ايوه هي
عرض للطباعة
ايوه هي
خدلك تصبيرة ..
ميتسوبيشى أوتلاندر سبورت موديل 2011
الموتور اللى حينزل فيها 1600 سم مكعب
الطول 4.295 متر
العرض 1.770 متر
الارتفاع 1.630 متر
قاعدة العجلات 2.670 متر
أدنى إرتفاع عن الارض 21.5 سم
حينزل منها 3 موديلات .. مانيوال،أوتو بيسيك،و أوتو هاى لاين
السعر عليهم (التوكيل) حيكون فى حدود 17000 : 20000 دولار للسيارة الواحدة حسب الفئة ده طبعا قبل الجمارك والضرائب وهامش الربح و خلافة .. هذا و الله تعالى أعلم
لمزيد من المعلومات www.outlandersport.com
دعواتكم ..
بس كده معناها انها هتكون غاليه جدا
يعني 20000 دولار * 5.70 = 114000
و ده قبل الجمارك و الضرايب و الذي منه
يعني تقريبا هتوصل 190000 جنيييييييييه
كتير و لا ايه ؟
من وجهة نظري العربيه دي مش هتقل عن 200 الف او هتقل بمبلغ بسيط
وربنا يستر والوكيل الجديد يعمل حاجه كويسة
العربية دى هتكون منافس قوى جدا للجراند تريوس وانا متوقع انها هتكتسح السوق لو نزلت بسعر كويس مين فينا مش بيحلم يركب عربية جيب ويدفع ضريبة السيدان
بس انا خايف من الوكيل الجديد يزود فى سعرها ساعتها مش هيفرق عن الرواس كتير
ما الخوف ليشطح شطحه محترمه و ينزلها بسعر مقارب للسوزوكي فيتارا
و ادينا كلنا شايفين الفيتارا عالمه مبيعات ازاي, مش علشان هي عربيه وحشه بس سعرها صعب لدرجه اني نفسي اشوف منها ال4 باب كل اللي بشوفه ال2 باب لأنها ارخص و مش فاكر نزلت مانيوال بخصم من فتره و برضو انشارها قليل جدا
للاسف تسعير العربيات بيكون اكتر عامل بيساعد علي انتشار العربيه او ضربها في مقتل
و لينا في توكيلات و موديلات كتير امثله متنوعه
الاسعار المذكورة في موقع
www.outlandersport.com
تتراوح مابين 18000-22000 دولار ..... ولكن بموتور 2000 سي سي وكماليات عالية جدا
نرجو من الوكيل الجديد الرحمة شوية فربح قليل يؤدي الي مبيعات كثيرة وممكن يلغي الكماليات التي تزيد من سعر السيارة
ونحن في الانتظار
هو الحقيقه المشكله اللي خايف منها مش السعر بس
العربيه مشفتهاش نزلت 1600 اوتوماتيك خالص في اي بلد !!
فغالباً هتموت من قبل ما تنزل وتيجي مانيوال فقط
ولو توكيل نيسان عنده ذرة تفكير ونزل منافستها nissan juke 1600turbo cvt هتمسحها من السوق