يعنى ايه ترصيص؟

**Rerii** · 02-12-2010 09:44 PM

انا حسيت برجه فى العربية بعد ماغيرت الفردتين اللى اودام ركنت وقلت يمكن الصواميل مش مربوطة كويس وربطها على الاخر بس فضلت الرجه رحت للميانيكى بتاعى جربها وقالى العربيه عايزة تترصص وتظبط زوايا

يعنى ايه ترصيص؟؟

وهل فيه مشكله لو اجلت الحوار ده 3 ايام وللا حاجه خاصة انى مسافره بيها بكره ان شاء الله

**Hussein_Emara** · 02-12-2010 09:56 PM

الترصيص هو اختبار التوازن للعجلة في الدوران حوالين محورها, و بتتفك العجلة و تتحط على جهاز بيلففها و يقيس نقط عدم الاتزان و الصنايعي على حسب النتيجة بيحط قطع حديد (معرفش اسمها) بين الكاوتش و الجنط و يقيس تاني لغاية ما تتظبط.

انا كنت بعملة في بنزينة و الموضوع بياخد نص ساعة تقريبا.

و اثار الموضوع ده ان حضرتك تحسي برفة في العجل مع السرعات.

على حد علمي, اي كاوتش يتركب على الجنط جديد, لازم يترصص.

**heshamzaky** · 02-12-2010 10:10 PM

المشاركة الأصلية كتبت بواسطة hussein_emara

الترصيص هو اختبار التوازن للعجلة في الدوران حوالين محورها, و بتتفك العجلة و تتحط على جهاز بيلففها و يقيس نقط عدم الاتزان و الصنايعي على حسب النتيجة بيحط قطع حديد (معرفش اسمها) بين الكاوتش و الجنط و يقيس تاني لغاية ما تتظبط.

انا كنت بعملة في بنزينة و الموضوع بياخد نص ساعة تقريبا.

و اثار الموضوع ده ان حضرتك تحسي برفة في العجل مع السرعات.

على حد علمي, اي كاوتش يتركب على الجنط جديد, لازم يترصص.

بيحط قطع رصاص و دى بتبقى بالوزن يعنى كل قطعة رصاص عليها الوزن بتاعها مكتوب و على حسب ما الجهاز بيديلة القراءة بالرقم المطلوب بيتم وضع قطعة الرصاص بنفس الوزن سواء على شفة الجنط من الداخل أو الخارج و فية ترصيص أسمة لزق للجنوط الاسبور بس أغلى شوية الترصيص العادى بحوالى 5 او 6 جنية تقريبا للفردة و لو الجنوط قديمة و الكاوتش أتخرم و فكيت الكاوتش من الجنط يفضل الترصيص لعدم حدوث غربلة فى الدريكسيون أثناء القيادة

**Hussein_Emara** · 02-12-2010 10:48 PM

المشاركة الأصلية كتبت بواسطة rerii

ميرسى ليكو بس لو سافرت بالعربيه قبل مااعمل الموضوع ده عادى وللا ايه؟؟؟؟

بلاش احسن, طالما على سفر لازم تظبطي العربية

يعني:

بنزين : تمام
زيت: تمام
رادياتير: تمام
كاوتش: تمام
اضائة: تمام

ثم طريق السلامة إن شاء الله

**Hussein_Emara** · 03-12-2010 03:25 AM

المشاركة الأصلية كتبت بواسطة mr_kenawy

طول عمرى نفسى افهم موضوع الترصيص و ظبط الزوايا ده , انا بحسه اشتغالة كبيرة جدا , بسوق النهاردة من 15 سنة و عمرى ما رصصت و لا ظبطت زوايا و فى حياتى ما حسيت بغربلة و لا رفة و لا دياولو , و فى نفس الوقت اعرف ناس بيعملوا الحوار ده كل 3 او 4 شهور , نفسى افهم ليه , ياريت لو حد عنده معلومات وافية يقولهالنا.

إية ظروفك مع المطبات و الحفر و النقر؟

لو بتفاديهم كويس, يبقى تمام, إن شاء الله متعرفش سكة الناس دي