الموضوع: يعنى ايه ترصيص؟

المشاركة الأصلية كتبت بواسطة heshamzaky

و الله يا باشا هو فعلا بعض الصنايعية بيعملو الحركات النص كم دى لو حس أن الزبون الى واقف مش عارف حاجة فبيحاول يشتغل علية و كنت عاوز أسأل على حاجة أصل أخوك قديم شوية ههههههه أنا فاكر موضوع الترصيص بالحصان هل شوفتة عند حد حاليا و لا لآ لانى ما بشوفش الترصيص بالحصان من زمان مع انة كان بيظبط الترصيص بس للعربيات القديمة شوية علشان بيكون دقيق و على عيوب العجلة و هية راكبة أنا شوفت ظبط زوايا لما كان بيتعمل ب الفتلة و بجد كان كويس جدا و الله

هو ترصيص الحصان زى ماحضرتك قلت كده بيكون على عيوب العفشة او الطنابير واكيد بيدى نتيجة احسن عشان بيصلح كل عجلة لوحدها على عيبها بس انا رأيى ان الاحسن تصلح عيوب العفشة الاول وتتظبط وبعدين نعمل الترصيص ( يعنى بمبدأ ما بنى على باطل فهو باطل ) بس فى الاخر دى بترجع لحالة كل عربية لوحده وبيتدخل فيها الخبرة ممكن فى حالات معينة يبقى ترصيص الحصان احسن من العادى
ودى لينكات لمواضيع هنا على المنتدى بتناقش الموضوع ده :
http://www.nilemotors.net/Nile/1349-a.html
http://www.nilemotors.net/Nile/173449-a.html

المشاركة الأصلية كتبت بواسطة aif

شرح اكتر من ممتاز
يبقى موضوع الاسم ... ترصيص مشتق من قطع الرصاص اللي بيثبتها الفني على مكان معين من الجنط لعمل توازن اثناء دوران العجلة حول محورها
يعني ترصيص من الرصاص ... ولو كانو بيحطو حديد يبقى تحديد ... ولو بيحطو طين يبقى تطيين
على فكرة عيوب الترصيص دائما بتظهر على السرعات العالية اكتر من السرعات البطيئة ... بتلاقي الدركسيون بيتهتز بشدة . ( بيغربل )

اشكرك بشدة
مش عارف بصراحة مقصودها اللغوى ايه ممكن يكون كلام حضرتك صح انها جاية من الرصاص وممكن يكون ترصيص من رص العجل - بالعامية يعنى - وعيب الترصيص فعلا بيظهر على السرعات 80 و 100 مثلا او على حسب حالة العجلة .

المشاركة الأصلية كتبت بواسطة rerii

ميرسى ليكوا بجد

انا رحت عملت ترصيص النهاردة وبصيت عالجهاز زى ماقلتولى وفعلا مكنش بيشيل العجلة غير لما الجهاز يجيب اصفار والراجل حس انى فاهمه واستغرب :b4_388:

بس لما جه يظبط الزوايا قالى انى عندى مشكلة فى المساعد وانه مش هيقدر يعمل فى المساعد حاجه وهو هيظبط الزوايا بس وظبطها بس العربيه لسه بتحدف منى وقالى اروح لحد بتاع عفشة ورحت فعلا وقاللى انى لازم اغير المساعد وقالى انه ميعرفش تمنه رحت سألت عليه لاقيته جديد عامل 650 فبصراحه مشترتش وقلت ادينى متعوده عالحدفه وبظبط الدريكسيون على مايكون معايا الفلوس:t_thum1[1]:

بس الرجه اللى فى العربيه راحت بعد الترصيص

مش عارفه بقى المساعد كده غالى وللا ايه ؟؟؟ وهو استيراد يعمل كام ؟؟؟ والاحسن اجيب جديد وللا استيراد ؟؟؟ انا عربيتى لانسر كريستاله 99

الف مبروك والحمد لله ان الرجة راحت
ماعنديش فكرة عن الاسعار بصراحة بس هتلاقى مواضيع كتير فى المنتدى عن مساعد الكريستالة وانواعه واعتقد المساعد الجديد احسن من الاستيراد عشان بعد فترة المساعد بيخف وماتعرفيش حالة الاستيراد ايه . فى حاجات تانية الاحسن تجبيها استيراد زى المقص مثلا