عاوز ناس تفهمنى وتساعدنى فى الموضوع ده ضرورى

السلام عليكم انا معايا عربيه 126 اللى ناس كتير بيقولو عليها عربيه وحشه بس اللى انا شفته ان فى ناس بتشيل موتور ال فيا 500 وبتحط موتور ال 126 لأنه موتور جميل فا بعد ما انا زهقت من كل لما بسال حد هنا يقولى عربيه زباله وكده قررت اسأل حد من بره مصر اجانب وشغالين فى الموضوع ده وقالى انها عربيه جميله ولو عاوز اعدلها يبقى لازم اغير حاجات بس الصراحه الحاجات دى انا مفهمتهاش وعاوز خبرتكم ومساعدتكم ضرورى وهيا كلاتى:
nooo 126 is a very interesting car
you nedd the parts very important
camshaft
valves and carburetor

engime 650 cc fiat 126
cilindri fiat panda 30
valvole 36-31
albero a camme 38-78

هوا الكلام داخل فيه ايطالى لان اللى انا سألته ده واحد من ايطاليا فا ياريت تساعدونى علشان انا عاوز انفذ الكلام ده ضرورى انا كنت مستنى المنتدى يتصلح والحمد لله انه رجع زى الاول.
عفوا للاطاله.:3_3_102[1]:

camshaft عمود الكامات
Valves الصمامات او بيتقال عليها صبابات
Carberatour الكاربيراتير

الكلام المكتوب دي الانواع اللي الراجل بيرشحهالك تجيبها بس بصراحة ماعرفهاش..

طيب حضرتك الكلام ده هينفع يتعمل؟ ولا اانا كده هفشل فى الموضوع
انا عارف السليندر اللى هوا كاتبوا ده بتاع الفيا الباندا بس برضه انا مش فاهم انا هغير السليندر بتاع العربيه بى سليندر باندا؟

كام سؤال على الماشى، الراجل الايطالى قال لك النتيجة هتكون اية في النهاية؟ وهل الحاجات دى متجربة ولا هو بيجتهد وخلاص؟ طيب القطع اللى هو قال لك عليها دى موجودة عندنا كلها ولا لأ وسعرها كام لو موجودة؟

اقتباس:

---

المشاركة الأصلية كتبت بواسطة bedo13

camshaft عمود الكامات
valves الصمامات او بيتقال عليها صبابات
carberatour الكاربيراتير

الكلام المكتوب دي الانواع اللي الراجل بيرشحهالك تجيبها بس بصراحة ماعرفهاش..

---

الراجل ده كلامه زي الفل

- عمود الكامات :انت بتغيره بواحد اخف و امتن من الاصلي عشان يدي كفاءه اكتر
- الصبابات : بتغيرها بسعه اكبر بس في حالات معينه فا انا معرفش هو طالب منك كدا ليه
- والكاربيرتير نفس الكلام

فا نصحتي ليك من اقوي المواتير الصغيره اللي في الفيات موتور الاونو تربو هو 1300 سي سي بس قوي جدا وهاتحس بفرق لان العربية صغيرة بس معرفش هاتعدل في قواعد الموتور ولا لا
وتمنه اقل من ان انت تعمل التعديلات ديه بس هاتعمل شوية تقويات للشاسيه

و ان شاء الله تلاقي حد يفيدك اكتر مني وربنا معاك يا كبير

حضرتك هوا موتو ال 126 بيركب ورا مش قدام موضوع موتور الاونو بيتعمل احنا عندنا واحد فى اسكندريه فيها موتو 1400 من غير تربو بس انا مكنتش عاوز اجيب موتور جديد انا عاوز اعدل على الموتور بأقل تكاليف انا ممكن اعملها انا مش عاوز من العربيه دى غير تجميع سريع و تجيب معايا لحد 140 والاستابليتى انا هظبطها انا اعرف اعمل الكلام ده بس هوا مشكلتى فى اجزاء الموتور والراجل الاجزاء اللى بيقولى عليها متركبه بره عندهم فى عربيه فيات 500 القديمه بيقولو ان موتور ال 126 افضل فى التعديل بس فا انا الصراحه محتاج مساعده بجد علشان انا عاوز اطلع عربيه تمام.

هو اللى انا فهمتة انه بيقولك
126 هي سيارة مثيرة جدا للاهتمام
تحتاج أجزاء مهمة جدا
عمود الحدبات اللى هو عمود الكامات
الصمامات اللى هيا صبابات والمكربن اللى هو كاربيتير

ENGIM فيات 126 650 cc
اسطوانة فيات باندا 30
صمامات 36-31
عمود الحدبات 38-7

اقتباس:

