تحذير هام من السخانات الكهربائية و الغاز

**GEOLOGIST_774** · 10-12-2010 10:35 AM

جزاك الله خيرا

**crazylambada** · 10-12-2010 01:41 PM

المشاركة الأصلية كتبت بواسطة M!NA

ممكن معلومات عنه و عن أماكن بيعه؟

انا جبت الفاليانت الألماني... و دا بسبب تجربتي ليه ... عشان هو عندنا في البيت من أكتر من 30 سنه...

حضرتك ببساطه شديده الاباريزي ده تبع شركه اسبانيه افضل شركه لتصنيع السخانات في العالم مصنعهم حصل فيه مشكله مع البيئه بسبب محميه طيور فقرروا انهم ينتجوا سخاناتهم في مصنع تاني حتى يتم نقل مصنعهم لمكان اخر و مصنع فريش عرف ياخد حق التصنيع ليهم
السخان ده مبيتبعش في مصر لانه بيتصدر علطول لبره الكرتونه بتاعته مكتوبه الاسباني و عليها صنع في اسبانيا

رغم انها متصنعه في مصر
المهم خلاصه الامر الحل الوحيد انك تشتريه انك تشتريه من المصنع ازاي معملتهاش قبل كده بس هو المصنع في طريق مصر الاسماعيليه الصخراوي بجانب مصنع لادا

(للاسف ده بيدل ان الصناعه عندنا كويسه جدا بس مش للمصريين)

**ahmad alshaaer** · 13-12-2010 01:49 AM

كلامك تمام وربنا يكفينا جميعا شر اي حاجه وحشه

وازيد على كلامك النصيحه دي

اطفوا السخان قبل الاستحمااااااااااااام

خصوصا لو كهرباء

تحياتي

**aymantop1** · 13-12-2010 02:58 AM

المشاركة الأصلية كتبت بواسطة a_samy

او يحدث له مثل ما حدث لمحمد سعد فى فيلم كركر.

أنا جاى من سويسراااااااااااااااااااا اااااااهههه
شكراً للنصيحة

**tutankhamoun** · 13-12-2010 06:47 AM

فعلا السخانات يجب أن يكون لها معاملة خاصة خصوصا أننا في مصر بنركب السخان داخل الحمام نفسه أو داخل المطبخ نفسه .

حاجة تانية
الحمامات في مصر بتكون مبللة بطريقة كبيرة قوي و الناس مش بتحافظ على الحمام جاف قدر الأمكان
و بالتالي الرطوبة بتتسرب للسخان و تآثر على عمره الأفتراضي أكثر .

شكرا يا باشا على الموضوع

**م.احمد زكريا** · 16-12-2010 12:20 PM

بارك الله فيك يا أخي على النصيحة

أنا عندي سخان كهربائي 80 لتر وكنت مركب علية Check Valve (صمام الامان ) عادي جدا بس كان دايما بيجيب ميه من مكان خروج الماء الزائد
واحد ربنا يسامحه قالي ريح نفسك وهات صمام اتجاه واحد بدون صمام امان ومافيش ميه هاتخرج

المهم بعد فترة صحيت الصبح على ريحة بخار ميه جامدة جدا

اتاري الترموستات باظ و ماسورة الساخن انفجرت في الحيطة وبتسرب مياه والدنيا شبورة في الحمام

اول حاجة جريت فصلت الكهرباء عن السخان وبدات افتح حنفيات السخن لحد مالدنيا هديت والحمد لله انه مانفجرش في حد

**عصام غنايم** · 17-12-2010 06:50 AM

الف شكر لصاحب الموضوع

حاجتين مهمين اوى

السخان الكهرباء لازم تبقى كهربته على مفتاح سكينه بيفصل الفردتين ( متطفيش وتفتح من مفتاحه لانه بيفصل فرده واحده بس )

اى كان نوع السخان سيبه يسخن قبل وبعد الحموم براحته

اما وانت تحت الدش فلازم تطفيه

كفايه كركر واحد