إيه ده...الموضوع ده من سنة ومكنتش واخد بالي...
عرض للطباعة
إيه ده...الموضوع ده من سنة ومكنتش واخد بالي...
الفرشة دي حسب المكان
لكن فيه أصناف ماشية في كل مكان .. زي الكيتوفان والكونجيستال والبروفين وخلافه من الأدوية الشايعة
يعني علشان تفرش..تشوف صيدلية قريبة يكون واقف فيها صيدلي بيحترم نفسه(ويكون مؤمن إن الرزق بتاع ربنا)..وتاخد منه قايمة بالأصناف إلي ماشية عنده
========================================
موضوع الصاحب والمدير
لو أنا عندي صيدليتين ..مثلا...ممكن أكون صاحب الإتنين .. ومدير في واحدة منهم .. وبالتالي التانية لازم لها مدير إسمه مختلف
وممكن أي صيدلي يسجل ليك صاحب (لو مش حاطط إسمه على أكتر من صيدلية تانية)
لكن مش بالضرورة إنه يرضى يسجل ليك مدير .. علشان زي ماقلت
المدير لازم يكون واخد أجازة .. أو مستقيل من الحكومة
شئ آخر
صيادلة بيسافروا الخارج وبيحطوا أساميهم على صيدليتين (وكده يضمنوا دخل في حدود الـــ 1000 ج )...وطبعا علشان هو بره البلد .. فمش ممكن يسجل مدير
==================
الصاحب والمدير
إسم على أوراق=سد خانة
محدش فيهم بييجي إلا علشان يقبض وبس ..وغالبا مش بييجوا ,الفلوس بتوصل ليهم لحد عندهم
لكن المدير بتجيبه الصيدلية لما بيكون فيه تفتيش
غير كده
لاالمدير ولاالصاحب ليهم فايدة فعلية في الصيدلية
طيب تكاليف الرخصه كام يا دكتور احمد دلوقتى ؟
ولو انا عايز افتح صيدليه تتكلف تشطيب كام فى المتوسط و ادويه بكام ؟
تكلفة الترخيص مش مهمة بالمرة
يعني رسوم ودمغات ورسم هندسي وخلافه مع شوية مشاويـــر وشاي وحاجة ساقعة إلخ إلخ
تعمل حسابك في 1000 جنيه يمكن أكتر شوية...
التشطيب
شوف...
القانون بتاع الــ 40 متر إتلغى..ورجعت تاني المساحة الأدنى 25 متــــــــــــر
يعني شوف هتستلم المحل متشطب ولا لأ
والتشطيب حسب مانت عاوز تكلم .. دي حاجة نسبية تختلف حسب الخامات إلي هتجيبها
وغالبا الحيطة هتاخد وش واحد بس..علشان أساسا هتستخبى ورا الخشب والرفوف
بس أهمممممممممممممم حاااااااااااااااااااااااا ااااااااااااااااااجة
لازم تكتب عقد المحلات(لو مش تمليك) .. بمدة مش أقل من 10 سنين ولو أكتر يبقا لوز العنب
علشان ماتقعش في المصيدة تكتب عقد بمدة سنتين أو تلاتة .. ولما يعدوا ييجي صاحب البيت يطمع فيك ومايرضاش يجدد العقد غير لما يضاعف قيمة الإيجار مرتين تلاتة .... لوي دراع يعني
وزي ماقلت
متوسط الأدوية
مبلغ 25-30 ألف لوز جدااا تنزل المنصورة تجيب بيهم كميات أدوية تفرش بيهم فرشة محترمة
والمستحضرات(الكريمات والشامبوهات وخلافه ) تهتم بيها في الأول
علشان دي بتسحب الرجل عليك على الأقل من باب الفرجة والفضول
يعني المستحضرات بتدي شكل جميل للصيدلية
حركة كده...تعملها لما تيجي تشتغل(((خبرة ...خبرةةة))
لما تدخل عليك روشتة..راجل وست هما الي داخلين بيها
إتلكع في الروشتة ..علشان الست تلحق تتفرج براحتها ..فتشتري حاجات من الكريمات أو أدوات التجميل
والراجل يدفع
وكل عام وأنتم بخير
أي سؤال أنا موجود
أه
نسيت أقول
إنزل هات حاجات التجميل من الموسكي .. هناك الأسعار خيالية مهلبية
يعني لو معاك 5000 الاف..هتغرق بيهم الصيدلية مستحضرات تجميل
يعني
علشان تبدأ بداية محترمة جدااااا
مش أقل من 35 الف (للأدوية والمستحضرات)..وده بالنسبة للصيدليات العادية
أماكن كتير لازم الصيدلية ماتبدأش بأقل من 200 الف ..بس دي بالنسبة للحيتان الكبار..مش إحنا طبعا
