مذيل الخدوش -- كلاكيت اخر مره
اولا فيه ثلاثة انواع من الخدوش
1- نوع بسيط ناتج عن احتكاك التراب بجسم السيارة واستخدام الفوطة الذفرة لتلميع السيارة ---------- للمعالجة استخدم لها الكومبوند وللوقاية استخدم الشمع
2- نوع متوسط ناتج عن احتكاك ادي لاختراق طبقة الدهان وظهور طبقة المعجون ------- وديه اللي هتكلم عن معالجتها
3- نوع قوي ناتج عن احتكاك ادي لاخراق كامل طبقة الدهان والمعجون وظهور الصاج ----- وديه لازم معالجتها بدهان اسبراي مش عشان متبانش لانها هتبان بس عشان البارومة
نرجع بقي للنوع التاني وده النوع اللي بيعملوا الحرافيش الصغننين في عربيتك باستخدام المسامير وقطع الزجاج
اولا اسمحولي اقولها بوضوح البولش ولو خشن او الكومبوند مش بيشيل الا الحكات الخفيفة اوي بتاعة التراب (والي في الغالب بتيجي من مسح العربية بالفوطة الذفرة) وديه بتبقي صغيره جدا ولم تصل لحد اختراق البوية وكشف ما تحتها من معجون
في الغالب الخدوش اللي بتتكلم عنها واللي كلنا بنعاني منها هي من النوع اللي بيخترق البوية ويوصل للمعجون وديه بتبقي باينة جدا لسببين :
السبب الاول : انها قاطعة البوية وبالتالي عاملة علامة نتيجة انخفاضها عن باقي مستوي البويه
السبب الثانيً: لانها بتكشف المعجون وبالتالي بيبان الفرق اللوني بين البوية والمعجون اللي في الغالب بيكون لونة ابيض او احمر
السبب الاول
صعب التغلب عليه الا بالسحق بماده سنفرة عاليه الخشونة عشان نسوي كل ما هو حولين الخربوش عشان المستوي يبقي واحد
او باستعمال ماده تقوم بملاء الفراغ الناتج عن الخربوش
للاسف حتي الان لم اجد اي ماده تقوم بعمل اي من الطريقتين !!
السبب الثاني :
يمكن التغلب عليه باستخدام اما :
1: بولش بلون السيارة --- وده بيبقي فيه منة الوان تقريبية يعني الجراي والفضي والفراني كلهم ليهم لون واحد ودرجات الازرق لون وهكذا وده فكرتة قائمة علي تنظيف سطح السيارة تماما (وظيفة البولش الطبيعية) بالاضافة الي سبغ عمق الخدش ليصبح قريبا من لون الدهان مما يحد من سوء شكل الخرابيش
سعرة في حدود 30 - 50 جنية انا جيبت نوع صنع في الاتحاد الاوربي ماركة مجهولة ب 38 من هايبروان اللي في داندي مول
(تعليق شخصي) بصراحة بعد ما استخدمته مش حاسس انة مفيد اوي وخسارة فيه الفلوس الا لاستخدامة كبولش عامة
2: استخدام اسبراي لون مقارب للون السيارة وبعد رشة بثواني تقوم بمسحة بجاز لازالتة من علي كل البوية بس طبيبعي انة هيملا الشقوق بتاعة الخرابيش فتبقي بلون قريب للسيارة
ده سعرة بيتراوح بين 10 - 15 جنية ويباع عند اي موان 8)
(الامل) في وجود KIT عبارة عن مجموعة مواد تضاف بالتتابع ويده بتعمل عمل المعجون لسد مكان شقوق البوية ثم تلوينها ثم سنفرتها لتسويتها تماما بالسطح الكيتس ديه بتتباع برة ولسه مشوفتش منها في مصر ولا اعلم مدى فعاليتها كمنتج لاكن كتكنيك فهي اصح تعامل مع الخدوش
اخيرا للوقايه من الخدوش بانوعها واظب علي :
1: استخدام الشمع كل فترة
2: عدم ترك السيارة بدون غطاء
3: استخدم اغطية السيارة المبطنة
4: ابتعد عن استخدام الفوطة الذفرة (خاصة مع استخدام فوطة ممتلئة بالاتربة)
5: تجنب عدم ترك السيارة في مناطق ذات كثافة مرورية (مشاة) عاليه لان الناس بتمشي تلوش بأيديها وبالشنط اللي شايلاها
6: احتفظ بالسيارة دائما نظيفة لان الاتربة المتراكمة علي السيارة اكبر مسبب للخدوش
للبحث علي الانترنت عن منتجات اذالة الخدوش استخدم الكلمات التاليه في محركات البحث
car scratch remover, car scratches, scratch kit, automotive body repair tools,
---------------
وائل مجدي (AboNorA)
