مشاكل جديده برجاء المساعده

**jojowork1** · 03-12-2010 11:52 AM

ازيكم يا جماعه وحشتوني اوي وححشني المنتدي انا عارف ان ليا فتره مش بشارك معاكم بس عشان ظروف السرفر والشغل
حصلتلي شويه مشاكل مره واحده مش عارف سببها
اولا العربيه لانوس 2000 لما باخد ملف لاقصي اليمين او الشمال بسمع صوت تكته جامد جاي من العفشه بس الصوت واضح اكتر في اليمين ياتري الصوت ده من ايه
المشكله التانيه لقيت العربيه مره واحده مش راضيه تدور وفيها مارش وكل حاجه وعداد البنزين علي التلت تقريبا بعد عده محاولات فكيت الرشاشات لقتها مش بتجيب بنزين مع محاوله التدوير فكيت فلتر البنزين قلت يكون هو كمان مسدود لقيت هو كمان مفهوش ضغط بنزين المهم شكيت في الطلومبه مع اني بسمع صوتها عادي لقتها صوتها شغال وكل حاجه قلت ممكن يكون العداد خرف بتاع البنزين ولو اني متاكد ان كده مظبوط علي الكيلو مترات مع الاستهلاك برده زدت بنزين بجركن في العربيه العربيه دارت بصعوبه جدا وكانها بتجاهد عشان تدور
السؤال هنا هل ممكن تكون الطلومبه صوتها شغال وكله بس مش قادره تضخ بنزين كويس يعني كده باظط ولا ايه
معلش سؤال تاني صغير هي العربيه تاخد اديه زيت بالفتر واديه من غير الفلتر في غيار زيت المتور
شكرا مقدما ليكم

**m0hsen** · 03-12-2010 01:42 PM

بالنسبة لغيار زيت الموتور بتاخد 3.5 من غير و3.75 بالفلتر وبيبقى معاك ربع فى الجركن

**M.Zaher** · 03-12-2010 04:44 PM

صوت التكتكه زيت الاول البطاحات و بعدين شوف الجلب

غير طلمبه البنزين

**srm** · 03-12-2010 09:58 PM

لو دى رشاشات العربيه الاصليه ممكن يكون العيب فيها انها بتسيل

وده يخلى العربيه تدور بصعوبه......فى راشات اكسنت ب 100ج بتركب عليها

وتحط معاها منظف رشاشات

لو شاكك فى الطرمبه ممكن تجرب بتاعت واحد تانىوتوف الدنيا فيها ايه

**jojowork1** · 04-12-2010 12:38 AM

شكرا يا جماعه للاهتمام
اولا انا لسه مشحم البطحات وبرده صوت التكتكه موجود
مشكله الدوراه اتحلت بنسبه لموضوع الرشاشت حضرتك لو اخدت بالك انا فكيت فعلا الرشاشات وفيكت فلتر البنزين مكانش فيه بنزين فيهم اصلا المشكله طلعت في الفلتر اللي تحت الطلومبه انه مسدود تماما من الرواسب وغيرته من طلومبه قديمه وغسلت التنك والمشكله اتحلت
بنسبه للزيت يبقي هل مووضع 3.5 من غير فلتر و 3.75 بفلتر ده مؤكد عشان واحد ميكانيكي اكدلي ان الفلتر بياخد نص لتر يعني اربعه بالفلتر وانا بصراحه شاكك في كلامه ياريت مصدر المعلومه من سيرفس مانيول لو حد عنده
شكرا يا جماعه جدا علي الاهتمام