احلام اليقظه

**moudy88** · 04-12-2010 08:36 PM

انا زيك بالضبط .. مش مرتبط ولسه بدرس والحمد لله انا مستريح ماديا ومفيش مشاكل ماديه والحمد لله .. وتقريبا 50 % من الوقت وانا صاحي سواء في البيت او الشارع او الكليه عايش في احلام اليقظه .. واكتر الاوقات اللي بيبقى فيها احلام اليقظه ..لما ببقى مهموم او بمر باوقات مش كويسه وده اللي بيخرجني من المود وبيعزلني عن الواقع .. وابتديت في الفتره الاخيره انتبه للموضوع ده واحاول اخفف منه وانتبه اكتر للواقع .. لاني خايف من انه يقلب معايا بفصام في الشخصيه نتيجه لانفصال الواحد عن الواقع..الموضوع ساعات بيدي الواحد امل ولكن لما بتمادى فيه ..بيقلب باحباط نتيجه لانه بقى بعييييد عن الواقع

الخلاصه ..انا شايف انه موضوع له فوائد وعيوب ..فوائده انه بيديك امل في الحياه وانك ممكن تنجح وتكبر خصوصا لو كانت الاحلام فيها احتمال ولو 1 % انها ممكن تتحقق

وعيوبه انك لو شطحت في احلامك .. هيصيبك بالاكتئاب والاحباط الشديد لما تصحى على الواقع خصوصا لو انت مابذلتش مجهود لمحاولة تحقيقه

**midoabdeen** · 04-12-2010 08:52 PM

والهى انا مش عارف الانفصام اية هو بالضبط بس الحالة اللى انا فيها هى فعلا انفصال ذهنى عن الواقع

**shaddadfalcon1** · 04-12-2010 08:59 PM

انا بقي نص اليوم في احلام اليقظه لدرجه ان بقيت اعيش فيها اكتر من الواقع
انا نفسي في شقه في مكان راقي ونفسي في 3 عربيات

تخيل بقي اني ببقي محتار في العربيات واقول دي حلوه هجيبها وافضل ادور علي سعرها والأمكانيات بتاعتها وشويه الاقي حاجه تانيه احلي منها وابقي محتار ما بينهم كاني خلاص العربيتيتن قدامي وانا محنار اجيب مين فيهم

الفكره بقي اني بسهل لنفسي الأحلام قوي يعني اقول مثلا لنفسي اني ان شاء الله يجيلي شغل بالساعه ويكون عالي قوي واجيب منه الشقه
والعربيات بقي عميل من بره يبعتهالي وتبقي كانها 2000 سي سي بس عشان مدفعش فلوس كتييبر في التراخيص

شفتو لسعان اكتر من كده؟

**nevozaky** · 04-12-2010 09:25 PM

اعتقد والله اعلم ان انت حياتك مش مليانة بالشكل الكافى ان مش باقول على الشغل انا قصدى حياة حضرتك الشخصية .متهياْلى لو فى حد جانبك او مالى حياتك مش هيبقى عندك وقت انك تحلم احلام يقظة .املاْ حياتك بما يناسبها .والله المستعان

**midoabdeen** · 04-12-2010 09:39 PM

ماكدبش عليك انا لا اعتقد فى موضوع الابراج دا بس انا مواليد شهر 9 يوم 5

**د.اسماعيل النجار** · 04-12-2010 09:43 PM

ولا انا بس عايزين ردود وفى الاخر هنقول السبب

**moudy88** · 04-12-2010 09:44 PM

المشاركة الأصلية كتبت بواسطة midoabdeen

والهى انا مش عارف الانفصام اية هو بالضبط بس الحالة اللى انا فيها هى فعلا انفصال ذهنى عن الواقع

انسى اللي انا قولته عن موضوع الفصام ده ..انا كنت بهول بس

المشاركة الأصلية كتبت بواسطة shaddadfalcon1

انا بقي نص اليوم في احلام اليقظه لدرجه ان بقيت اعيش فيها اكتر من الواقع
انا نفسي في شقه في مكان راقي ونفسي في 3 عربيات

تخيل بقي اني ببقي محتار في العربيات واقول دي حلوه هجيبها وافضل ادور علي سعرها والأمكانيات بتاعتها وشويه الاقي حاجه تانيه احلي منها وابقي محتار ما بينهم كاني خلاص العربيتيتن قدامي وانا محنار اجيب مين فيهم

الفكره بقي اني بسهل لنفسي الأحلام قوي يعني اقول مثلا لنفسي اني ان شاء الله يجيلي شغل بالساعه ويكون عالي قوي واجيب منه الشقه
والعربيات بقي عميل من بره يبعتهالي وتبقي كانها 2000 سي سي بس عشان مدفعش فلوس كتييبر في التراخيص

شفتو لسعان اكتر من كده؟

والله نفس اللي بيحصلي بالضبط

...تخيل ان لما بحلم بالعربيات مثلا !!! بحلم اني اجيب عربيه مرسيدس c250 الجديده اللي هيا 1800 سي سي علشان ادفع عليها ضرايب 1000 جنيه في السنه

حتى في الاحلام شايلين هم الضرايب والبلد

**moudy88** · 04-12-2010 09:46 PM

المشاركة الأصلية كتبت بواسطة د.اسماعيل النجار

ولا انا بس عايزين ردود وفى الاخر هنقول السبب

انا برده لا اعتقد ان ليه علاقه بالابراج

وانا مواليد اخر 8 ..تقريبا برج العذراء

**zago** · 04-12-2010 09:50 PM

لا انا في الاحلام بتاعتي مش بشيل هم الضرايب ولا البلد
بشيل هم الرادار

-

الموضوع: احلام اليقظه

LinkBack

أدوات الموضوع

عرض

-

المواضيع المتشابهه

احلام شاب ال128

احلام اليقظة احياناَ يتتحقق ...!!؟؟؟؟

رولز رويس تحقق احلام عملائها فى السيارة جوست

التيجو تقضي علي احلام الكارينز في السوق المصري

اريد مفسر احلام

الكلمات الدلالية لهذا الموضوع

المفضلات

المفضلات

ضوابط المشاركة