اسعار الالنترا الجديدة ( أفانتى ) فى مصر

**egypt0777** · 03-12-2010 04:51 PM

يبقى الاوروبى حيكسر الدنيا لانه سعره حينزل بمعدل 10 % سنوى و بالتالى يبقى اجيب الالنترا اول كاتجرى ( 150 الف) ولا اجيب الفلونس او الاوبل او الجيتا ( اعلى كماليات بالسعر ده )

يعنى على اما الالنترا الجديده تنزل فى 2012 تكون العربيات الاوروبى سعرها نزل 20% ولا ايه رايكم

**nour_nrc** · 03-12-2010 05:12 PM

هههههههههه والله موتني ضحك اضحك الله سنك

**kareeeem** · 03-12-2010 05:45 PM

يا باشا انت جبت الكلام ده من فين بس اذا كان فى التوكيل ميعرفوش حاجة عن اسعارها وذا كان دى اسعارها فهى اسعار فى الخيال

**mohamedassy** · 03-12-2010 06:22 PM

غبور مش هينزل العربية دية دلوقتى خالص , و الاسعار دية مبالغ فيها قوى

**kareeeem** · 03-12-2010 09:48 PM

طيب عندك فكرة حتنزل امتى

**Rsarabia** · 04-12-2010 12:56 PM

الكلام كله عايم الراجل اللى قالى الكلمتين دول قالهم لى و مفيش اى معلومات اكتر من كدا و انا بكدا مع وجهه النظر بتاعة انى اجيب جيتا بقا احسن و لسه هترخص و احسن مية مرة من عربية كورى و خاماتها من جوة مش اوى و غالية جدا على امكانياتها وخاماتها
الطبيعى انها تبقى بنفس سعر السيراتو + 10 مثلا على كل فئة

**mahmoud_afifi** · 04-12-2010 03:34 PM

المشاركة الأصلية كتبت بواسطة rsarabia

الكلام كله عايم الراجل اللى قالى الكلمتين دول قالهم لى و مفيش اى معلومات اكتر من كدا و انا بكدا مع وجهه النظر بتاعة انى اجيب جيتا بقا احسن و لسه هترخص و احسن مية مرة من عربية كورى و خاماتها من جوة مش اوى و غالية جدا على امكانياتها وخاماتها
الطبيعى انها تبقى بنفس سعر السيراتو + 10 مثلا على كل فئة

ممكن سؤال ؟
هي لسه نزلت عشان نعرف نحكم على خامتها ؟ :)

الكلام لسه سمك في مايه والاسعار دي ممكن تكون صح في حاله واحده, انها تكون بمواصفات اوروبيه وطبعا التقفيل بتاعهم غير التقفيل بتاعنا.
اذا كان العربيات الخليجي بتبقى محترمه عن الوكيل, ما بالك بقى بالاوروبي.
بالمناسبه انا شوفت في معرض الوعلان في الرياض جميع انواع الهيونداي من اول الالنترا (كانت احقر واحده في المعرض) نهاية الى الجينيسز كوبيه. وفي عربية عاملة زي البي ام الفئه السابعه. بصراحه من ساعتها وانا اقتنعت ان التقفيل والجوده السيئه في مصر بس.

**M.Osman** · 05-12-2010 08:04 PM

المشاركة الأصلية كتبت بواسطة rsarabia

من الصور المنتشرة على النت الخامات زى خامات السيراتو بالظبط التبلووو و الكراسى الغير مريحة و تبطين الابواب و الزراير

حضرتك بتحكم على الخامات من الصور؟
ممممممم

طب يا ريت تتفرج على الفيديوز كمان و تقول لنا رأيك

**Formulator** · 06-12-2010 05:57 PM

المشاركة الأصلية كتبت بواسطة m.osman

حضرتك بتحكم على الخامات من الصور؟
ممممممم

طب يا ريت تتفرج على الفيديوز كمان و تقول لنا رأيك

على فكرة معظم العربيات الكورى بتبقى شكلها احسن فى الصور من الواقع !!!!!

وفيه موضوع معمول قريب ياريت تشوفه عن الأوبتيما فى الخليج وصاحب الموضوع بيقول ان الخامات و التقفيل اقل بكتيير اوى عن المتوقع او اللى فى الصور

وعلى العكس تماما: البى ام 500 الجديدة (مثلا) ممكن ماتعجبكش فى الصور خالص لكن لو شفتها على الواقع هتغير فكرك وقتى