-
عملت حادثة
الحمدلله قبل اى شىء عربيتى جين 2008
بس انا لبست فى عامود ومافيش ايرباج فتحت وجت سليمة والحمدلله .. هو الأيرباج بيفتح لما اكون لابس الحزام ولا ايه ؟؟؟؟؟!
كل ده ادمر
كابوت
سربنينه
اكصدام
كساحه
ردياتير
فوانيس
فوج
أربة مياه
المصفحة الحديد الى ورا الأكصدام
شبكة
جنط شمال بالكاوتش
الى يعرف اسعار يقولى يا رجاله لو سمحتو
-
-
سبحانك اللهم وبحمدك ، أشهد أن لا إله إلا أنت أستغفرك وأتوب إليك
-
الف سلامة عليك والحمد لله انك بخير
-
حمدا لله على سلامتك
عموما اتصل بالتوكيل نفس رقم الحجز واعرف اسعار قطع الغيار
والحمد لله انك بخير واعتقد ان الايرباج مش بيفتح الا لو الموضوع كبير ولاقدر الله الحادث هيوصل ليك كسائق والحمد لله انه مافتحش لانك اولا بخير وثانيا كان هيكلفك كتييييييييييير
-
الف سلامة عليك والحمد الله انك سليم وكل شي يرجع احسن من الاول
-
اولا الف سلامه عليك و ثانيا ايوه الاير باج مبتفتحش الا لو لابس الحزام
-
الله يسلمكو يا رجالة .... الف شكر على الأهتمام ....
انا مأمن مع مصر للتأمين ...
ممكن لو حد يعرف هناك يظبطنى ...
-
السلام عليكم
حمد لله على سلامتك وبسيطة إن شاء الله أسعار الحجات اللي عندك بيتوقف على مكان التصليح لو هتشتغل مع التوكيل ولا بره وهحاول أفيدك بالأسعار لأني كان عندي موقف مشابة من حوالي شهرين والحمد لله
الأسعار
كابوت توكيل 1400 تقريبا والشنب النيكل بـ 120 أما من برة التوكيل 900 جنية جديد والشنب بــ 75 جنية
سربنينه التكييف معرفش في التوكيل بكام بس برة التوكيل إستيراد 400 جنية
اكصدام 350 جنية برة التوكيل الشكل الجديد بس ممكن تودي اللي عندك لحد بتاع فايبر يظبطوا جرب كدا
كساحه 500:600 جنية تقريبا
ردياتير 1300 جنية في التوكيل من غير المراوح والمراوح بحوالي 1000 جنية لكن ممكن تجيب ريداتير لانسر 2007 وهيركب عندك بمراوحه في حدود 1000 جنية مع تعديل بسيط في الفيش أو الأستيراد بتاعنا 900 جنية من غير المراوح المروحة ممكن تعملها حوالي 400:600 جنيه على حسب الأستغلال
فوانيس الأصلي اللي بموتور في التوكيل الواحد بـ 1300 جنية برة التوكيل الإستيراد مستعمل 600 جنية والجديد برة التوكيل الـ Depo من غير مواتير وتقفيلوا مش قد كدا 225 جنية الفرق مغري
فوج الواحد 150 جنية برة التوكيل
أربة مياه معرفش بكام
المصفحة الحديد الى ورا الأكصدام معرفش بكام
شبكة 75 جنية من غير العلامة والعلامة بـ 75 جنية برة التوكيل
جنط شمال بالكاوتش في حدود 1000 جنية بس هتغلب شوية أنك تلاقي حد عندوا نفس شكل الجنط وأنوا يرضي يبعلك واحدة بس
ممكن تكلم ماجد اللي في المنصورة ممكن جدا يفيدك بأسعار كويسة 0102898992
-
Content Relevant URLs by
vBSEO 3.6.0 PL2