السلام عليكم ورحمة الله وبركاته
أرجو الإفادة من أعضاء المنتدى الكرام حيث أنني أرغب في شراء واحدة من هذه السيارات:
1- تويوتا عيون
2- لانسر كريستال
3- نيسان صني موديل 2001
أرجو الإفادة لأنني محتار جدا وجزاكم الله خيرا
عرض للطباعة
السلام عليكم ورحمة الله وبركاته
أرجو الإفادة من أعضاء المنتدى الكرام حيث أنني أرغب في شراء واحدة من هذه السيارات:
1- تويوتا عيون
2- لانسر كريستال
3- نيسان صني موديل 2001
أرجو الإفادة لأنني محتار جدا وجزاكم الله خيرا
كرولا عيون كفاية انتشارها الواسع و توافر قطع غيارها
انا كنت في نفس حيرتك بس جبت كريستاله
بص
لو مش فارق معاك موديل عربيه ومين احسن في الشكل
يبقي توكل علي الله ودور علي التلاته
واللي حالتها نضيفه اشتريها
انا اما كنت بدور مكنتش بدور غير علي كريستاله
عشان انا عاوزها هيا بس
انما انتا لو مش فارق معاك يبقي شوف الحاله
ممكن متلاقيش كريستاله نضيفه
وتلاقي تويوتا تحفه
كده يعني
انا عن نفسي معايا كريستاله
ومريحاني في كل حاجه
قطع غيار وسواقه وكله كله
مجربتش التيوتا ولا النيسان عشان احكم عليهم
يا راجل ده كل الناس هنا بيقولوا ان قطع غيارها قليله والشكل ده قعد سنتين او ثلاثه بس ومش منتشر في مصر
+1111111
كلام سليم ركز على الحاله
انا كان معايا كريستاله وبعدين نوبيرا وبعدين فيرنا مع اني عمري مافكرت قبل كده اني اركب نوبيرا وكنت ضد الفيرنا تماما
بس الحاله ممكن تخليك تغير رايك لو في حدود المواصفات اللي بتدور عليها
يعني حدود السعر حدود الموديل - حجم الموتور - قطع الغيار وانتشارها ...الخ
سيفيك إس آى_أم اليابانى!
التلاتة يابانى...المهم حالة العربية.............
انا رأيى برضه حسب الحالة الثلاثة حلوين انا معايا عيون واخويا معاه صنى2000 والاتنين كويسين جدا ومجربتش اللانسر
النيسان صني تقيلة في بيعها شوية حتى لو عربية نضيفة وتقريبا قطع غيارها غالية حبتين
التويوتا العيون مع احترامي دا أسوأ موديل نزل من الكورولا ( وجهة نظري أنا بس ) وبردو بيعها تقيل قوي قوي
الكريستالة عربية كويسة وقطع غيارها متوفرة وفي الأصلي وفي اللي يمشي واعادة بيعها لو عربية محترمة ونضيفة تتباع هوا حتى لو سعرها عالي عن سعر السوق ( كل الكلام دا مش عشان هيا معايا ) :b4_388:
شكرا يا جماعة على الردود الجميلة وجزاكم الله خيرا
طيب لو افترضنا إن التلاتة حالتهم كويسة ترشحوا لي إيه؟
بالنسبة لي مش فارقة معايا قوي شكل الكورولا لكن مش عارف قصة قطع غيارها ولا مدى اعتماديتها
وخايف من أن الكريستالة واطية شوية
وأسمع إن الصني قطع غيارها غالية شوية وتقيلة في بيعها
رأيكم إيه يا جماعة؟
مفيش عربيه ياباني مش واطيه ياباشا
كلهم واطيين
وانا معايا الكريستاله بقالي سنه ولسه جي من العيد بيها من السفر وفيها شنط ومعايا 4 في العربيه
ومحكتش في مطبات
الا العاليه اوي منها
ودي حتي لو جبت شيروكي حتحك