---

المشاركة الأصلية كتبت بواسطة smsm_cato

هو اللى انا فهمتة انه بيقولك
126 هي سيارة مثيرة جدا للاهتمام
تحتاج أجزاء مهمة جدا
عمود الحدبات اللى هو عمود الكامات
الصمامات اللى هيا صبابات والمكربن اللى هو كاربيتير

engim فيات 126 650 cc
اسطوانة فيات باندا 30
صمامات 36-31
عمود الحدبات 38-7

---

+11111111

تمام اوى كده انا عرفت الاجزاء حضرتك فاهم بترع ايه دول ولا لأ لانى مش فاهم اى حاجه منهم وهل الموضوع ده هلاقيه ولا ولا؟

camshaft و ده عمود الكامات
valves and carburetor صمامات و كربراتيير

engime 650 cc fiat 126
موتور فيات 126 650 سى سى

cilindri fiat panda 30

سليندر فيات باندا ---و السلندر ده هو اللى بياخد لقوه الحراريه و يحولها لقوه ميكانيكيه يعنى هو اللى بيحرك العربيه ( حركه الموتور )
و الرقم ده مقاس السلندر

valvole 36-31

صمام او صباب ال2 واحد --- و ده اللى بيبقى فوق السلندر و بيبقى فوق كل سلندر 2 او 4 و وظيفته انه يدخل المخلوط اللى هو هوا و بنزبن و ياخد برضه المخلوط ده بعد ما يتحرق
يعنى واحد intake و واحد exhaust
و الرقم برضه هو المقاس

albero a camme 38-78

و ده عمود الكامات و هو المسئول عن حركه الصمامات امتى تفتح و امتى تقفل
و الرقم برضه المقاس بتاعه

اقتباس:

---

المشاركة الأصلية كتبت بواسطة disha_2020

تمام اوى كده انا عرفت الاجزاء حضرتك فاهم بترع ايه دول ولا لأ لانى مش فاهم اى حاجه منهم وهل الموضوع ده هلاقيه ولا ولا؟

---

الحاجات ديه موجوده بس في اللي هاتلاقيه جديد و فيه الاستيراد
والشباب عرفوك معني كل جزء وبيعمل ايه

اقتباس:

---

المشاركة الأصلية كتبت بواسطة beetlemosh

camshaft و ده عمود الكامات
valves and carburetor صمامات و كربراتيير

engime 650 cc fiat 126
موتور فيات 126 650 سى سى

cilindri fiat panda 30

سليندر فيات باندا ---و السلندر ده هو اللى بياخد لقوه الحراريه و يحولها لقوه ميكانيكيه يعنى هو اللى بيحرك العربيه ( حركه الموتور )
و الرقم ده مقاس السلندر

valvole 36-31

صمام او صباب ال2 واحد --- و ده اللى بيبقى فوق السلندر و بيبقى فوق كل سلندر 2 او 4 و وظيفته انه يدخل المخلوط اللى هو هوا و بنزبن و ياخد برضه المخلوط ده بعد ما يتحرق
يعنى واحد intake و واحد exhaust
و الرقم برضه هو المقاس

albero a camme 38-78

و ده عمود الكامات و هو المسئول عن حركه الصمامات امتى تفتح و امتى تقفل
و الرقم برضه المقاس بتاعه

---

ربنا يزيداك يابوب

تمام اوى كده طيب السؤال اللى بيطرح نفسه هل الحاجات دى متوفره فى مصر ولا مش هلاقى الكلام ده.
وايه رأيكم فى التعديلان دى اكيد هتفرق كتير صح ولا ايه وهل حد عندى اى اضافه عاوز يقولهالى.
وهل الحجات دى معايا هتتكلف حوالى اد ايه؟

طبعا التعديلات ديه هتفرق و اكيد متوفرة بس مش معظمها هتلاقيه جديد والتكلفه انت و شطرتك

تمام اوى كده انا محتاج حد يفهمنى انا هنزل عند بتوع قطع الغيار هقولهم انا طالب ايه بالظبط علشان وش كده لو انا قلتلهم الكلام ده مش هيرودوا عليا

بص انا من رايي تتكلم الاول مع الميكانيكي و تشوف التكلفة الكلية و تحدد بعد كدة لانك على ما اعتقد هتحتاج توسع في البلوك .. و اكيد التعديل دة هايفرق .. بس اسال الاول

اقتباس:

---

المشاركة الأصلية كتبت بواسطة beetlemosh

بص انا من رايي تتكلم الاول مع الميكانيكي و تشوف التكلفة الكلية و تحدد بعد كدة لانك على ما اعتقد هتحتاج توسع في البلوك .. و اكيد التعديل دة هايفرق .. بس اسال الاول

---

+111111111111
بس مش هتحتاج توسع البلوك

انا شايف لو تعرف تجيب موتور الاونو 1.3 تربو يبقى احسن كتيير..

لا انا مش عاوز اسقط موتور الموضوع ممكن يفتح معايا انا لو عملت التعديلات دى هستريح اوى وكمان لما هفحص معنديش اى مشكله الموتور 650 ومحدش ليه عندى حاجه

ادعولى يا جماعه وساعدونى انا ناوى ابدا التعديلات دى فى نص السنه اللى جايه او معا بدايه الدراسه الترم التانى

ربنا يكرمك..
بس لو سقطت موتور اريح واوفر وفي الرخصة هتتكتب زي ما هيا عشان الافراج مش بيتكتب فيه السي سي..
بالتوفيق ان شاء الله..

يارب ان شاء الله بس انا بظبط شويه حاجات وهبدا علطول