برنت

علشان تدلع وتعمل ناصح

ساعتها ياحسام كان نفسي ابقي كمبيوتر ازمر

او كلاكس عربية تت تتتات

مع احترامي لكل مدير مالي بس 85% من المدير المالي اللي انا اتعاملت معاهم شخصيا عالم مقرفة جداااااااااااا

وعاملة نفسها بتفهم وهي اخرها تجمع وتطرح غلط

معلش خرجت عن سياق الموضوع بس انا مفقوع من امبارح لدرجة اني خلاص نويت لو حد قاللي صلح برنت هاقولو وديها انت واخرج نفسي من القصص دي

وللمرة 2 انا مش عايز اي مدير مالي او محاسب يزعلي مني لان اي مهنة فيها الحلو والوحش