ممكن حد يفهمني لما ورشة تتلكع في تشطيب سيارة شهرين ومصنعيتها رديئة نشتكيهم لمين ؟بالله عليكم ردوا لانني لااعرف لمن الجئ ومش قادرة افهم هل فعلا الدنيا سايبة كدة ؟
عرض للطباعة
ممكن حد يفهمني لما ورشة تتلكع في تشطيب سيارة شهرين ومصنعيتها رديئة نشتكيهم لمين ؟بالله عليكم ردوا لانني لااعرف لمن الجئ ومش قادرة افهم هل فعلا الدنيا سايبة كدة ؟
مانشتكيش .. نروح نعمل بوليكا كبيره مع اصحاب الورشه .. و نلم حاجه العربيه و ناخدها من عنده .. يا كده .. يا تعمل محضر سرقه عن العربيه و اشتكي فيه الصنايعي .. (او علي الاقل هدده بكده) .. و قوله يا كده يا اروح اشتكيك في القسم ..
الاخ العزيز xpert
اشكرك الف شكر علي سرعة ردك علي عارف ربنا يكرمك
بس يا ريت يكون فيه حل غير دة. وبعدين الاساتذة بيعملوا حساب الكلام دة وواخدين الرخص يا expert
اللهي ربنا ينتقم منهم يارب لاحول ولا قوة الا بالله
يعني بجد يا جماعة احنا كدة فريسة خلاص في ايد الناس دي اغيثونا اغاثكم الله
يوووه .. معلش يا باشا اصلي كنت ناسيه الرخص في التابلوه .. مش بعيد يكونوا كسروا التابلوه هوه كمان !
طرق تانيه :
- الحل السلمي .. يا عم انت عملت كذا و كذا و كذا .. و حسابك كذا و خالتي و خالتك اتفرقوا عن بعض .. خد ياسطي عبده كمل الشغلانه دي .. و حسابك كذا ...
- تاخدي معاكي عدد 2 شاب متين من العيله ماركه توتو عضلات .. تتكلمي بالذوق .. و لو مش عاجبه الكلام .. سيبي عدد 2 شاب متين ماركه توتو عضلات يتعاملوا معاه .. و يبقي هم المسؤلين متابعه العربيه ..
- جري العربيه من عنده وديها لصنايعي تاني (بالاتفاق المسبق) .. و اعملي بدل فاقد للرخص و محضر بضياع الرخصه في اقرب نقطه شرطه ..
الحلول كتيره بس مش كلها تنفع ..
ممكن نعرف العربيه ايه و بيتعمل فيها ايه و عند مين و في انهي مكان ؟ الصنايعي ده بتاع ايه و عمل ايه لحد دلوقتي و بيتلكك علي ايه ؟ تفاصيل اكتر يعني .. ممكن الشباب هنا يساعدوا و يكلموا الصنايعي ده لو هم قريبين من المكان ;)
:Dمافيش غير حلول بيشو "اكسبرت " حلوله صحيحة 100 % :confused:
ودي هتدويكي في تاهية ما تقلقيش :D
احسن حلين القسم او كابتن توتو عضلات , لو مش عندك حد
روحي اي جيم واستاجري 2 بس خلي بالك حسابهم بيكون كبيير شوية
علشان اكلهم وكمان الحقن ده غير علب الفتامين اللي هتجيبيها
:):):D:):D
بقوليك خليهم 4 علشان ممكن يلم الصنياعية اللي في المنطقة
بس هاتي 2 شبة دول
expert
و powert
ربنا يبارك فيكم يا رب ويسعدكم والله مساندتكم خففت احساس القهر كتير
ولكن مش شايفين انه غريب جدا ان الحقوق في بلدنا اول وسيلة لها بالعافية فعلا شئ محزن شوف يا سيدي السيارة 128وفيها بارومة ماااااااااشي سمكرة ودوكو بقي شهرين ونصف ويستاهل الفين وتمنمائة جنيه وقال ايه نيجي نستلمها نلاقي بارومة لسة ومغطينها بالدهان في ظهر الكنبة
حسبي الله ونعم الوكيل اللهي ربنا ما يكسبهم
هيا العربيه في الحرفيين ؟ ولا عند مين ؟
هيا دي مصر .. اللي مايجيش بالواسطه يجي بالفلوس .. و اللي مايجيش بالفلوس يجي بالدراع .. دي احكام التعاملات المصريه ...
