بصراحة كان المفروض فعلا السعر يبقى معلن بس هوّة للأسف سعر خيالي تماما بل و مستحيل أيضا
اتمنى له التوفيق للأفضل و ان تكون خسائره أقل ما يمكن أيضا
بالنسبه لموضوع زكر السعر او عدم زكره
تخيل انك بتبيع عربيتك انت ( اللى انت ادرى واحد بيها )
وطلبت سعر ما ( اى كان كتير او قليل )
وتلاقى طلعلك واحد او اتنين ملهمش فى العربيات اصلاٌ
ويروحوا ناصبين مزاد علنى لعربيتك انت
وده يخش يقول سعر اهبل وتلاقى التانى بيفاصل معاه و شويه وتلاقيهم باعوها لبعض وانت قاعد
طبعاٌ دمك هيتحرق
صح ؟
طيب وليه كل ده
واللى ليه واللى ملوش يخش يفتى ( وما اكثر الفتايين )
اللى عايز يشترى عربيه وعجبته المواصفات بتاعتها
هيكلف نفسه مكالمه ب 20 قرش بس ويسأل عن السعر
لو عجبه ماشى
معجبوش ما خسرش حاجه وكمان اتعرف على البايع ( ودى اكبر فايده الواحد بيجنيها من المنتديات معرفة الناس المحترمين )
ده يا راجل ده فى ناس بتسافر سوق الجمعه فى القاهره مرتين وتلاته علشان يشتروا عربيه وبيبقوا من الصعيد او وجه بحرى ( تخيل دول بيدفعوا قد ايه )
الكلام ده طبعاٌ للى مستكتر حق المكالمه
وبعدين فى المكالمه البايع والمشترى هيستوضحوا عن تفاصيل لا تهم زائر الموضوع
انا شايف ان من حق البايع انه ميقولش سعر سيارته ( وده فى كل منتديات البيع ) مش بدعه يعنى
انما انك تفرض عليه انه يقول السعر ( لا اتفق معك )
وطبعاٌ انا مش محتاج انى افكر حضرتك
ان الخيالى بالنسبه لك هو الواقعى بالنسبه للآخرين
من حكم فى ماله فما ظلم
المفضلات