الموضوع: للبيع بالصور my LANOS evolution

زميل لينا بعتلى على الخاص بيسألنى ايه اللى أخر بيع العربيه بالرغم من تأكده من جودتها
وبيسألنى برده آخر سعر ليها كام

فأنا حبيت ارد عليه فى الموضوع لبيان السبب والسعر النهائى لكل زملائنا


ما أخر بيع العربيه هو ان ربنا لسه ما ارادش انها تتباع ده غير محاولتى عدم بيعها لعل وعسى اقدر ادبر نفسى ولا اضطر لبيعها ( لأنى بجرب عربيات كتير فى مستواها السعرى واكتر شويه ولا اجد نفس الآداء الذى احصل عليه من سياراتى ) وايضاٌ لأنى لو بعتها مش هعرف اركب عربيات تانى لفتره

بس على العموم انا فعلاٌ اتذنقت

انا اصلاٌ شاريها من بنك باركليس و قدامى حل من اتنين

ابيعها كاش واسدد البنك واخلص

او

اخد جزء من اللى دفعته واللى يشترى يكمل مكانى


ولذلك الكلام العملى فى بيعها هو 62 الف كاش

او

42 الف واللى يشتريها يكمل اقساط مكانى 1334 * 23 شهر المتبقين علي العربيه

يعنى ال 20 الف المتبقين هيدفعهم المشترى 30 الف اقساط على سنتين

فى الحالتين انا فى اعتقادى ان السعر عادل وكويس اوى للشارى

ازاى ؟

لو اشتراها كاش فمثيلاتها فى السوق دلوقتى نفس الحاله شركه بره وجوه بس بدون اى اضافات ب 59000 الف

طيب دا انا عربيتى تزيد عن اى دايو ( 5 جنط سبور نيكل كروم + كاوتش كومهو سرعات ب 5000 آلاف جنيه , طقم صوت بايونير كامل ب 2500 جنيه , تعديل فرامل كامل امامى خلفى ب 3000 آلاف جنيه , زينون ب 500 جنيه ده غير ريموت , انذار , وحدات رفع , فرش جلد , ارضيه جلد , أضائه ليدات لكل العربيه و طبعاٌ غير تعديلات الآداء زى شداد الشاسيه , فيشة الأوكتان , الغاء ال egr , الغاء علبة البيئه وكمان حجات تانيه كتير تذود آداء العربيه انا مذكرتهاش على المنتدى لأحتفاظى بها لنفسى ولاكن موجوده فى العربيه )

العربيه مصروف عليها ما يقرب من 15000 الف جنيه فوق تمنها فلما اطلب 3000 آلاف جنيه فوق سعر مثيلاتها الفاضيه

فأظن انى مش ببالغ ابداٌ فى سعرها

اما لو اشتراها قسط فهيدفع 42 الف تمن دايو موديل 2000 و يركب دايو موديل 2008 معمول فيها كل ما يمكن ان يعمل فى دايو ليجعلها افضل
و قسطها الشهرى يعتبره انه بيأجر عربيه يخرج بيها يوم الجمعه ب 325 جنيه * 4 ايام جمعه فى الشهر = 1300 جنيه اللى هما قسطها الشهرى و بقية الشهر العربيه معاه فرى

على العموم ربنا يوفقنى ويوفقكم الى ما فيه الخير فى الدنيا والآخره