128 .. بافرتكها و اصنعها من جديد هنا في بني سويف في مده 4 اسابيع بالظبط .. و ترجع العربيه بحاله الزيرو .. اللي بنسميها هنا مجدده بالكامل .. من مجاميعه ..مش شهرين و نص .. انا اه اطول مده وضبت فيها عربيه في حياتي كانت ال 504 الاستيشن بتاعه عمي صنعناها من جديد بالمسمار .. السمكري خد 4 اشهر "بنسميها هنا التلاجه.. تدخل التلاجه عربيتك تتفلي بالميللي و لو فيها ايه هايتعمل .. بس تاخد وقت لان الاولويه للشغل السريع" .. بس ده عمل حاجات انا متاكد انه نافيش واحد فيكي يا بلد يعملها ... كل حته صاجه مقاسها 1سم في 1سم اتعملت جديد ...
بالنسبه للاسعار .. 2800 جنيه .. لاء كتيره طبعاُ .. كتيره كتيره يعني .. حسبها ازاي ده ؟ .. دي اتخنها سمكره ب 1000 جنيه لو هايفرتكها و 700 تهيص العربيه دوكو لو مش ميتاليك ...
كده الاسعار دي المفروض لو انا ادفعها .. بيبقي شغل "علي السخان" .. اللي هوه الشغل المستعجل قوي و يتعمل صح قوي برضه .. بس اللي هوه "سعر الونجز" ..
ياريت لو نعرف العربيه عند مين ..و ممكن احد الاعضاء المخضرمين في تجديد السيارات يستلم الصنايعي ده زن علي الودان .. لانه كده شكله مش هايخلص ...
شوف يا expert
انت ربنا يبارك لك يا ابني والله العظيم بادعي لك ياريت تعرف رائي اصدقائك في القاهرة عن الاسعار دي وترد علي اله يسعدك ويبارك في عمرك يا رب
السمكرة 450
البارومة 350
السروجي150
كهرباء100
الدهان 1200
الداخل 300
فك وتركيب 250
وركب كبالن واتنين مساعدين امامي وللعلم ارغمني اشتري اتنين رفرف امامي وكابوت والسيارة علي فكرة مش عاملة حادثة ولاحاجة الحمد لله وهي موديل اتنين وتمانين
بعد كدة بقي
قالوا لك الموتور طقم شمبر وجوان وسير دينامو وطقم دبرياج اشتريناهم
لكن بيقولوا المصنعية كام بقي
750 جنيه ؟
انا فعلا نفسي تعرف لي اراء الناس عن الاسعار هنا بالقاهرة
وللعلم موضوع السروجي دة مش عارفة ليه لم يمدوا يدهم في اي من اعماله؟
رجاء الرد السريع ربنا يكرمك والدعاء
الداخل ايه و بتاع ايه ..
السمكره 750 بالبارومه غاليه شويه .. متوسط الاسعار هنا عندنا بيبقي 500-600 جنيه حسب الشغل برضه .. رفرف و كبوت بيقلل من التمن حاجات خفيفه بس مايتغيرش غير لما يبقي مضروب خالص ..(الزن و لازم تاخدي القديم .. خساره في جتته حتي لو هوه ضايع) ... السروجي ده كده ليه ؟ فك كراسي و تربيطها .. باديله 50 جنيه بس :cool: الدهان غالي برضه .. 1200 جنيه دي لو هيا هاتدهن ميتاليك و اكليريك .. و مش 1200 برضه .. و الدواخل مابترشش في البويا ...الكهرباء مش عارف عمل فيها ايه برضه .. فك و تركيب ايه ال 250 جنيه دي ؟ الكبالن و المساعدين ؟
مش عارف .. احب اخد رأي اخونا سبعاوي هوه ادري باسعار القاهره .. اصل انا هنا و الحمد لله مظبط شبكه صنايعيه .. العربيه تاخد اللفه عليهم كل واحد يستلمها من 4 ايام لاسبوع .. و انا واقف جنبيه مابسيبهوش برضه :D
انا هابعت اللينك لاخونا سبعاوي هوه تخصص الفيات هنا .. اما نشوف (انا شخصياُ شايف فيه بعض المصاريف اتحطت علي الفاتوره مالهاش لزمه) ...
