المشاركة الأصلية كتبت بواسطة mohmdomar
هاته انت بس يا باشا وانا هظبطك في الاعاب
ونبقي نبدل الاعاب مع بعض
بالنسبة للأنواع في نوعين
Slim
و
Fat
الاول بينزله هاردات 120 و 250 و 320
والتاني 40 و 60 و 80 و 160
بس بطل يتصنع
بس مازال موجود منه كمية في المخازن لحد الان
ولو نزلت العتبة حتلاقيه وارخص بكتير من ال Slim
الفروقات ما بينهم بقا ماعدا الهارد كالاتي
1- السليم بروسيسور معمول بنانو تكنولوجي اعلي فالبتالي بيستهلك طاقة اقل وبيسخن اقل وطبعا حجمه ووزنه اقل بكتير من الفات وعشان كدا اسمه سليم يعني رفيع
ودا هو الفرق الجوهري
انما الاتنين نفس الاداء بالظبط في الاعاب ونفس السرعة وكل حاجة
2- الفات فيه ميزه انه يقبل تسطيب بعض الانواع من اللينكس يعني ممكن تستخدمه زي الكمبيوتر بالظبط
انما السليم لغوا من الخاصية دي
الفات ممكن تلاقيه في العتبة ب 1750 النسخة ال 80 جيجا
والسليم بيبتدي من 2200 النسخة ال 250 جيجا
وممكن الاسعار دي تقل لو لقيت هاردات احجام اقل
انا بقا لو منك هجيب الفات وبفرق السعر هجيب هارد اكسترنل 1 تيرا واحط عليه الاعاب اللي هشغلها علي البلاي ستيشن
وخلي بالك ان العاب البلاي حاجمها كبير قوي وعادي لما تلاقي لعبة واحدة حاجمها 40 جيجا
يبقي التكلفة الاجمالية كالتالي
1750 الجهاز+ 150 الفلاشة+ 400 هارد تيرا= احسب انت بقا
ولو عايز تجيب دراع زيادة لأنه بيجي بدراع واحد زود 250 جنيه
وعلي فكرة هو بيشتغل عليه دراعات اليو اس بي بتاعة الكمبيوتر العادية
اي سؤال تاني تحت امرك ومنتظر ردك في القرار بتاعك حيكون ايه عشان لو لسة مقلق اقنعك زيادة :)
المفضلات