شكر واجب لمنتدى فيات خاصة, ونايل موتورز عموما

**M.Gamaledeen** · 02-12-2010 12:13 PM

السلام عليكم يا شباب وحمدا لله على رجوع المنتدى
الواحد كان حاسس انه مفتقد شيء كبيير جدا في حياته اليوميه

المهم
أحب أشكر كل الأخوة الفياتوية على مساعدتي في اختياري للفيات بونتو إيفو

ف من حوالي شهرين, وأول ما فكرت ابيع عربيتي البولو, كنت مصمم تماما اني اشتري البولو الجديدة ومش مقتنع اني ممكن أركب أي عربية تانية غير فولكس !

لكن بعد مالقيت السعر المبالغ فيه بالمقارنة بالإمكانيات والكماليات الموجودة بالعربية (130.000 جم وطاسات وكاسيت ب اثنين سماعة فقط!!) فقررت اصرف نظر بدأت رحلة بحث طويلة جدا
وصلت في آخرها لمنتدى فيات, وعجبتني الجراند بونتو جدا واللي ماكنتش أعرف عنها أي حاجة خاالص, غير لما قريت المواضيع الخاصة بيها على المنتدى, ولما قررت اشتريها لاقيت ان مافيش منها 2011 والجديدة هي البونتو إيفو

فقررت احجزها (برغم اني ماشفتهاش على الطبيعة, مجرد بروشور الإعلان بتاعها)
ودخلت زي باقي الأعضاء في مسلسل الإنتظار الممل جدا والكلام المتناقض من الوكيل مع, بعض الأفكار في تغيير العربية وشراء "أي حاجة بقى" ولما أرجع لمواضيع المنتدى الاقي الكل بيقول ( اصبر) ف صبرت وأخيرا
الحمد لله
استلمت عربيتي قبل العيد,
PK2 AUTO زهري, بقالها معايا دلوقت 21 يوم وعاملة حوالي 1900 كم
وماشاء الله العربية فعلا تستاهل الإنتظار والسعر

ربنا يبارك فيها, ويبارك لكل اللي اشتروها واللي عايزين (:
واللي بيفكر!!!
مش هاتلاقي عربية بنفس المواصفات دي أقل من 170.000 جم (جولف على الأقل)

بس انا عندي ملحوظة مهمة جدا جدا
الإيفو يتحطلها بنزين 95

الموضوع ده مهم جدا جدا
مكتوب في الكتالوج بتاعها في أكثر من موضوع انها تستخدم بنزين 95 وإلا هايكون في تأثير سيء على المحرك على المدى الطويل. وده لأن نسبة معدل انضغاط المحرك هي 11, وي النسبة اللي لازم معاها نستخدم بنزين 95
للأسف التوكيل قال 92 و 90 شغال, بس ده علشان يبيع
لكن فيات قالوا كلمتهم 95

حاجة تانية
كل اللى معاه إيفو يجرب يحطلها نيتروجين بدل الهواء
وهاتشوفوا الفرق

**yoko** · 02-12-2010 01:16 PM

مبروك يا باشا والحمد لله إن الصبر جه بفايده

**Formulator** · 02-12-2010 03:04 PM

الف مبروك يا باشا على الأيفو

و فعلا كل الفيات الجديد يفضل بنزين 95 حتى لو مكانتش Turbo-Charged

و مواتير الT-Jet بالتحديد لازم 95 ,و اللى جرب هيعرف فرق الأداء (و اسال Yoko)

و ربنا يباركلك فى العربية

**damasry** · 02-12-2010 03:21 PM

الف مبروك يا باشا وربنا يديك خيرها ويكفيك شرها

بالنسبة للبنزين فخد بالك ان الكتالوجات بتتكلم على مواتير المالتى اير والموتور اللى عندك هو الموتور اللى فى الجراند بونتو.

**م/مصطفى محمود** · 02-12-2010 04:03 PM

الف مبروووك وربنا يديك خيرها ويكفيك شرها

**Formulator** · 02-12-2010 04:08 PM

المشاركة الأصلية كتبت بواسطة M.Gamaledeen

الله يبارك فيك, هي موتورها عادي مش توربو, لكن موضوع انضغاط المحرك ده هو اللي أكدلي نوع البنزين المستخدم
كان في موضوع قريته إن المواتير اللي نسبة انضغاطها 8 تستخدم بنزين 80
و9 بنزين 90
10 بنزين 92
و11 بنزين 95
وان لما تحط بنزين 95 في عربية نسبة انضغاط محركها 8 أو 9 يبقى بترمي فلوسك في الهوا
والعكس لو حطيت بنزين اوكتان أقل يبقى بتستهلك من العمر الإفتراضي للمحرك

اعتقد العكس ياباشا

كل ما الCompression Ratio تقل ممكن تحط بنزين with lower Octane Rating RON
وكل ما تزيد يبقى لازم تحط بنزين with higher RON

افتكر Compression Ratio اقل من 10 او 9.9 حاجة ممكن 92
ولو Compression Ratio اكبر من 10 بيبقى لازم 95 ............والله اعلم

وبرده وحوش الفيات يفيدونا اكتر فى الكلام ده

-

-

-

-

الموضوع: شكر واجب لمنتدى فيات خاصة, ونايل موتورز عموما

LinkBack

أدوات الموضوع

عرض

شكر واجب لمنتدى فيات خاصة, ونايل موتورز عموما - انشر الموضوع فى :

-

-

-

-

المواضيع المتشابهه

شكر كبير اوى ل سامح ونايل موتورز

كل سنه ونايل موتورز بخير

للأطباء عموما..و العظام خاصة

كل عيد أضحى ونايل موتورز وأعضاؤه بخير وتقدم

باركولي استلمت التيريوس Glx >> وشكرا خاص جدا لابو عبد الله ونايل موتورز :)

الكلمات الدلالية لهذا الموضوع

المفضلات

المفضلات

ضوابط المشاركة