الحمد لله ربنا ستر

**yassin_samir** · 03-12-2010 05:45 PM

امبارىحلكنت و انا ماشى بالعربيه و بعد ما ربط العفشة و ما غيرت ماكينة الاستوب لتانى مرة مش عارف ايه
الحكاية بتاعه ماكينة الاستوب المهمم من يومين كان زراع النور كان معصلج فى القلاب المهم رحت حتيط شوية
زيت ماتور امبارح بقى ماشى و برعش راح الزراع معلق و مش عايز يرجع مكانة شوية و برضة النور العالى مش عايز يطفى شوية و شميت ريحة شياط روحت راكن على جنب وفكيت البطاريه على طول الحمد لله كان هيحصل نفس الموضوع يتاع العضو الللى التايلوة عندة ولع و اليوم اشتريت زراع جديد ب100 جند بعد الفصال الحمد لله على كل شى خدوا بالكوا لازم يكون معاكوا عدة للظروف بس ليا سوال هو انا لما حطيت زيت على الزراع ممكن يكون هو اللى عمل تلميس فى الريش النحاس اللى جوة الزراع هو السبب و الا اية

**ahmedsrs** · 03-12-2010 06:02 PM

حطيت زيت موتور ازاى من بره والعربية 2010 والزراع لحق عطل المفروض انها لسه فى الضمان

**yassin_samir** · 03-12-2010 10:35 PM

يمكن علشان استعمالى خفيف جدا للعربية مش عارف و الله نصيبه كدة ممكن تراب مش عارف

**yassin_samir** · 03-12-2010 10:39 PM

حطيت زيت علشان يلين الزراع و تبقى حركته سهلة و محدش رد عليا 22 مشاهدة و محدش رد غير الاخ الفاضل بس هو انا منبوز و الا اية

**bakkarahmed** · 04-12-2010 12:30 AM

معلش محدش بيحب يرد الا لو عارف يفيد ...
انا من رأيي انك طالما مغيرتش الوات بتاع اللمض الاصليه بلمض اعلي او طالما انك ما اضفتش احمال كهربيه بدون استعمال كتاوت يبقي لازم تكشف علي الضفيره بتاعتك عند حد فاهم كويس علشان لا قدر الله الغلطه فيها بفوره....

**karimfahmy99** · 04-12-2010 05:23 AM

الاخ الفاضل

اولا كان لازم تروح التوكيل يشوفوا مفتاح النور و يتغير فى الضمان . الزرجنة دى يعنى فى حاجة غلط فى نقط التلامس يعنى عيب مفتاح . و موضوع وضع زيت موتور ع المفتاح برضة يعتبر خطأ فى سبريات مخصوص لكدة مش زيت موتور و طبعا تصرفك كان سليم 100 % و فك الكابل كان احسن حاجة عملتها . قدر الله ما شاء فعل و الحمد لله على كل شئ

**M.Zaher** · 04-12-2010 12:43 PM

روح التوكيل يراجعوا على الضفيره و اتاكد من الفيوزات

**yassin_samir** · 04-12-2010 12:53 PM

شاكر جدالكل الاعضاء الافاضل وهحاول اروح التوكيل

**A.Saad** · 04-12-2010 05:47 PM

المشاركة الأصلية كتبت بواسطة karimfahmy99

الاخ الفاضل

اولا كان لازم تروح التوكيل يشوفوا مفتاح النور و يتغير فى الضمان . الزرجنة دى يعنى فى حاجة غلط فى نقط التلامس يعنى عيب مفتاح . و موضوع وضع زيت موتور ع المفتاح برضة يعتبر خطأ فى سبريات مخصوص لكدة مش زيت موتور و طبعا تصرفك كان سليم 100 % و فك الكابل كان احسن حاجة عملتها . قدر الله ما شاء فعل و الحمد لله على كل شئ

+++++++++111111111