طلب مشورة من رجاله قسم فيات ( بخصوص فيات برافو)

**A7mad_Nabil** · 03-12-2010 06:31 PM

أنا طالب المشورة من رجالة قسم فيات عامةً ومن مالكي الفيات برافو خاصةً..
في البداية أنا عضو مش جديد أوي في nilemotors بس مشاركتي كانت قليلة بس ده كان إجباري لأني لسة معيش عربية بتاعتي ومليش خبرات في عربيات كتير ، وربنا يوفقني وأقدر أفيد الناس في المستقبل بالي ينفعهم وأكون واثق منه إن شاء الله.

أنا إن شاء الله ناوي أجيب عربية جديدة وكنت شبه مستقر على فيات برافو وكنت مستني بس ظروف معينة تخلص وأخلص فيها من عند أي موزع معتمد.
قريت عنها كتير أوي على النت ومالقيتش شكاوي منها في أي حتة - على قد ما دورت - و اقتنعت بالعربية ..
لكن قريت امبارح عن موضوع للعضو dodger وهو معاه فيات برافو ال-120 حصان وكان في شكاوي من العربية والي فهمته انها تاعباه شوية ، بس إلي أنا مش عارفه هل دي مشكلة فردية في عربيته ولا مشكلة عامة في موديلات فيات ، لأني مستغرب لأن المفروض إن البرافو هي الحصان الرابح لفيات من فترة أو على الأقل من العربيات إلي الشركة اهتمت بيها الفترة إلي فاتت لتحقيق مبيعات خصوصاً في أوروبا ، والحمد لله الناس في المنتدى معها عربيات فيات جديدة ومكنش فيها شكاوي تذكر..
فمعلش أنا طالب المشورة ووجهة نظرهم في العربية ون كان في مشاكل في العربية دي من أعضاء قسم فيات و أسف على التطويل وشكراً مقدماً ..

**MNabeih** · 03-12-2010 07:09 PM

بص في بردو حاجة خاليها في دماغك ان اللي عنده مشكلة عادة هو اللي بيعمل موضوع, في حين ان في ناس كتير ما عندهاش مشاكل في عربياتها و مش هايعمل موضوع يقول فيه الله علي عربيتي غير قليل اوي.
انا الحمد لله معايا لينيا و ما شاء الله عليها, جميلة
و كنت بفكر جديا اني ابيعها و اجيب برافو, بس الظروف حاليا ما تسمحش.
في رايي, فيات منزلة عربيات قوية جدا و ما بتهزرش.
مواتير و ثبات و تكنولوجيا و امااااااان و فرامل و تصميم خارجى(يهوس) و داخلي(تحفة)

**abdo_kmal** · 03-12-2010 08:04 PM

شوف يا باشا …واللهِ أنا كنت محتار أكتب الرد ده هنا ولا في الموضوع بتاع الأخ dodger ... أنا حابب انقلك تجربتي مع العربية حتى الآن ...أنا معايا pkg 5 وعاملة معايا دلوقتي 5000 كيلو ..... وأنا حتى الآن راضي تماما عنها والحمدلله .... بالنسبة للموتور بسم الله ما شاء الله سحبه رائع و الجير بوكس dual logic بصراحة مبسوط منه جدا ومفيش فيه مشاكل الحمدلله ..... تقفيل ممتاز كماليات و تكنولوجيا ممتازة فرامل قوية و استجابتها جيده و ثبات رائع على الطريق .... وعمري ماسمعت فيها أصوات تخبيط ولا تزيء ..بس فيبعض الأحيان كنت بسمع صوت الفرامل بسبيبقى ضعيف قويوحصلت مرة ولا إتنين.....المشكلة الوحيدة اللي واجهتني كانت إن الفلاشة كانت ساعات بتستجيب ببطء شوية .... بس ده عشان هي كانت مساحتها كبيرة 8 جيجا .... بالنسبة للتوكيل أنا داخل أهوه على صيانة ال 5000 ... وربنا يستر عشان أنا سامع عنه كلام مش تمام

**MNabeih** · 03-12-2010 08:11 PM

المشاركة الأصلية كتبت بواسطة abdo_kmal

شوف يا باشا …واللهِ أنا كنت محتار أكتب الرد ده هنا ولا في الموضوع بتاع الأخ dodger ... أنا حابب انقلك تجربتي مع العربية حتى الآن ...أنا معايا pkg 5 وعاملة معايا دلوقتي 5000 كيلو ..... وأنا حتى الآن راضي تماما عنها والحمدلله .... بالنسبة للموتور بسم الله ما شاء الله سحبه رائع و الجير بوكس dual logic بصراحة مبسوط منه جدا ومفيش فيه مشاكل الحمدلله ..... تقفيل ممتاز كماليات و تكنولوجيا ممتازة فرامل قوية و استجابتها جيده و ثبات رائع على الطريق .... وعمري ماسمعت فيها أصوات تخبيط ولا تزيء ..بس فيبعض الأحيان كنت بسمع صوت الفرامل بسبيبقى ضعيف قويوحصلت مرة ولا إتنين.....المشكلة الوحيدة اللي واجهتني كانت إن الفلاشة كانت ساعات بتستجيب ببطء شوية .... بس ده عشان هي كانت مساحتها كبيرة 8 جيجا .... بالنسبة للتوكيل أنا داخل أهوه على صيانة ال 5000 ... وربنا يستر عشان أنا سامع عنه كلام مش تمام

