الموضوع: تجربتي مع Fsv بعد حوالي اكتر من شهرين وحوالي 3000 كم

السلام عليكم يا شباب
انا حبيت اقول رايي في العربية بعد تجربتها وانقلكم انطباعاتي السلبية والايجابية
مش عارف ابدا باية بس علشان المتعصبين نبدا بالسلبية
1- اول حاجة لاحظتها ان انت بتحس في الطارة "الدركسيون" بكل هزة وكل طوبة ولوحصوة علي الرض وكمان لما تفرمل علي سرعات علية تحس بهزة خفيفة قوي في الطارة
2- سعات المفتاح الزكي بيبقي غبي هههههههههه ومش بيفتح الشنة رغم ان لما بضغط علي مفتاح الشنطة بيعطي اشارة في الريموت بس ميفتحش ولوفتحت الشنطة من الريموت يفتح بس فتاح الشنطة لا
ممكن لو فتحت الكنتاكت وقفلتة تشتغل زي الفل تاني
3- مؤشر البنزين بيتحرك علي دفعات يعني ممكن تمشي كتيييير وميتحركش ومرة واحدة تلاقية نزل حتة كبيرة
4- موضوع الحرارة ممكن برة يكون كويس لان الحرارة عندة في الجو اقل من عندنا بس هنا لازم يتظبط لان التوكيل قالي انهم مظبطين عمل المروحة عند 97 تقريبا يعنيهتشتغل قبل ما المية تغلي ههههههههه
5- لمبة الباب الي بتطفي لو قافل الباب نص قفلة وميعطيش اي صوت لزم انت بقي تركز وتبص علي لمبة التابلوة
6- عدم وجود دلايات في العربية ودي مشكلة بتخلي البابين عندي يتوسخو بسرة جدا من العجل بس
7- قفل الابواب بلاستك والعروة بلاستك لما بتتهز بتحسسك ان في حاجة سايبة في الباب من جوة بس دا صوت قفل الباب
8- الاجزاء الفضي الي جوة رديئه للغاية وممكن تتاشر وتتخربش بسرعة جدا كان المفروض تكون افضل من كدا الفضي في الانوس احسن منها بكتييييييييييييييير وصعب حتي خدشة
9- الخامات الداخلية مش قد كدا كان ممكن العربية تغلي شوية والخامات تكون احسن كانت هتبقي ملهاش حل لان تصميم المقصورة راااااائعة
10- الزجاج عند الفتح تحس انه لازق في الباب من فوق مش عارف يمكن علشان انا مش بفتح الزجاج كتير
كفاية كدا
ههههههههههههه

المزايا:
1- ثبات ولا اروع علي الطريق رغم السرعات العالية
2- فرامل رااااااااااائعة وقوية
3.- عفشة رياضية بحتة ناشفة جدا ميزة وعيب بس ميزة اكتر
4- تسارع رياضي وتعجمع بين المانيول وسهولة الاوتومتك
5- استهلاك بنزين معتدل عن غيرها مقارنة بالالنترا
6- طبعا المفتاح الزكي الفريد من نوعة لهذة الفئة فقط من طرازات بريلينس الحالية
7- الكاسيت والصوت رائع بعكس ما كان بيقول بعض الاعضاء
8- شنطة بحر وتصميم خارجي ممتاز ورياضي
9- صالون مريح جدا و وفرش ممتاز مثل الانترا قماش
10- صوت موتور رياضي بحبة جدا في الجري ههههههههههههه وعلي فكرة دا نفس موتور النسر البوما الجديدة الستب ترونك بس متصنع في الصين من شركة ليها تاريخ وخبرة كبيرة في المجال دا

من كل قلبي اقدر اقول انها افضل اختيار في الثمن دا بلا منافس ماعتقدش اني افكر اغير غير لعربية اعلا لا تقل عن 140 الف علشان احس بفرق

وعلي فكرة العربية موديل تقليد للالماني في التعليق والعفشة وكل شيء مع التكنولوجيا اليباني يعني مكس عجبني عيبها الوحيد انها عليها علامة بريلينس لو عليها علامة تانية مكنتش عمرها تقل عن 100 الف

واي اضافات سؤاء للنقاط الايجابية او السلبية ياريت نضيفها ونخلي الموضوع دا للنقاط الايجابية والسلبية للfsv ولكم مني كل التقدير و الاحترام