سلاح الريموت(المفتاح)

**أبــوحبيبه ونور** · 02-12-2010 11:11 AM

السلام عليكم ورحمة الله وبركاته

اولا ركبت انذار وسنتر بمفتاح قلاب(المفتاح بيقفل فى الريموت مش عارف الاسم الفنى بتاعه ايه ) المهم ركبته عند سبير كار اولا هما ناس محترمين وعارفين شغلهم كويس جدا وبيقولك على الصح الحمد لله ركبت الريموت واشتغل مفيش فيه اى مشكلة- المشكلة انى حبيت اعمل نسخه للمفتاح على الريموت روحت لوحد بتاع مفاتيح جنبى طلع اى كلام وبوظ مفتاح منهم او بمعنى اصح بوظ السلاح بتاع المفتاح- وفى اخر الكلام قالى متاسف المفتاح طلع قصير وانا حوالت اعمل اللى اقدر عليه والمفتاح مش هيشتغل بعد 12 محاوله انه يشغل العربيه باى طريقة بصراحه قولت بلاش يلعب فى الكونتاكت بتاع العربيه ويبوظه هوا كما وساعتها ممكن اكسر المحل بتاعه.

المطلوب دلوقتى عاوز اجيب سلاح او قطعه للمفتاح اللى باظ ومش عارف اجيب منين ارجو المساعدة من السادة الزملاء

**El Prince** · 02-12-2010 11:26 AM

أعتقد ان النوع ده من المفاتيح بيكون له سيريال أو كود معين
ممكن اللى انت جبته من عنده يفيدك

**momo44** · 02-12-2010 05:06 PM

يا باشا انت بتروح لحد بيعمل مفاتيح
وبياخد منك المفتاح القديم
وبيعمل عليه واحد ويقطع الرأس ويركبها فى الريموت
عن تجربة فى عدد 2 مفتاح لعدد 2ريموت
انا بتعامل مع واحد فى مصر الجديدة فى شارع هارون قبل صلاح الدين

**karimfahmy99** · 04-12-2010 06:09 AM

و فى واحد فى شارع نوال فى الدقى من جهة النيل بتاع مفاتيح و بيعمل الشغل دا

**munnchy** · 04-12-2010 05:51 PM

في واحد بتاع مفاتيح فالمعادي في صقر قريش

**أبــوحبيبه ونور** · 05-12-2010 12:45 PM

المشاركة الأصلية كتبت بواسطة el prince

أعتقد ان النوع ده من المفاتيح بيكون له سيريال أو كود معين
ممكن اللى انت جبته من عنده يفيدك

المشاركة الأصلية كتبت بواسطة momo44

يا باشا انت بتروح لحد بيعمل مفاتيح
وبياخد منك المفتاح القديم
وبيعمل عليه واحد ويقطع الرأس ويركبها فى الريموت
عن تجربة فى عدد 2 مفتاح لعدد 2ريموت
انا بتعامل مع واحد فى مصر الجديدة فى شارع هارون قبل صلاح الدين

المشاركة الأصلية كتبت بواسطة karimfahmy99

و فى واحد فى شارع نوال فى الدقى من جهة النيل بتاع مفاتيح و بيعمل الشغل دا

متشكر جدا للكل الناس المحترمه اللى ردو على استفسارى ونردهاا فى الافراح

اعتقد اقرب واحد لى بتاع شارع نوال الدقى عشان انا ساكن فى الشيخ زايد

**a7madramadan** · 05-12-2010 03:58 PM

واحد بتاع مفاتيح شاطر يعملك نسخة من المفتاح و يركبهولك عالريموت ... بعد ما يشيل الراس بتاعته ويديله خرم صغير للمسمار .... بس لو المفتاح بتاع الريموت من النوع الي بزاوية 90 و داخل لجوة بزيادة اعتقد الموضوع هيبقى اصعب شوية و ما اقدرش افيدك الصراحة

**JAM** · 05-12-2010 10:44 PM

فى واحد فى أكتوبر لسة فاتح... قريب من ميدان فودا فون وولد كويس لأنى عملت قبل كدة عنده سلاحين بتاع ريموتين... لو حضرتك مهتم.. ممكن تبعتلى على الخاص وانا شغال فى أكتوبر.. وسيادتتك ننسق مع بعض ونروحله سوا... أعذرنى مش حقدر أقول على اسمه ولا عنوانه لأن دا بيخالف قواعد المنتدى