الحقونى لمبة check engine نورت!

**houbaz** · 02-12-2010 09:47 PM

يا رجالة لمبة ال check engine نورت فجأه و انا سايق من غير اى سبب، طفيت و دورت تانى ما اتطفتش و انا مش ملاحظ اى تغيير فى صوت او كهربة العربية و ادائها كمان ما تغيرش و السيرفس معمول، يا ترى فى حد حصله الحوار ده قبل كده؟ تفتكرو المشكلة فى ايه و اروح لمين عشان احلها بعيدا عن منصور؟ انا مقلق اوى و انا سايقها

**aymanmaly** · 04-12-2010 10:27 AM

ان شاء الله خير
يجب وضع السيارة على جهاز كمبيوتر لتحديد العطل
و برجاء عدم استعمال السيارة لحين تحديد العطل و الا حتمالات كثيرة جدا جدا لا نستطيع حصرها
فالحل الوحيد كما ذكرت ليك وضع السيارة على جهاز تحديد الاعطال ( الكمبيوتر )
اذا كنت محتاج حد كويس انا ممكن ارشحلك حد بعيد عن التوكيل كما طلبت و لكنى افضل التوكيل
على العموم الشخص دة فى مدينة نصر ممكن ابعتلك بياناتة على الخاص
و برجاء عدم خلع كابل البطارية لان لو شلتها ممكن جدا يتلغى العيب من على كمبيوتر السيارة ولا يظهر فى الاسكان و بالتالى العيب هايفضل موجود و الكمبيوتر مش شايفة فاحظر هذا الموضوع
و بالتوفيق فى القرار السليم

**fawzyyyy** · 04-12-2010 10:47 PM

متقلقش خير ان شاء الله...ممكن يطلع الموضوع كله اللمبة علقت......

بس اهم حاجة تعرفنا انت عملت اييه و خير ان شاء الله

**houbaz** · 09-12-2010 08:19 PM

للاسف انا شلت الكابل قبل ماشوف الرد بتاعك يا ايمن باشا، و بعد لما ركبته لقيت اللمبة منورة برده، طلعت اجيب فلوس جيت ادور تانى اللمبة طفت لوحدها! تقريبا خافت :)