محتاج المساعده فى تغيير الموبينه بعد تظبيط فيشه الاوكتان

**mostafa mahmod** · 02-12-2010 11:58 PM

بدات الحكايه كنت فى مشوار من يومين و اذا باعربيه و انا ماشى بدوس بنزين ملاقتش اى استجابه كان السير اتقطع
المهم العربيه بطلت لانى بصراحه اتلجلجت و معرفتش اعمل ايه
جيت ادور مش بتدور جربت كذا مره و الحمد لله ان والد واحد صاحبى بيفهم فى العربيات كان معايا قعد جرب كذا مره لغايه ما دارت و رجعت و تمام الحمد لله قالى ده ممكن يكون بسبب البنزين انه يكون مغشوش بالماء و ده كان السبب

جيت بقى النهارده و قلت انا اجازه لما اشوف موضوع فيشه الاوكتان دى و فعلن لاقيتها و كانت متظبطه على 80 المهم شيلت انا الجامبر و ظبطها على 90 و عملت ايدل ليرن و النتيجه تمام جيت بليل بقى انا و اصحابى قلت نخرج
دورت تمام و مفيش اى مشاكل العربيه بقت تمام وصلت و ركنت العربيه بعدها بساعه و انا مروح بدور استحاله جربت و كاركت و حاولت ادور و هى ماشيه استحاله تدور
المهم رحت لميكانيكى بص على البنزين قالى الطرمبه تمام قالى ان العيب من الموبينه قالى انه عنده واحده بس شغاله 3 سلندر فيها بس قالى خدها روح بيها و ابقى هات واحده استيراد و اروحله علشان يركبها و بصراحه ركبها اشتغلت بس دوختنى عقبال مروحت بيها البيت
فانا عايز اعرف منكم ده ممكن يكون صح مع العلم انى لسه مغير بوجيهات و فلاتر و زيت و الدنيا كانت جامده
و لا ممكن يكون من فيشه الاوكتان اللى انا ظبطها

انا محتاج مساعتدكم ضرورى ممكن يكون الميكانيكى بيشتغلنى
لان الميكانيكى اللى بتعامل معاه بعيد و انا صعب اوصله بالعربيه و هى بالحاله دى

يا ريت تردوا عليا يا اساتذه الدايو لانى بجد متضايق اوى و مش عارف اعمل ايه

و اسف على الاطاله و انا عارف انكوا هتستحملونى
شكرن

**fosfos010** · 03-12-2010 12:28 AM

لو الموبينة الى جبتها اشتغلت ومعملتش معاك اى مشاكل يبقى فعلا العيب موبينة

**karimfahmy99** · 03-12-2010 05:07 AM

عيوب البوبينة بتظهر لما تسخن . و تبريدها هو الحل السريع لتشغيلها تانى . و عموما برضة متمشيش بالعربية كتير كدة على 3 بس غلط .

**M.Zaher** · 03-12-2010 04:48 PM

فيشه الاوكتان مالهاش علاقه باللى حصل ده
ممكن تكون البوبينه فعلا

**mostafa mahmod** · 03-12-2010 08:23 PM

اللى انا عايز اعرفه هى ممكن تتصلح او يتغير فيها حاجه و هل ممكن تكون معلقه مثلا لانها شغاله من زمان و زى الفل هفل ممكن انها تعطل مره واحده
و لو هشتريها هتبقى بكام
و منين
شكرن

**mostafa mahmod** · 03-12-2010 08:26 PM

المشاركة الأصلية كتبت بواسطة karimfahmy99

عيوب البوبينة بتظهر لما تسخن . و تبريدها هو الحل السريع لتشغيلها تانى . و عموما برضة متمشيش بالعربية كتير كدة على 3 بس غلط .

يا باشا التلاته دى مش بتاعتى دى بتاعت الميكانيكى ادهالى جدعنه علشان اروح بيها

**عصام غنايم** · 04-12-2010 12:36 AM

اللى انا عايز اعرفه هى ممكن تتصلح او يتغير فيها حاجه و هل ممكن تكون معلقه مثلا لانها شغاله من زمان و زى الفل هفل ممكن انها تعطل مره واحده
و لو هشتريها هتبقى بكام
و منين
شكرن

طبعاٌ الموضوع ملوش اى علاقه بفيشة الاوكتان

دى موبينه

قبل ما تغيرها بص على سلوك البوجيهات والافضل تغيرها للأمان

وطبعاٌ تبص على البوجيهات و لو لزم الامر غيرها

وفى النهايه لا بديل عن تغيير الموبينه

ملهاش حل تانى

الموبينه المحروقه مبتتصلحش لأن قلبها مصبوب

اهم ما فى الموضوع تجيب واحده اصلى لو حتى من التوكيل

**mostafa mahmod** · 04-12-2010 11:07 AM

المشاركة الأصلية كتبت بواسطة عصام غنايم

طبعاٌ الموضوع ملوش اى علاقه بفيشة الاوكتان

دى موبينه

قبل ما تغيرها بص على سلوك البوجيهات والافضل تغيرها للأمان

وطبعاٌ تبص على البوجيهات و لو لزم الامر غيرها

وفى النهايه لا بديل عن تغيير الموبينه

ملهاش حل تانى

الموبينه المحروقه مبتتصلحش لأن قلبها مصبوب

اهم ما فى الموضوع تجيب واحده اصلى لو حتى من التوكيل

شكرن يا باشا
هى ممكن تكون سلوك فعلن لان انا مغير البوجيهات من شهر تقريبا و كمان الموبينه تبوظ و تشتغل زى ما مكتوب فى المشاركه السابقه
و شكرا لاهتمام حضرتك و سرعه الرد

**M.Zaher** · 04-12-2010 12:26 PM

لو قطعت منك وفصلت تاني هاتي قماشه مبلوله و اعصرها كويس و بعدين حطها على البوبينه لو دارت يبقى البوبينه اللى بايظه

الموضوع: محتاج المساعده فى تغيير الموبينه بعد تظبيط فيشه الاوكتان

LinkBack

أدوات الموضوع

عرض

-

-

-

-

-

المواضيع المتشابهه

فيشه الاوكتان

فيشه الاوكتان

فيشه الاوكتان

فيشه الاوكتان

فيشه الاوكتان

الكلمات الدلالية لهذا الموضوع

المفضلات

المفضلات

ضوابط المشاركة