الموضوع: عملت حادثة

الاير باج مرتبط بحزام الامان
دي معلومه اول مره في حياتي اسمعها
اللي اعرفه ان حساسات الاير باجز مش مرتبطه بالحزام وبتشتغل طبعا في حاله الحوادث اللي في الوش
كابوت
سربنينه
اكصدام
كساحه
ردياتير
فوانيس
فوج
أربة مياه
المصفحة الحديد الى ورا الأكصدام
شبكة
جنط شمال بالكاوتش
دي مش حادثه صغيره عموما ما اقدرش ااكد المعلومه او انفيها بس لو هو ما يشتغلش غير مع الحزام ويشتغل او ما العربيه تبدا تتعجن يبقي دا نظام مش تمام
انا طول عمري في الالحرفيين اشوف العربيات الالماني والياباني طالما الكبوت اتعوج يبقي الارباج يشتغل

الف حمدلله علي السلامة والحمدلله انك بخير وفي نفس الوقت كويس ان الاير باج مافتحش لانة كان هيكلفك كتير

أولا ألف حمد لله على السلامة يا أستاذ شريف و الحمد لله أنك بخير .

بالنسبة لمعلومة الوسائد الهوائية و حزام الأمان
المفروض أن مفيش أرتباط
و كويس أنها ما فتحتش
فتح الوسائد مع عدم ربط الحزام فيه خطر شديد على السائق

و لكن مش بالضرورة أن الوسائد تفتح في كل الحالات هو حسب وصول الأصطدام لمكان الحساسات

حمد لله على سلامتك
وطالما مأمن متقلقش

المشاركة الأصلية كتبت بواسطة gebreel

موضوع حزام الامان ده فيه اكثر من نظام

مثلا في الميجان مربوط بحزام الامان ليه؟
اولا علشان خطر جدا ان الايرباج تفتح و السواق مش رابط الحزام
في عربيات مفيهاش الموضوع ده
ثانيا الايرباج بيفتح في حالة فقط ان الخبطة وصلت للسينسور بتاعو في العربية و كان فيه موضوع هنا تويوتا اتقلبت و الايرباج مفتحش ليه علشان الخبطة موصلتش للسينسور

المشاركة الأصلية كتبت بواسطة asas2

هو انت مش مأمن ؟!! .. تبقى مش مشكلة ومش مستاهله قوى تقعد تقارن فى اسعار قطع الغيار لأن التأمين كدة كدة هو اللى حيدفع

المشاركة الأصلية كتبت بواسطة tutankhamoun

أولا ألف حمد لله على السلامة يا أستاذ شريف و الحمد لله أنك بخير .

بالنسبة لمعلومة الوسائد الهوائية و حزام الأمان
المفروض أن مفيش أرتباط
و كويس أنها ما فتحتش
فتح الوسائد مع عدم ربط الحزام فيه خطر شديد على السائق

و لكن مش بالضرورة أن الوسائد تفتح في كل الحالات هو حسب وصول الأصطدام لمكان الحساسات

السلام عليكم
أحب أوضح معلومة كنا أتكلمنا فيها قبل ما المنتدى يقع وهي معلومة عن حساس الوسائد الهوائية وهي أن العربيات المزودة بـ 1 أو 2 وسادة بيعتمد فيها نظام الحساس على Sudden Decelaration ودا موجود جوا وحدة تحكم الوسائد ورا يد الفتيس مثبت على Web رئيسي اللي في العربية والمنطقة اللي محطوط عليها دي مكان إستراتيجي أي بتمكنوا من تحليل
1- مدى قوة الخبطة
2- نقطة مركز الخبطة من وش العربية أي أنوا بيحس في نطاق 30 درجة يمين وشمال مركز العربية
3- مدى معدل التباطئ للعربية لو مفاجئ بمعدل معين أو بمعدل تدريجي
الحساس لو أتكلمنا علية بشكل مبسط هوا ذي السبحة اللي متعلقة في مراية العربية أي حركة بتتعرضلها العربية بتنعكس عليها بس هوا طبعا أكتر حساسية وتحليلا ودقة ودا اللي موجود عندنا
طب لية ميتحطش أودام العربية لانة ممكن جدا يتأذي من غير حادثة كبيرة
وأحيانا بيتركب في القوايم لفتح الوسائد الجانبية وهكذاااااا
أتمنى المنتدى يفضل شغال بعد الموضوع دا ميحصلش ذي ماحصل قبل كدا