الموضوع: القيادة فى مصر المحروسة والمواقف اليومية التى نتعرض لها

موقف سلبي :

- ماشي في الداري من شيراتون لمدينة نصر والطريق مطر وفي بركة مياه العربيات بتهدي جامد عندها والطريق واقف تقريبا - الكلام دا السنة اللي فاتت - وانا اديت فلاشر وشيلت رجلي من عالبنزين استعدادا للوقوف !! ورايا راجل كبير وجنبه بنت شابة شكلها بنته !! ايده بقى عالكلاكس وراح طالع من شمالي وباصصلي وبيشوح - شكله زعلان مش عارف من ايه - فشاورتله بص قدامك وفجأة اكتشف ان الطريق واقف قدامه وطبعا فرامل مرة واحدة وبيتزحلق وربنا ستر ووقف كويس و كان وراه عربية تانية كسر عليها اصلا وهو بيتخطاني وبرضة اللي وراه مش شايف اي حاجة وضرب فرامل وبيتزحلق وكل دا بيحصل على شمالي والموقف يخض وعدى تلات اربع ثواني وهما بيتزحلقوا عالأسفلت جنبي- وانا مش عارف النهاية هتبقى عاملة ازاي- وحسيت انهم وقت طويل اوي !!
جيت تاني جنب العربية الاولانية وببص عليه وبقول له انا مدي بانبهك ان الطريق قدامي واقف لقيته برضه بيشوح ومش عاجبه :( طبعا الشبابيك مقفولة والكلام دا كله بالاشارات )

- باعدي من فوق شريط المترو بالراحة اوي ( عشان مقاس الكاوتش :)))) وورايا واحد بعربية اسبرانزا ايده عالكلاكس والميدان كله فاضي يعني لو عايز يطير من عاليمين او الشمال يقدر لكن دا ورايا وايده عالكلاكس ولما جه جنبي لقيته راجل شكله محترم فــ بس قلتله بالراحة شوية الكلاكسات والطريق مفتوح ماتعدي زي مانت عايز
لقيت وشه اتحول وبيقول لي حد جه جنبك زي مايكون مش واخد باله انه بيدي كلاكس وبدأ في محاولات غاشمة لخبط الجنب الشمال بتاعي طبعا ان قصرت ودخلت اول شمال في الميدان حسيت انه راجل مجنون او مش طبيعي

- الميكروباصات بيحسسوني بالظلم والقهر





موقف ايجابي :
عايز اركن في مكان وواحد راكن واخد مكان عربيتين وقاعد في العربية واستأذنته يطلع قدام او يرجع ورا عشان المكان ياخدني قاللي من عينيا ولما شكرته قاللي الناس لبعضيها بتشكرني ليه !!!! كنت هادمع يوميها والله العظيم



دي المواقف اللي معلمة معايا بس في كتيييييييييييييييييير اوي طبعا