الموضوع: لو عاوز تفتح صيدلية..كلاكيت تاني مرة

وللحرق طريقة تانية

المخزن يروح ياخد من الشركة كمية ضخمة .. بياخد عليها بونص
يعني مثلا كل 1000 علبة كيتوفان ..بياخد عليها 50 علبة زيادة
يبقا لو المخزن جايب الــ 1000 علبة على خصم 20 % من الشركة .
1000 علبة كيتوفان سعر الجمهور بتاعهم 5000 جنيه
يعني المخزن بيشتري الــ 1000 (على خصم 20%) بـــ 4000 جنيه
وواخد عليهم 50 علية زيادة(250 جنيه)
يعني هوا كده بيكون شاري 1050 علبة بــ 4000 جنيه
يعني كده المخزن يكون شاري بخصم 23%


تمام
يبيع هوا للصيدلي بـخصم 22 % ..ويكسب هوا 1%
وكده الصيدلي بياخد من المخزن أحسن ماياخد من الشركة
إلا لو كانت صيدلية ض

موضوع رائع فيه معلومات مكنتش اعرفها ابدا ولا فكرت فيها...شكرا جزيلا

انا عايز افهم الحتة دي بس:

وصاحب الصيدلة غير المدير
المدير ممكن يكون الصاحب ..أو لأ

أجر الصيدلي إلي هيسجل صاحب مابين ( 250-300) جنيه شهريا
وأجر المدير للصيدلية مابين (600-750) جنيه شهريا

اللي فهمته ان شرط يكون فيه صاحب للصيدلية وهو لازم يكون صيدلي...والصاحب الحقيقي ممكن يكون اي حاجة بس بيستخدم اسمه بس للترخيص وبياخد أجر علي استخدام اسمه
ولازم يكون فيه مدير للصيدلية وده لازم بردو يكون صيدلي...(للترخيص) وبياخد أجر علي استخدام اسمه في الصيدلية

1- معني كده ان لا الصاحب ولا المدير لهم عمل حقيقي في الصيدلية غير استخدام الاسم في الترخيص ؟
2- مادام ينفع الصاحب يكون المدير...ليه ميكنش ده الجاري في كل الصيدليات ونوفر وجود شخص تاني في الترخيص وبكده الصاحب يقدر ياخد أجر الصاحب والمدير ولا ليها اعتبارات تانية ؟ (أعتقد السؤال ده إجابته في محتوي السؤال الأول)