الموضوع: العربية بتقطع

ايه يجماعه محدش عارف جل المشكله ولا ايه للدرجه دي المشكلة معقدة :(

للأسف الاحتمالات اكتر من واحد ولا سبيل لتنحيتها غير بتبديل اجزاء ودفع فلوس

نبتدى بالأرخص فالأغلى:

1- غير فلتر البنزين
2- استعمل زجاجة منظف كاربراتير /رشاشات وضعها على تفويلة بنزين
3- انت محددتش موديل العربية،او اللى فات مجابش نتيجة و لو هى قبل 2005 فك العمة ونضف بيكات السرعة باستخدام سلك رفيع وخلى متخصص كاربرتير يراجعلك على حركة إبرة العوامة، ولو هى 2005 او اعلى خلى متخصص رشاشات يسلك لك الرشاش
4- كدة احنا خلصنا سكة البنزين، لو محلتش المشكلة أرخص حاجة فى سكة الكهرباء هى الشاكوش ووش السبراتير ، اكشف عليهم بالعين ولو فيهم تآكل غيرهم
5- لو كل ده محلش المشكلة غير البوبينة وياسلام لو لقيت حد عنده واحدة ممكن تاخدها على تجربة اسبوع ولو محلتش المشكلة ترجعها
6- لو البوبينة محلتش المشلكة غير المشط

انا عندى نفس المشكله. الميكانيكى قالى طلمبة البنزين بايظه

الف شكر يجماعه على ردكم بجد وانشا الله هعمل كل ده بس بالمرة بقا انا عندي سؤال انا العفشة قدام عدي بتتفكك بسرعه جدا وخصوصا الركبه الشمال الي تحت المساعد لو عندكم فكرة عن السبب ياريت ويبقى ده قمة التزبيط :)

العربية 97 والشاكوش غيرته سابقا والمشط بيقولوا لو طلع من مكانه بيبوظ وشكررااا لكم

جرب غير البنزينة لأن هذه المشكلة حدثت معايا وخاصة عندما كنت أمون من بنزينة معينة . وتم حل المشكلة والحمد لله بعد تغيير البنزينة......... والله الموفق...

احمدك يارب المشكله ااتحلت وصلحت العربيه وطلع مشط فعلا
وغيرت الطنابير وبليتين الصرة وزبطتها على كده والحمد والشكر ليك يارب مشيت اخير بعد ماعطلت امبارح 8 مرات ووصلتها البيت بضرب الجزم