انا عامل صيانة العشرين و ما شاء الله كل الصيانات كان التوكيل معايا, محترم جدا و رحت صيانة ال20 من غير حجز بس روحت بدري و دخلوني و خلصت في ساعتين زمن من ساعة ما استلم العربية

**A7mad_Nabil** · 03-12-2010 08:23 PM

أستاذ MNabeih فعلاً كلام حضرتك منطقي جداً ، بس حضرتك عارف طبعاً القلق إلي قبل أول عربية ده بيبقى عمل ازاي خصوصاً كمان انها إختياري 100% ، في مشكلة لا قدر الله هتبقى في وشي قدام أهلي طبعاً ، وإن شاء الله صلاه الاستخارة قبل كل حاجة وربنا يقدم إلي فيه الخير ، و يا رب يبارك لحضرتك في عربيتك ويكفيك شرها وإن شاء الله تجيب البرافو وأحسن منها كمان .

المشاركة الأصلية كتبت بواسطة abdo_kmal

شوف يا باشا …واللهِ أنا كنت محتار أكتب الرد ده هنا ولا في الموضوع بتاع الأخ dodger ... أنا حابب انقلك تجربتي مع العربية حتى الآن ...أنا معايا pkg 5 وعاملة معايا دلوقتي 5000 كيلو ..... وأنا حتى الآن راضي تماما عنها والحمدلله .... بالنسبة للموتور بسم الله ما شاء الله سحبه رائع و الجير بوكس dual logic بصراحة مبسوط منه جدا ومفيش فيه مشاكل الحمدلله ..... تقفيل ممتاز كماليات و تكنولوجيا ممتازة فرامل قوية و استجابتها جيده و ثبات رائع على الطريق .... وعمري ماسمعت فيها أصوات تخبيط ولا تزيء ..بس فيبعض الأحيان كنت بسمع صوت الفرامل بسبيبقى ضعيف قويوحصلت مرة ولا إتنين.....المشكلة الوحيدة اللي واجهتني كانت إن الفلاشة كانت ساعات بتستجيب ببطء شوية .... بس ده عشان هي كانت مساحتها كبيرة 8 جيجا .... بالنسبة للتوكيل أنا داخل أهوه على صيانة ال 5000 ... وربنا يستر عشان أنا سامع عنه كلام مش تمام

abdo_kmal ربنا يطمن قلبك وإن شاء الله خير في الصيانة وياريت حضرتك تبقى تحكيلنا عن إلي بيتم في الصيانة خصوصاً اني شايف حضرتك من اسكندرية ومعرفش بصراحة أي معلومات عن الصيانة هناك بس إن شاء الله خير وألف شكر ، ويا ريت طبعاً الأخ dodger يوصله الكلام ده ويتابع مشكلته ويا رب تكون المشكلة عنده حلها أسهل من ما يتوقع..

**dodger111** · 03-12-2010 09:17 PM

بص يا احمد العربية فيها مميزات كويسة اوى وانا مقتنع بالعربية ولو بعتها ممكن اجبها تانى المشاكل اللى عندى مش فى عربيتى بس انا لقيت كذا واحد من اللى جاب براافو اشتكى من نفس المشاكل..عربيتى اول category فممكن متكنش ثابتة شوية عشان مفهاش جنوط..فعشان اوضحلك الصورة اكتر العربية كويسة اوى كقوة موتور و صاج ناشف..لاكن فى شوية حجات صغيرة كدا ممكن انت متركزش فيها زى الاصوات مثلا...عربيتى انا جايبها من 7 شهور وظهرت مشاكل سخيفة..فانا مش عاوز اخليك تغير رايك فى العربية انا بس بوضحلك اللى فيها

**mego_100** · 04-12-2010 05:23 AM

العربية ممتازة معايا من حوالى 3 شهور و مفيش اى مشاكل

**A7mad_Nabil** · 04-12-2010 03:11 PM

dodger111 , mego_100

ربنا يطمن قلبكوا وإدعولي اجبها ويكون فيها الخير لي يا رب وألف شكر على المساعدة .

**Formulator** · 05-12-2010 01:37 PM

العربية معايا بقالها سنة و نص (من 7-2010) 120 T-Jet Pk2

العيب الوحيد اللى ظهر فى العربية: زرار ال ECO كان بيعلق !!!!
التوكيل فكوا وش ال Gear-Stick و نضفوه من التراب.......و شكرا على كده

اما بخصوص الأخ Dodger اللى شاف منظر عربيته هتصعب عليه من الأهمال الشديد
و انا هارد عليه فى الموضوع بتاعه (علشان هو بيبمبك و ما فكرش ان حد ممكن يكون شاف عربيته اللى بقت 133)