-
صوت الموتور
عندى عربية بيجو 405 مو 91 رحت للميكانيكى علشان ينضفلى الكربراتير
أولا: ساب العربية حوالى نص ساعة بس و بعد كده فكه و نضفه
بعد لما نضفه لقيت صوت العربية بقى عالى زى الجرار و لما سألته قالى ان العربية فيها سخان فهو ده اللى معلى صوتها:I_angr1[1]:
فطبعا أنا اتخذت قرار انى مش رايحله تانى
بس كنت عايز أعرف منكم الصوت العالى ده من ايه؟ و لو ينفع صوتها يوطى شوية يبقى ازاى؟:36_1_31:
وشكرا
-
السلام عليكم مساء الخير بسيطه ياباشا ماتقلقش
هو سابها نص ساعة عشان تبرد ويعرف يفكه من غير مايتلسع كمان عشان ينزل المية لو كان فيه تبريد ميه مع المانفولد احتمال يكون الميكانيكي كويس بس مش محترف يارب مايكنش قعد ينظف بالتسليك بسلك والكلام التعبان بتاع الصنايعيه عشان دا بيبوظ الفونيات و الابر من جوا
اولا انت الموتور بتاعك كام سي سي
انت عندك كربراتير 2 باب صح ؟؟؟؟؟؟؟؟
معلومة لك الشفاط او السخان بيعلي صوت الموتور ودا بيكون لفترة مؤقتة لغاية مايفصل سواء كان كهربا او اتوماتك او يدوي ودا شي طبيعي الصوت العالي مع الشفاط .
انت نضفت الكربراتير ليه ؟؟؟؟؟كان فيه مشاكل؟؟؟؟ ممكن تقولها ...
عموما لو المشكله في الكربراتير فاعتقادي انه مش زابط اعدادت مسامير السلانسيه وخلط الوقود اللي بيسموها بيكات او بيجات او بك ولو كان كربراتيرك اتنين باب ممكن مايكنش مزبط التزامن بتاع فتح البوابة التانيه بصراحة حضرتك مش موضح اعراض العيب في ايه بالزبط غير قصة الصوت العالى لو الكربراتير بتاعك ممكن يكون خراطيم الفاكيوم متوصلة بشكل خطا حضرتك انا عندي المانوال بتاع الكربراتير 2 باب ممكن اساعدك فيه لو في مشكلة
بص ياباشا لو الصوت العالي في اول الدوارة او لما تكون العربية بارده دا تاثير الشفاط او السخان ولو كان عندك عداد ار بي ام هتلاقيه بيزيد في الدواره ويقل لما السخان يفصل
ولو الصوت العالي مستمر مع ملاحظتك لعداد الار بي ام بيكون اعلى من قبل شغل الميكانيكي يبقى دا عيب شغل الصنايعي
-
لو صوت السلانسيه من غير شفاط عالي ممكن تقلل صوت الموتور عن طريق انك توطي مسمار اللانسيه ربع او نص لفه بالمفك لو محتاجة اكتر شوف على حسب ايه اللي عندك
-
العربية 1600 سى سى و كمان الصوت العالى بسمعه لما بدوس بنزين
وأنا كنت نضفت الكربراتير علشان العربية كانت مكتومة , وكمان قبل لما أنضفها كان صوتها عادى خالص , وبعدين متهيألى إن نص ساعة مش كفاية ان العربية يبرد.(للعلم أنا معنديش rpm)
-
السلام عليكم...أنا أسف إنى أقول لحضرتك إنه ميكانيكى مش كويس خالص..لأن فك كربيراتير قبل 6 ساعات من إيقاف المحرك يسبب تقوس القاعدة ودى أنا مجربها فى 3 عربيات قبل كدا...حضرتك حلولك إن القاعدة تتفك ويركب لها جوانات أتخن قليلا من العادى والقاعدة تتحك برفق جدا...أو أحسن حضرتك تشترى واحد جديد...هو الناس بتقول إستيراد بس أنا بأغير بجديد كل 60000كم...كل تمنياتى لحضرتك بالتوفيق
-
أنا كنت قاعد مع نفسي بفتكر موضوع الكربراتير لقيت ان فى حاجة غلط.
لقيت ان بعد لما الميكانيكى نضف الكربراتير العربية كانت كويسة و قعدت معايا شوية حلوين(حوالى شهر) زى الفل و بعدين أنا لاحظت الصوت العالى ده تقريبا تالت يوم العيد فمش عارف ممكن ده يكون من ايه
بس الصوت ده مش بيبان غير لما أدوس بنزين
-
أرجو سرعة الرد اخوانى الكرام لأنى جديد فى موضوع العربيات و الموضوع ده قالقنى جدا خصوصا إنى لسه متعور فى مبلغ محترم و بدأت أزهق من العربية لدرجة إنى ساعات ببقى مش عايز أخرج بيها أو أسوقها
Content Relevant URLs by
vBSEO 3.6.0 PL2