طابور العيش

**محمد عز** · 23-03-2008 10:39 AM

لفت نظرى النهاردة خبر سىء جدا الا وهو موت رجل عجوز عنده 74 سنة نتجية التزاحم فى طوابير العيش وده يعتبر المتوفى رقم 10 فى طوابير العيش
ولفت نظرى احد التعليقات الساخرة على موضوع طوابير العيش من احد المعلقين على الموضوع

وتعليقه كان كالاتى

ستظهر في الصحف قريبا الاعلانات التالية:

• للتنازل دور رقم (543) في طابور عيش أمام فرن "عم قمحة" بعابدين. الوسطاء يمتنعون.
• للبدل دور رقم (633) في طابور عيش أمام فرن "المرح" ببولاق الدكرور للبدل بدور لا يزيد عن "400" أمام اي فرن في الوراق.
• للتنازل لاعلي سعر دور مميز رقم "154" أمام فرن " الالاطه" بالزمالك .
• للبيع عدد "12" رغيف يلدي طازج انتاج "23/03/2008". فتخة سقف و جنوط اسبور.
• شركة "كومنادوز للطوابير" بدل ماتتبهدل او تتعرض للموت. لدينا شباب قوي ذو صبر و جلد . يقف بدلا منك في طابور العيش و يضمن لك الحصول علي حصة العيش في خلال 48 ساعة. لخدمة مناطق الزمالك و المهندسين و الدقي و العجوزة و بولاق و الجيزة. و قريبا خدمة مدينة نصر و مصر الجديدة .
• صتدوق ضحاية طابور العيش يعلن عن أقامة حفل خيري يحيه الفنان " قمحاوي" و الفنانة "سنبلة" و يخصص دخله لورثة ضحايا الطوابير. يمكن التبرع العيني بأي عيش " لا يشطرت البلدي ممكن فينو أو بيتي بان أو كايزر أو باجيت أو براون". لا أراكم الله مصيبة طابور العيش في عزيز غالي

تفتكروا ممكن يجى يوم ويحصل كده؟؟؟؟

**Nader** · 23-03-2008 10:44 AM

على فكرة انا ملاحظ ان حكاية الطوابير دي

اتحلت عندنا على الاقل في مدينة نصر،،،

في فرن الي عند الحي بعد جامعة الازهر بنات

زمان وانا معدي كان الناس بيقفوا في طوابير لحد اخر الشارع

دلوقتي لاحظت ان الطابور فيى بالكتير 5 ولا 6.

يا ترى اية الاخبار في باقي المناطق؟؟

**analyzer** · 23-03-2008 11:15 AM

علشان اجيب العيش لازم اروح الساعة 5 صباحا والا مش هلحق
فتقريبا كدا انا نسيت شكل رغيف العيش

**Nader** · 23-03-2008 12:00 PM

يعني المشكلة اتحلت في مناطق اة ومناطق لأ.

انا مش بحب اصلاً العيش البلدي او العيش

الاسمر مع انة افيد.

**pcegypt** · 23-03-2008 05:01 PM

المشاركة الأصلية كتبت بواسطة casber

لفت نظرى النهاردة خبر سىء جدا الا وهو موت رجل عجوز عنده 74 سنة نتجية التزاحم فى طوابير العيش وده يعتبر المتوفى رقم 10 فى طوابير العيش
ولفت نظرى احد التعليقات الساخرة على موضوع طوابير العيش من احد المعلقين على الموضوع

وتعليقه كان كالاتى

ستظهر في الصحف قريبا الاعلانات التالية:

• للتنازل دور رقم (543) في طابور عيش أمام فرن "عم قمحة" بعابدين. الوسطاء يمتنعون.
• للبدل دور رقم (633) في طابور عيش أمام فرن "المرح" ببولاق الدكرور للبدل بدور لا يزيد عن "400" أمام اي فرن في الوراق.
• للتنازل لاعلي سعر دور مميز رقم "154" أمام فرن " الالاطه" بالزمالك .
• للبيع عدد "12" رغيف يلدي طازج انتاج "23/03/2008". فتخة سقف و جنوط اسبور.
• شركة "كومنادوز للطوابير" بدل ماتتبهدل او تتعرض للموت. لدينا شباب قوي ذو صبر و جلد . يقف بدلا منك في طابور العيش و يضمن لك الحصول علي حصة العيش في خلال 48 ساعة. لخدمة مناطق الزمالك و المهندسين و الدقي و العجوزة و بولاق و الجيزة. و قريبا خدمة مدينة نصر و مصر الجديدة .
• صتدوق ضحاية طابور العيش يعلن عن أقامة حفل خيري يحيه الفنان " قمحاوي" و الفنانة "سنبلة" و يخصص دخله لورثة ضحايا الطوابير. يمكن التبرع العيني بأي عيش " لا يشطرت البلدي ممكن فينو أو بيتي بان أو كايزر أو باجيت أو براون". لا أراكم الله مصيبة طابور العيش في عزيز غالي

تفتكروا ممكن يجى يوم ويحصل كده؟؟؟؟

ماتقلقش اليوم ده جاي باسرع مما تتخيل ، انت ماسمعتش ان رغيف العيش في القليوبية دلوقتي بيتوزع ببطاقة الرقم القومي او بوصل نور علشان تثبت انك مقيم في المنطقة اللي حوالين الفرن ( والله ده كلام حقيقي كان بيقوله احمدالمسلماني امبارح في قناة دريم)

تحياتي

**pcegypt** · 23-03-2008 05:04 PM

المشاركة الأصلية كتبت بواسطة Nader

على فكرة انا ملاحظ ان حكاية الطوابير دي

اتحلت عندنا على الاقل في مدينة نصر،،،

في فرن الي عند الحي بعد جامعة الازهر بنات

زمان وانا معدي كان الناس بيقفوا في طوابير لحد اخر الشارع

دلوقتي لاحظت ان الطابور فيى بالكتير 5 ولا 6.

يا ترى اية الاخبار في باقي المناطق؟؟

انا اعتقد ان الناس زهقت وبطلت تروح واللي ما زهقش خلص في الطابور شهيد دون لقمة العيش و ما اعتقدش ان المشكلة اتحلت.

تحياتي

**kimo-nubira** · 23-03-2008 05:08 PM

انا مخبي رغيفين للزمن علشان لما اجي اتجوز ابعيهم بتمن حلو :p ومحدش عارف بكره يجي واحد يبدل معاك عربيتك ب 3 ارغفه فول اوبشن :p

**Xpert** · 23-03-2008 05:10 PM

المشاركة الأصلية كتبت بواسطة pcegypt

انا اعتقد ان الناس زهقت وبطلت تروح واللي ما زهقش خلص في الطابور شهيد دون لقمة العيش و ما اعتقدش ان المشكلة اتحلت.

تحياتي

تعلن كتائب شهداء العيش عن قيام عمليه تفجيريه في افران مختلفه بانحاء جمهوريه مصر العربيه لتسويه و تحميص العيش بغرض توفيره للمواطنين هههههههههه :D:D:D

-

الموضوع: طابور العيش

LinkBack

أدوات الموضوع

عرض

-

-

-

المواضيع المتشابهه

مواقف وطرائف طابور محطه البنزين ٠٠٠٠!

يعني ايه طابور خامس ( بتصرف )

ادى العيش لخبازه ان شله ياكل نصة

هل تستطيع العيش بداخل صندوق

الكلمات الدلالية لهذا الموضوع

المفضلات

المفضلات

ضوابط المشاركة