الدنيا شبورة جدا على الطرق الزراعية الرؤية ممكن تقول 50 متر بالعافية
محدش يعمل حسابه إنه هيجرى و يا ريت الى يعرف يأجل سفره يأجل
و الصبح أكيد هتبقى أسواء من كدا
الى مضطر يسافر يا ريت يبدر شوية و يمشى براحة
عرض للطباعة
الدنيا شبورة جدا على الطرق الزراعية الرؤية ممكن تقول 50 متر بالعافية
محدش يعمل حسابه إنه هيجرى و يا ريت الى يعرف يأجل سفره يأجل
و الصبح أكيد هتبقى أسواء من كدا
الى مضطر يسافر يا ريت يبدر شوية و يمشى براحة
يعني حضرتك مش مثل زي امبارح ولا اكتر يا ريت الرد بسرعه عشان بروح الشغل بدري
انا رايح القاهرة بكرة ان شاء الله مواصلات هى الشبورة بتبقى للساعة كام
انا امبارح راجع من القاهرة للمنصورة مشي داخل السحاب
الصورة دي اول امبارح :
http://img253.imageshack.us/img253/641/30112010254.jpg
الصحراوي النهادة الصبح كان مقفول .. و الشبورة عالية جدا على معظم الطرق ربنا يسترها علينا
دى المرة التانية اللى امشى فيها فى شبورة بهذا السوء
المرة الاولى كان معايا اخويا وهو بيطلع راسه من شباك وانا من شباك واحنا الاتنين ماسكين الدركسيون مع بعض
المرة التانية كانت الساعة 1:30 بعد منتصف الليل (ليلة الخميس) بس المرة دى كنت لوحدى
فعلا كانك ماشى وسط السحاب ووقفونا كتير عند اخر وصلة المريوطية اللى بتتفرع بعد كده عشان تمسك اسكندرية الصحراوى او الزراعى وكانوا مانعيين الناس تاخد الصحراوى والمرور موقف كل العربيات
اول موقفنا مكنش فيه شبورة الا على خفيف لكن لما وقفنا كتير حسينا كأننا جوه فيلم رعب وابتدا الغمام الابيض يكتر من كل ناحية
ومشينا بعد كده وكملت على اسكندرية الزراعى كان فيه حتت بعتمد فيها على عواميد النور عشان اعرف السكة ماشية طوالى ولا الطريق بيلف
وحتت تانية الدنيا كانت ضلمة كحل فشغلت gps عشان ابقى عارف الطريق اللى انا ماشى فيه منين بيودى على فين وبيلف امتى عشان ملاقيش نفسى لبست فى خرسانة
قبل مسيب الزراعى كانت فيه عربية من بتوع المرور كانت واخدة المقدمة وكلنا كنا ماشيين وراها ومانعة اى حد يعديها
المشكلة اللى قابلتنى هى انى اعرف فين مطلع الكوبرى اللى بينزلى على قويسنا من الزراعى ودى الحمد لله كنت حلبس فى الخرسانة بتاعته وش عشان لقيته ظهر امامى علطول برغم انى كنت ماشى بطئ جدا
اكبر مشكلة قابلتها فعلا من بعد شبين عشان اروح منوف
طريق رايح جاى وحواليه زراعات كتير ومظلم فى حتت كتير وملفاته كتير ودا كان اعتمادى الاساسى على الموبايل
والحمد لله عدت الى ديار الوطن سالما غانما
هي الشبوره بتنزل الساعه كام على اسكندريه الزراعي؟
أصل انا ناوي ان شاء الله اسافر لبنها الساعه 9 بليل عشان الزحمه وكده
الف شكر على المعلومة
اول يوم فى الشبوره ...
رجعت من المصنوره للمحله فى حوالى ساعه و ربع !!
مع ان الطبيعى تلت ساعه ..او نص ساعه لو مش بجرى يعنى
الطريق كان معدوم الرؤيه و عواميد الاناره مطفيه
كنت ماشى انا و كروز و كليو و شارك ...محدش شايف حاجه خاااااااالص ماشيين نحدف على بعض ...بمعنى ..لو انا اكتشفت انى هطلع على الرصيف ...اقوم حادف يمين ..يقوم هو كمان حادف يمين ,,وهكذا
انا فجاه لقيت العربيه بتطلع لفوق !!!
اكتشفت انى طلعت كوبرى :rfds:
لالالالالا كده متاخر ...9 بيكون فى شبوره وبتزيد و بسرعه ...اطلع قبل كده بحيث 9 تكون وصلت
ربنا يستر
مش عارف ايه السبب العلمى لزيادة الشبورة عن زمان
انا كنت يوم الثلاثاء راجع من القاهرة لاسكندريه و معايا زميلي من طنطا فاضطرت امشي زراعي و الساعة كان 1 باليل و مكنتش شايف اي حاجة لحد ملقيت واحد ماشي ب S350 كبست وراه هوا ماشي ولا هموا حاجة معاه شاشة و كاميرا انفراريد و طبعا Bi-Xenon و السنسورات في كل مكان و الدنيا حلوة تخيلوا انو كان ساعات بيجيب 100 و 120 و انا كابس وراه
انا صورت الطريق و انا سايق و كمان طلعت ايدي من العربية عشان البرفيز كان مشبر جامد
شوفوا يا جماعة صورة الطريق
http://img408.imageshack.us/img408/1494/dsc003650.jpg
في الصوره في نور احمر بعيد دي نور الفوانيس بتاعت الS350 مع انو ماكنش بعيد عني بس الشبوره كانت جامده
طبعا النور العادي مش بيعمل اي حاجة بس فيه حاجة غربية ان ال S350 كان النور بتاعها مش زي بعضه الفوانيس واحد نوره ابيض و اتاني و ازرق مخضر كده و كاشف الطرق كويس مش زي الزينون قلي الناس مركبها
انا بعتذركوا يا جماعة عن عدم الرد بس النت كان مبهدلنى و مشاغل مشروع التخرج
الشبورة اليومين دول سيئة جدا جدا
انا بعد لما كتبت الموضوع دا و النت فصل أصحابى الى كانوا فى الشارع كلمونى كانوا قاعدين فى قهوة فى مكان مفتوح و شافو الشبورة زى سحابة بتقع عليهم و ماحدش فيهم شاف التانى
و إمبارح بردوا حصل نفس الكلام
أعتقد دلوقتى و بالليل مش هيقى أحسن من قبل كدا
انا شغال في كفر الدوار . الزراعي من اول كوبري ابيس لغايه كفر الدوار ( الساعة 8 ص ) مش شايف كف ايدي و الترلات واقفة يمين الطريق و المرور مش عايز يمشيها و ده افضل طبعا لآنهم بالنهار مبهدلين الدنيا فما بالك بقي في الجو ده . و الدولي واقف فوق و تحت و حركة الملاكي بطيئه جدا واعوذ بالله الميكروباصات ماشيين زي البهلونات . يعني الواحد ماشي بستر ربنا و دعاء الوالدين .