حد من الاسكندرانية يفهمني يعني ايه الكلام ده عشان ماتجننش

**ehabradwan** · 23-03-2008 02:02 PM

يوم الخميس اللي فات روحت اسكندرية في الاجازة وفي منطقة سموحة الجميلة و تحديدا ورا موبينيل عند اكسيوم لقيت مكتوب ( مركز تجميل رجالي .. تصفيف شعر .. جاكوزي .. مانكيير .. بادكيير !!
)
يا جماعة حد يفهمني احنا وصلنا للدرجة دي . ياريت حد يرد عليه قبل ما تجنن

**pcegypt** · 23-03-2008 02:07 PM

المشاركة الأصلية كتبت بواسطة ehabradwan

يوم الخميس اللي فات روحت اسكندرية في الاجازة وفي منطقة سموحة الجميلة و تحديدا ورا موبينيل عند اكسيوم لقيت مكتوب ( مركز تجميل رجالي .. تصفيف شعر .. جاكوزي .. مانكيير .. بادكيير !!

)
يا جماعة حد يفهمني احنا وصلنا للدرجة دي . ياريت حد يرد عليه قبل ما تجنن

انا مش اسكندراني ، بس عايز اقول لك ان المسالة مش في اسكندرية بس لا دا في كل حتة ، اما من ناحية اننا وصلنا للدرجة دي فاحنا وصلنا للي العن من الدرجة دي - ما حدش لاقي رغيف العيش ابو شلن والناس بتموت بعض علية وناس بتعمل مانيكير وباديكير - وعجبي!!!!!!!!!!!!

تحياتي

**Noha.M** · 23-03-2008 02:10 PM

انت فاهم غلط بس
الفكرة انه بس بيظبط الضوافر و يشيل الجلد الميت و يقصها و يوضبها مش مانيكيور خالص :)

و بيعملو كتير هنا كمان فى القاهرة مش بس اليكس

**hamedo0** · 23-03-2008 02:15 PM

ولسه ياباشا ده فيه منتجات عنايه لبشرة الراجل شوفت بقي وصلنا لايه و لسه

**abdelaziz-waleed** · 23-03-2008 02:19 PM

المشاركة الأصلية كتبت بواسطة onna

انت فاهم غلط بس
الفكرة انه بس بيظبط الضوافر و يشيل الجلد الميت و يقصها و يوضبها مش مانيكيور خالص :)

ياه يا استاذة نهى يعني هو الراجل كدة فهم صح. ما هو ده اللي مجننه ان ممكن الرجالة تعمل كدة. مالها القصافة الصيني ام جنيه ونص يقص بيها ضوافره وخلاص لازم يعني يشيل الجلد الميت ولا شكله هايبقى وحش.
الناس مش لاقية تاكل ودول رايحين يعملو باديكير وتجميل. حقهم يعملو اللي هما عاوزينو ما هي فلوسهم وده رزقهم بس مش كدة ده كتييييييييييييير اوي اكيد الفلوس ديه مش تعبانين فيها

**goodwave** · 23-03-2008 02:24 PM

'طيب خد دي كمان.... وبيعملوا حمام مغربي للرجالة كمان..... وطبعا كلنا عارفين إن الحمام المغربي دة بتعملة العروسة قبل الزواج .... بس دلوقتي بقى للعريس والعروسة! وياعم القاهرة اساس الحاجات دية وأكتر بس إسكندرية علشان صغيرة الحاجات دية بتلاحظها بسهولة!

**Karim_Monir** · 23-03-2008 02:31 PM

احم دستور يا اهل الدار
بادي ايه وماني ايه
هما مادخلوش جيش ولا ايه
ااااااه
شكلهم لعبوة بلاي ستيشن
يا جماعة حررررام والله ده سفة
يعني تقبلنا انهم يعملو جلسان علاج طبيعي مع انها بتحفظات
لكن مانيكير وباديكير للرجالة لاء بقي
شوية شوية يصبغوا شعرهم ويعملوا ......
خلوني ساكت احسن

**Nile_Storm** · 23-03-2008 02:48 PM

حتي لو مدخلناش جيش
هوا الجيش بس اللي بيخلينا رجاله ولا ايه
.............. بلاش اكمل احسن اغلط
حسبي الله و نعم الوكيل في اللي بيحصل ده
اللي بيعمل كده مبيبقاش مكسوف علي دمه و رجولته انه يدخل مكان زي ده ادام الناس كده
يلا بكره اللي من النوعيه دي يلبسو جيبه