انا شايف الاسعار دي معقوله البويهالضيفاتقلش نكده و بالكراميه كمان و السروجي فعلا 150 و ساعات 200.
يا عم بيشو الاسعار دي بعملها كده و بالاكراميه كمان بس بيطلعلي شغل عالي
انا باعملها ارخص من كده و شغل عالي برضه ;)
يمكن تطورات الاسعار ماوصلتنيش هنا ..
طب بلاش الاسعار ... طب و المده ؟؟
لا المده هو شهر و بس بكون مخلص العربيه سمكره و دوكو و فرش و كهربا
و لو الموتور مش حيتعمل فيه حاجه و متركب ممكن تلات اسابيع بالكتير
يا حازم يا ابني والله لو الشغل قريب من النظيف حتي كنت اتعميت عن اي زيادة لكن شوف ابني الله يبارك له expert
السيارة معهم من نصف يناير والله وياريت شغلهم نظيف
قول معايا انا وexpert
يا حازم حسبنا الله ونعم الوكيل في الناس دي
يا اكسبرت قريت الوقت انك بتفكر في توضيب شقة الزوجية اللهي ربنا يسعدك ويفرح قلبك ويجعلها زواج مبروك يا ابني يا رب ويرزقك الخلف الصالح ورزقهم
نيهنيهنيه .. احنا تحت رحمه المعلم الكبير :d .. المعلم يقول عوم نعوم .. المعلم يقول اغرق ... نغرق هعهعهعهع :d الشقه موجوده .. الكاش في الخزنه .. الخزنه مع المعلم هعهعهع
دول لقو زبون هديه
يخرابى 2800 جنيه وشهرين شوغل وكمان نوص ونوص
دأنا لما حبيت أشد عربيه قديمه
عندنا فى طنطا وأتأخرت عند الصنايعيه عن 3 أسابيع ويوم
روحت بايعها فى الورشه لواحد حبيبى ظابط
ومش عايز أقول بقا العربيه خلصت فى أد أيه
وحاسبنا الصنايعيه أزاى
على فكره هيا ماذدا 323 1982
فين صاحبك الظابط دة يا حمادة يا عزووووووووووو ربنا يعزه ويعزك ويقبل عزائي وصبري اه صح اللي كان ابنك في التمثيلية اه هو دة اللي ينفع معاهم
بصوا بقي تابعوا معي وقولوا يارب ياexpert عزو الوقت نبهني لحاجة تابع الموضوع وساندوني الله يبارك لكم ويعزكم يارب
الذ حاجة بقي قالوا لي ما عندهمش سروجي ؟لكن الحساب والفاتورة فيها ثلثمائة جنيه اعمال سروجي ؟ يااااااااااااااااااااارب
حد يركب جوان وشمبر 128بسبعمية جنيه ليه ياناس كتير كدة يقول هو كدة الحاجة وافقت قال ارحمني يارب عوض علينا عوض الصابرين يارب
حسبنا الله ونعم الوكيل في من ظلم وبغي وطغي علينا يا رب
هيا لو العربيه في الحرفيين ممكن ادلك علي ميكانيكي كويس هناك و مبيتاخرش ;)
سمكرة +بارومة 800 جنيه ، معقول بس بشرط انى بآخد عربية على الشعرة متتفرقش من الفابريكة
سروجى 150: ده فك وتركيب وللا عملى شغل؟ فك وتركيب من 50 الى 100
كهرباء فك وتركيب ضفيرة 100: ماشى
الداخل: دا اللى هو يطلع ايه؟
دهان 1200 : بالنسبة ل 128 ده معناه شغل مافيهوش غلطة
فك وتركيب 250: فك وتركيب ايه بالظبط؟
750 جنيه مصنعية شمبر: ناااااااااااااااااااااااا اااااااااااعااااااااااااا اااااااااااااااااااااااام ؟ دى تطير فيها رقاب، انا عامل 8 عمرات لحد ديلوقتى وبتكلم على التاسعة ، اول عمرة سنة 96 واخر عمرة السنة اللى فاتت ، اتخن عمرة دفعت فيها مصنعيات 300 جنيه، وانا هنا بتكلم على عمرة وليس تغيير شمبر
