ظاهرة فى المنصورة

**magid55** · 02-12-2010 01:23 AM

ظاهرة مؤسفة منتشرة فى المنصورة وهى سرقة علامات(شعارات) السيارات--فتجد معظم السيارات فى الشوارع بدون علامات الماركات المميزة وهذه يسرقها أولاد صغار لتوضع على التاكسيات و الموتوسيكلات و التوكتوك..ويمكنك أن ترى تاكسى شاهين يضع شعارات هيونداى و فولكس و مرسيدس ...الخ وهذه الظاهرة متفشية جدا ؛ما أن تترك سيارتك فى أى مكان لفترة قليلة حتى تعود لتجدها بدون الشعارات...فما العمل؟

**factorialx** · 02-12-2010 01:24 AM

مش في المنصورة بس ده داء مالوش حل

**M.Osman** · 02-12-2010 01:49 AM

هي انا فعلاً ملاحظ ان في المنصورة كلللللللللل التاكسيات الشاهين حاطة علامة فولكس فاجن و كل الجيتا و الباسات و البولو ماشين من غير علامات !!

واضح ان التاكسجية في المنصورة هنا بيحبوا هتلر اوي

**magid55** · 02-12-2010 01:57 AM

أنا أعتقد أن الحل فى ايد ادارة المرور..فلو أى تاكسي أو موتوسيكل علية عدة علامات تجارية أو أكثر من علامة يتمسك وياخد مخالفات المشكلة هاتبقى اتحلت.....

**gomangy** · 02-12-2010 10:28 AM

انا الموضوع ملاحظه مش من انهارده
انا ملاحظه من ايام ما كنت طالب عندكو في المنصوره من حوالي 5 سنين
وفي دمياط برده منتشر بكثرة

**black_cres** · 02-12-2010 10:55 AM

.فما العمل؟

العمل في رايي ان حضرتك ماتسيبش العربية واقفة في شارع ضلمة
وقفها دايما في مكان عام وغطيها
ولو فيه جراج عام قريب منكم روح وقفها فيه (في في المنصورة جراجين اعرفهم واحد جنب حاتي الدمياطي قبل شارع بنك مصر والتاني في المشاية قبل نادي الحوار)

أنا أعتقد أن الحل فى ايد ادارة المرور..فلو أى تاكسي أو موتوسيكل علية عدة علامات تجارية أو أكثر من علامة يتمسك وياخد مخالفات المشكلة هاتبقى اتحلت.....

صعب ان حاجة زي دي تتنفذ لان السواق مش بيكون سارق بنفسه هو بيشتري من تاجر والتاجر دا اللي باعهمله هو اللي سارق
ولو قولنا ان الحل دا هينفع مع التاكسي فا هتعمكل ايه مع التوك توك اللي العن من التاكسي (انا شوفت مرة توك توك مغطي سقفه بعلامات تويوتا وفولكس)

انا الموضوع ملاحظه مش من انهارده
انا ملاحظه من ايام ما كنت طالب عندكو في المنصوره من حوالي 5 سنين
وفي دمياط برده منتشر بكثرة

مش المنصورة ودمياط بس الجمهورية كلها كدااا

**ashraf229** · 02-12-2010 12:01 PM

مصر كلها يا سيدي الفاضل تعاني من تلك المشكلة

90% من عربيات الباسات و الجيتا و الكورولا و الياريس أصبحت من غير علامات نيكل

أخرهم عربية صاحبي كورولا 2009 من كام يوم برضه اتخدت العلامة من قدام........

لنا الله.......و حسبناا لله و نعم الوكيل في كل لص سارق معتدي

**A_A_ELAZIZ** · 02-12-2010 11:03 PM

حسبي الله ونعم الوكيل حاجة تحرق الدم

**myoousry** · 02-12-2010 11:22 PM

ده انا لو قفشت واحد من ولاد التييييييت دول هاخليه يندم علي اليوم اللي اتولد فيه وفكر يخرب عربيات الناس والمشكلة انه مش بيسرق العلامة بس ده كمان بيجرح دهان العربية و بيكسر الشبكة , عيال بنت ..........

**MASERATI** · 03-12-2010 02:30 AM

السلام عليكم و رحمة الله و بركاته

الموضوع ده , كل الناس بتشتكى منه, لأنه أصبح فى الجمهورية كلها , مش المنصورة بس .

أنا كمان من المنصورة و تقريبا 80% من العربيات الجديدة عندنا بقت من غير علامات و اللى يزعل أن العلامات دى بتبقى الأصلى بتاعتها و بتبقى فى التوكيل غالية , اللى يزعل أكتر أنى بلاقى العلامات دى متركبة على عربيات تاكسى و لو روحت ناحية المراكز اللى حوالين المنصورة , زى أجا و دكرنس , بلاقى العلامات دى عالتكاتك , و الله انا مرة شوفت تاكسى شاهين حاطط علامة AUDI و مرة شوفت تاكسى شاهين برضه , حاطط علامة JAGUAR على الكبوت بتاع العربية , جهل و سفه مفيش بعد كده .

مازيراتى كواتروبورتيه

الموضوع: ظاهرة فى المنصورة

LinkBack

أدوات الموضوع

عرض

-

-

-

-

-

المواضيع المتشابهه

ظاهرة انتشار المختلين عقلياً ....... ظاهرة يجب الوقوف عليها .

من المنصورة الى شارع المنصورة و دمشق

ظاهرة غريبة جدا

إلى أهل المنصورة الكرام: إستفسار عن مدارس اللغات في المنصورة ؟؟

بشرى لأهالي المنصورة ... مركز خدمة معتمد في المنصورة

الكلمات الدلالية لهذا الموضوع

المفضلات

المفضلات

ضوابط المشاركة