السلام عليكم ورحمة الله وبركاته..
لو سمحتو يارجالة الهوندا..
عايز معلومات عن هوندا crx ..
ايه رأيوكو في العربية دي؟
اخبار الثبات بتاعها ايه؟
وقطع الغيار؟
هل في حاجة متشابهة مع السيفيك؟
اسعارها كام؟
ياريت كل المعلومات...
شكرا...
عرض للطباعة
السلام عليكم ورحمة الله وبركاته..
لو سمحتو يارجالة الهوندا..
عايز معلومات عن هوندا crx ..
ايه رأيوكو في العربية دي؟
اخبار الثبات بتاعها ايه؟
وقطع الغيار؟
هل في حاجة متشابهة مع السيفيك؟
اسعارها كام؟
ياريت كل المعلومات...
شكرا...
كمان عايز اعرف هيا زي السيفيك الهاتش باك يعني في كراسي ورا وشنطة صغيرة ولا لأ؟؟
اذيك ياباشا
الcrx سعرها بيعمل من 28 الف الى 30 الف وحالة نظيفة اوى 32 الف
بالنسبة لقطع الغيار فهية نادرة عن السيفيك طبعا
بالنسبة للثبات طبعا ممتازة
بالنسبة لسيفيك الهاتشباك اة فيها كراسى ورا وشنطتها كويسة تقدر تقول قد شنطة ال128 كدة بس اوطى كارتفاع
يا الله
انا كنت داخل اعمل نفس الموضوع
طيب هى قطع غيارها زى السيفيك مثلا
يعنى مثلا لو الموتور
يتسقط فيها مواتير السيفيك ( و كده نبقى حلينا موضوع قطع غيار الموتور )
العفشه مثلا هل برضه ممكن يتوفقلها من السيفيك ولا دى نظام و دى نظام
بصراحه العربيه ضاربه و معششه و منخششه و دماغى بقالها فتره
و هل فى حالات كويسه فى مصر ولا ايه النظام ؟!
العربية كرسين فقط وفيها شنطة صغيرة أخرك تحط فيها صابين يا مووش هههه عشان أنا عارفك طماع، المواتير تركب اى حاجه من موديلات 88 لحد 2000 ومواتير k20a :) ، العفشه أعتقد هيا نفس عفشه السيفيك 88-91 وممكن تركب قطع من السيفيك 92-95 بس ممكن تحتاج تعديل صغير
ممكن تلاقى حالات نظيفة بس قليل و هتحتاج صبر و بحث كويس عشان تقع على حاجه منهم
نبيل باشا اخبار حضرتك ايه؟؟
مواتير الK20 بتاعت الType R ؟؟ من غير تعديل؟؟
لا بس كده صعب قوي كرسيين بس مش هينفع خالص..
الف شكر لحضرتك
طب مافيش صورتين ليها؟؟
بالنسبة للهاتش باك بتاع السيفيك الجيل السادس 96-2000 سعرها تبقى في حدود كام؟
وهل قطع غيارها موجودة؟
ثباتها ايه بالمقارنة بالسيدان؟؟
شكرا
هههههههههههههه
نبيل باشا صباحو عسل
فاهمنى انت يا كبييييييير :F_eyeb1[1]:
ههههههه
و هى لازم معاها صبين فى الشنطه
بس صبين ايه بقى 12 ولا 15 :8954[1]:
و احلى حاجه انها كرسييييين بس:colsmil:
والله العربيه داخله دماغى اوى
بس كنت خايف من موضوع قطع الغيار ده
طيب تعتقد بورسعيد ممكن يبقى فيها حالات كويسه ؟!
و هل ممكن الاقى هناك قطع غيارها اوفر شويه ولا ايه ؟!
ايوة المواتير K20A بس بتحتاج تعديلات مش سهلة زيها زى السيفيك ان كنت بضيف المعلومة بس
موضوع الكرسيين + انها باب واحد دى مشكلة هيا محتاجة شباب صغير أو يكون حد معه عربية ثانية عائلية ما تكونش دى عربيتة الاساسية يعني
الصور هرفعهلك كمان شوية ان شاء الله
الطلقة الهاتش باك السيفيك الجيل السادس سعرها من أول لحد نص الخمسينات تقريباً وقطع غيارها موجودة بس هيا مش منتشرة برضه
الثبات كويس طبعاً لو حبيت تزوده هتركب جنط وعفشه و بينزل منها بره فئات SiR و Type R