الموضوع: حساس كامة تااااااااااااني !!!

المشاركة الأصلية كتبت بواسطة tananybasha

1. حساس الكامه - ده وظيفته فى حالة انقطاع سير التقسيمه انه يفصل الكهربا و طرمبة البنزين و ليه وظيفه توجيهية انه بيحدد لكمبيوتر العربية انهى بستم اللى شغال عشان يدي له اشاره صح == هاته استيراد احسن على تجربة
بس للعلم هو ملوش دعوه بتأخير الدوارة الا لو بيفصل و يشتغل
و تتأكد انه هو لو العربية تسخن تيجى تدورها تعذبك
نضف الفيشة الأول

2. الدبه دى هوا زياده فى الكاوتش
حاول تراجعه عند حد نضيف و لو ممكن تنزل عند بريدجستون يبقى احسن

3. ده عيب علبة صريح انها مترجعشى مره واحده
لو بتعض فى الرجوع و هى فى اخر الكسره تبقى بطاحة
تقيل و مبوش و بيعض يبقى علبة دركسيون و للأسف علبة الفيكترا بى ملهاش توضيب و غالية

4. المارش يتفك
يتروق و يتعمله طقم جلب المانى و هما 3 جلب
و يجى ترس البندكس بتاع الحدافه جديد و يتغسل صح
و مش هتسمعله صوت تانى

طناني باشاااااااااا....كل سنة و حضرتك طيب و يارب دايما في احسن حال....

1. انا معرفش سير التقسيمة ده....هو ليه اي مصطلح او اسم تاني ؟؟؟ ممكن اكون عارفه.....انا لما بيهنج بيبقي لمبة التشيك منورة و كمان دوسة البنزين تقيلة في الأول و ليها صوت ورّة كدا في الموتور و سحب البنزين عالي جدا

2. امبارح كنت عند عبد الله اوبل ... ظبط هوا الكاوتش و ربط العفشة و تمام جداااااا مفيش اصوات زي الأول و هدوء كدا الحمد لله ناقص بس ظبط الزوايا و الترصيص

3. و انا عنده برضه كشفلي علي الوصلة او صليبة الدريكسيون و كمان ع العلية و قاللي الاتنين فيهم بوش بسيط اوي ميزعلش في المشي او الجري و انه الطبيعي....بس يمكن بقا عشان انا بمشي علي طرق سريعة فا بتظهر معايا فارقة حبتين بس اهو تمام يعني الحمد لله

اللي هايجنني بقاااااااااااااااااا ....... العربية دي امبارح لا لمبة التشيك نورت عشان الحساس ولا المارش عمل اي حاجة و كان شغال و سليم و زي الفل و زي مايكون متغير اصلا بواحد زيرو ..... شكلها كدا بتيجي عند الصنايعية و تخاف .... انما انا خايف اجي ادور في مرة ميدورش المارش خالص و يقطع مني و مش عارف ساعتها اتصرف ازاي بما انها اوتوماتيك .....

ربنا يخليكوا يا رجالة بس انا ملاحظ في هدوء جامد عن قبل كدا في المنتدي مفيش مواضيع و ردود ولا والعة زي قبل العيد و بعده ....

ان شاء الله يكون المانع خير

و يجعله عامر