الحسبة خلاصتها كالآتى:
800 جنيه سمكرة وبارومة وفك وتركيب فوانيس ونواكل وصاج
1200 دهان برة وجوة وفوق وتحت ويمين وشمال وبيتومين لعلب الرفارف كمان
100 جنيه فك وتركيب سروجى
100 جنيه فك وتركيب ضفيرة
100 جنيه فك وتركيب موتور
200 جنيه مصنعيات طقم شنبر وسيور وتركيب الدبرياج(لأن الموتور مفكوك اصلا وبالتالى الدبرياج هيركب فى 10 دقائق )
يعنى المجموع 2500 جنيه تشمل كل المصنعيات +خامات الدهان فقط
لكن كدة فيه نصبة فى حوالى 1000 جنيه
تعبتكم معايا والله ربنا يبارك لكم وفيكم ونفع بكم امة تدهورت فعلا
ربنا يبارك فيك ابني اكسبرت انك دلتني علي الخبير سبعااااااااااااااوي ربنا يحميه
اه نصبة طبعا دة نصبا وفتحا وضما وكل حروف وعلامات اللغة وباقي اللغات نظرا لاننا داخلين علي الشهرين ونصف يا ابنائي الاعزاء
طيب اتصرف ازااااااااي بقي معاهم اشتكيهم لمين ؟ واقول ياااااااااامين ينجدني منهم
انا مش فاهمة طيب السروجي فك وتركيب دي هم شالوا قاعدة الكنبة بس وحاطوها تاني لما لقيناهم تحت الكنبة يمين وشمال داهنين علي البارومة زي ما هي فطلبنا منهم اعادة عملها عملوها لكن مثلا الشنطة من الخلف كان المفتاح بيعصلج دهنوا عليه ومازال معصلج مكانه خبطة زي ماهي
اعمل ايه؟
ربنا يكرمكم ويبارك لكم يارب متشكرة جدا وجعل الله تعبكم معي في ميزان حسناتكم ءامين
حسبنا الله ونعم الوكيل فيهم وفي كل من ظلم يااارب
اومااااااال المركز دة لما في ال128الغلبانة بينصب في الف جنيه ؟دة المركز بيشغي عربيات كل ثانية اكيد الضرائب اللي بتتاخد منهم تعمر مدرسة ومستشفي وكوبري كل شهر
لكن الاهم من كل دة؟؟معني البيت اللي سبعاوي غير لاجله حكمته الرائعة
بالنسبة لموضوع الشكوى فكما افاد الإخوة هنا حلها قريب او صديق ذو حيثية يشهر لأصحاب هذة الورشة كارتا اصفر يحفزهم لمراجعة انفسهم فى ما أدو من عمل وما يطلبون مقابلا له، وبعد ان تستخلصى سيارتك لا تتعاملى معهم ثانيا، وانشرى الكلمة فيمن تعريفين عن رداءة اداء هذا المكان
اما بالنسبة لبيت الشعر ، فربما هو نهاية المطاف مع الحكمة التى سبق وكنت استخدمها فى توقيعى، فكما كتب نيوتن نظرياته باللاتينية حتى لا يقرأها ويناقشها معه سوى متخصص فلربما اخترت هذا البيت الصعب الذى ربما كان يعبر عن احد آرائى دون ان اعرض نفسى لمناقشته وتفنيده
(كلمة فى سرك: انا مثلكم اتسائل عن معنى هذين البيتين :))
انا مش عارف انت ولد ولا بنت وياريت تكون بنت علشان تعملي اللي هقولك عليه
ان مكانش ليكي معارف يوصلوكي لظابط مباحث المنطقه او المأمور مفيش مشكله ظباطنا دايما بتظهر شهامتهم مع البنات ..تروحي للظابط ودمعتين علي خدك وتحكيله الحكايه والروايه وسيبي الباقي عليه بس بعد الشكوي دي حذار ان العربيه تبيت عند السمكري ليله زياده والا هيعملك فيها حاجه هتظهر بعدين .وكمان لازم تاخدي منه فاتوره نكاية فيه.