ميتسوبيشي لانسر بطة للبيع
السلام عليكم ورحمة الله وبركاته
انهارده يا جماعة بعرض عربيتي باذن الله للبيع ومواصفاتها كالتالي
العربية موديل :1994
العداد : 300000 واغلبهم سفر بحكم طبيعة شغلي
الموتور 1300 سي سي
الكماليات : فقط التكييف
الرخصة : فيها سنتين باذن الله يعني باذن الله على 2012
الحالة العامة : رشة بره وفيه ملاحظة في الاخر انا كاتبها بخصوص العربية
الدواخل : زي ما هي بفضل الله
حالة الكاوتش :محتاج تغيير وناوي اغيره قريب باذن الله لو هيقلل من سعر العربية كتير
حالة الموتور : جيدة والحمد لله في الغالب بحطلها اما 92 او 90 مع العلم انها كاربيراتير
العربية مكيفة وتكييفها معروف بالذات انه العربية خليجي
السعر بصراحة ما عنديش فكرة عن سعر السوق
فيه نقطة مهمة علشان اكون خلصت ذمتي من ربنا وعلشان ربنا يبارك لنا في البيعة باذن الله العربية في رمضان اللي فات وقع عليها السور بتاع جاري والحمد لله على كل حال طبعا العربية اتصلحت لكن اضطريت اني اغير السقف علشان تنحل المشكلة لكن العربية الحمد لله رجعت زي الاول والحمد لله الدواخل نظيفة للي عايز يشوفها طبعا انا عايز ابيعها لسببين لاني اولا كنت ناوي ابيع واغير على العيد الصغير ونقطة تانية علشان مش عايز اخسر في العربية كتير بسبب الموديل فياريت يا جماعة بلاش البخس او الكلام اللي ممكن يضايق انا حبيت اوضح النقطة دية علشان اخلص ذمتي من ربنا واكون عملت اللي عليه
في امان الله