استاذ و نصايح جامده ربنا يخليك يا باشا ويكرمك هى بصراحه زوجتى الى صيدلانيه وعايز افتحلها صيدليه
بس 25 متر ولا تقصد 35 .؟ 25 ده قليل اوى ؟؟؟؟
مساحة الصيدلية حدها الأدنى 25 متر مربع
يعني مساحتها ماتكونش أقل من 25 متر
ولو زوجتك صيدلانية .. ممكن تخليها تسجل صاحب ومدير لأي حد عاوز يفتح
وكده تضمن مبلغ 1200 ع الأقل يجولك لحد البيت أول كل شهر .. من غير قرف ولا وجع دماااغ ولا شغل
مش هينفع مدير لانها بتشتغل فى مستشفى الاطفال فى المنصوره فى الجامعه
هو المشكله يا دكتور احمد الى مسيطره حتى الان المكان مفيش اى مكان الصيدليات كترت اوى وحتى اقتراحك التانى ده مش متاح برضه ماعدش حد بيعمل كده ربنا يسهل وشكرا يا باشا على النصايح
متابع و موضوع جميل
بس سؤال إشمعنى المنصورة للأدوية
و الموسكى لمستحضرات التجميل
هو مش المفروض إن كل حاجة و ليها الشركات الخاصة بيها و إن فية مندوبين هما الى بيعدوا على الصيدليات عشان يبيعولك مستحضرات التجميل ده و الأدوية و لا الصيدلى هو الى بيبقى مسئول عن شراء الأدوية و هو الى بيلف على أماكن الأدوية و المستحضات و يشتريها
ماذا يحتاج تأسيس صيدلية جديدة ؟؟؟مشروع صيدلية……..عندتأسيس مشروع صيدلية جديدة ستحتاج أن تتعامل مع العديد من الشركات والمؤسسات المتعلقة بتجهيز صيدليتك الجديدة مثل شركات تجهيز الصيدليات المسؤولة عن تجهيز ديكور صيدليات و الاستاندات او اماكن العرض بها , الاضائه ….. وغيرها و ننصح بأن تبحث عن شركات تأسيس الصيدليات التي تمتلك ورش او مصانع تقوم بتصنيع ديكور صيدليات و الاستاندات بها, لأن في الغالب تكون تكلفتها أقل كما أنها تتكفل بكل شئ من الالف الي الياء ستحتاج أيضا لبعض المعدات الطبية مثل جهاز قياس ضغط - جهاز قياس سكر - ميزان …. وغيرها ستحتاج ايضا و بكل تأكيد إلى برنامج إدارة الصيدلية و لاختصار الوقت و المجهود يفضل أن تختار برنامج صيدليات التي تحتوى على قواعد بيانات أدوية جاهزه ايضا قم بالتدقيق حول وجود دعم فني سريع و مستمر لبرنامج الصيدلية من عدمه , لأن ذلك يؤثر بشدة علي سير عملك في الصيدلية , ننصح ايضا بتجربة البرنامج من خلال نسخة الديمو الخاصه به للتأكد من مناسبة البرنامج لك بشكل كامل . و في هذا السياق ننصح ايضا باستخدام برنامج صيدليات فارما كير الذي استطاع أن يثبت وجوده بقوة في مختلف الدول العربية في السنوات القليله الماضيه . ولتحميل النسخة التجريبية من خلال المتجر الالكتروني الخاص بالشركة المنتجة من هذا الرابطhttps://amadeus-store.com/arabic/97cf801fa378fe8fdb9f6ae09d68ac53.html
https://amadeus-store.com/crm/pharmacare-contact.php
في هذا المقال الصغير قمنا باختصار الجهات التي تتعامل معها لتأسيس صيدليتك في ثلاث جهات رئيسية بالتأكيد بالإضافة إلى جهات ترخيص الصيدلية و التي تختلف قواعدها من دولة لأخرى وذلك لكي تستطيع أن تبدأ مشوار تأسيس صيدليتك الجديدة في أسرع وقت وبسهولة وفي إطار هذه الثلاث جهات التي تحتاج أن تبحث عنها بعناية لكي تحصل علي النتائج المرجوةالويب سايت الخاص بالبرنامجPharmacare-phms.comhttp://pharmacare-phms.com/language/ar/%D8%AA%D8%AD%D9%85%D9%8A%D9%84/
ترخيص صيدلية لغير صيدلى ,مشروع صيدلية ,شروط ترخيص صيدلية,تكاليف فتح صيدلية,صيدلية مصر ,عايز افتح صيدلية وانا مش صيدلى ,تكاليف فتح صيدلية ,مشروع صيدلية ناجح