مشكلة مزعلاني من النوبيرا

**osama.m** · 03-12-2010 02:22 PM

السلام عليكم

النهاردة الصبح صحيت بدري شوية و قلت استغل الوقت و انضف العربية شوية .. بشيل الدواسات و لقيت اللي عند الراكب الامامي مبلولة شوية من تحت .. فا شيلت فرش العربية اللي زي الموكت دا و لقيت المفاجأة .. كمية مية كبيرة واقفة و مش عارف مصدرها منين .. الاسفنجة اللي تحت الموكيت دي مليانة مية بطريقة كبيرة جدا .. خايف دا من المية دي تضرب صدا في ارضية العربية و كمان مش عارف فين مصدر المية دي

لو حد حصلت معاه الحكاية دي يقوللي عمل اية ... انا عايز اعرف مصدر المية منين عشان اوقفة قبل ما حاجة تحصل و خصوصا ان المكان دا قريب من كنترول العربية

**M.Alaa92** · 03-12-2010 02:45 PM

حضرتك هو ممكن من مواسير التكيف السخن وديها لواحد بتاع تكييف يسلك الماسورة و ترجع زى الاول
سؤال بعد اذنك هو الخشب ده فبريكة ولا جايبة استعمال؟؟

**Sherif Khalifa** · 03-12-2010 04:34 PM

مفيش مصدر للمياة فى الحتة دى غير سربنتينة السخن
و دا كدة معناها ان السربنتينة اتخرمت

ممكن تلاحظ بخار مياة من فتحات التكيف لما تشغلة و نقص فى مية القربة
لو اى من الاعراض دى موجودة يبقى الغى السربنتينة و ريح نفسك و الجو اصلا مش محتاج تكيف سخن

**M.Zaher** · 03-12-2010 07:07 PM

المشاركة الأصلية كتبت بواسطة sherif khalifa

مفيش مصدر للمياة فى الحتة دى غير سربنتينة السخن
و دا كدة معناها ان السربنتينة اتخرمت

ممكن تلاحظ بخار مياة من فتحات التكيف لما تشغلة و نقص فى مية القربة
لو اى من الاعراض دى موجودة يبقى الغى السربنتينة و ريح نفسك و الجو اصلا مش محتاج تكيف سخن

+111111111111

**khaledcp** · 03-12-2010 09:44 PM

الموضوع ده حصل معايا فى الصيف وكان سببه بعد بحث يوم كامل حوض المياه الى تحت سربنتينة التكيف وده بيخرج المياه عن طريق فتحة فى صدر العربية عبارة عن ماسورة صغيرة مستقيمة المياه تخرج منها ببطء وبترجع من اسفلها الى الداخل مره اخرى وتفضل تتخزن تحت الفرش والحل ان جبتلة خرطوم كاوتش صغير على شكل حرف ال حتى يعمل على عدم ارتداد المياه للحوض مره اخرى وانتهى الموضوع

**haimaN** · 03-12-2010 11:08 PM

عمل كده ولغيت السخن

**m.farouk** · 04-12-2010 05:15 PM

مفيش مصدر للمياة فى الحتة دى غير سربنتينة السخن
و دا كدة معناها ان السربنتينة اتخرمت

الغى السربنتينة و ريح نفسك ملهاش لزمة غير انى التكيف السخن مش هيشتغل بس

**osama.m** · 04-12-2010 11:55 PM

المشاركة الأصلية كتبت بواسطة elzl_mido

حضرتك هو ممكن من مواسير التكيف السخن وديها لواحد بتاع تكييف يسلك الماسورة و ترجع زى الاول
سؤال بعد اذنك هو الخشب ده فبريكة ولا جايبة استعمال؟؟

انا شاري العربية بالخشب دا فاحتمال كبير انه يكون متركب لان العربية مصري مش استيراد

ربنا يكرمكم يا شباب ان شاء الله في اسرع وقت هروح الغي سربنتينة السخن
الف شكر مرة تانية يا رجالة الدايو

**alaa_tawfik** · 20-12-2010 02:05 PM

يا جماعه انا لغيت سربنتينة السخن عندى لان شوفت الموقف ده مع واحد صاحبى و بصراحة كانت بهدله فقلت من الحرص انى الغيها خصوصا انى مش بستعمل دفاية اصلا وكانت النتيجة مذهلة لاحظت ان مياه الردياتير بطلت تصدى وبطلت تنقص حتى ولو نص كبايه فى الشهر وعلى فكرة سربنتينه السخن اول حاجة بتبوظ فى دورة المياه و كمان بتصدى بسرعة وبتنقل الصداء للردياتير و ربنا يكفيكو شرها

**nehad_h** · 21-12-2010 01:16 PM

نفس اللي حصل معايا بالظبط ،، ولغيت السخن بس مش عارف هنعمل ايه لما الازاز يشبر من جوه والمطرة بتمطر ؟؟؟

الموضوع: مشكلة مزعلاني من النوبيرا

LinkBack

أدوات الموضوع

عرض

مشكلة مزعلاني من النوبيرا - انشر الموضوع فى :

-

-

-

-

المواضيع المتشابهه

مشكلة اﻵت جر ف النوبيرا

مشكلة فى النوبيرا

مشكلة النوبيرا

مشكلة فى النوبيرا

كريستالتي... بس في حاجات صغيره مزعلاني

الكلمات الدلالية لهذا الموضوع

المفضلات

المفضلات

ضوابط المشاركة