5 ساعات عصيبة علي الطريق (تقرير بالصور)

**M.Nasr** · 03-12-2010 09:02 PM

الحمد لله على سلامتك وعدت على خير بس احنا لازم نبقى متفقين ان السواقة فى الشبورة الكثيفة دى خطرة جدا بالذات على طريق السفر بس للضرورة احكام وطبعا فى الاخر ربنا هو اللى يحمينا ويسترها معانا

**AmatoALLAH** · 03-12-2010 09:50 PM

الحمد لله علي سلامتك

مكن اعرف احسن وقت اسافر فيه لتجنب الشبورة

لان لازم ان شاء الله نسافر الاسبوع القادم الاسكندرية و انا اللي هسوق و قلقت لما شفت الصور

**M.Nasr** · 03-12-2010 10:11 PM

المشاركة الأصلية كتبت بواسطة amatoallah

الحمد لله علي سلامتك

مكن اعرف احسن وقت اسافر فيه لتجنب الشبورة

لان لازم ان شاء الله نسافر الاسبوع القادم الاسكندرية و انا اللي هسوق و قلقت لما شفت الصور

اعتقد احسن وقت هو قبل الظهر يعنى مثلا على 10 11 بتكون الرؤية كويسة جدا والشمس بتيجى فوق دماغنا لو فى الحر هتبقى متعبة اوى بس مع التكييف مش هتفرق ولو بتحبى الجرى خلى بالك بردو من الردارات واللجان عشان بيبقو شادين حيلهم اكتر فى الفترة دى .
انا بصراحة بعشق طريق اسكندرية بالليل ودايما كنت بطلع بعد 12 بالليل بس اليومين دول عشان الشبورة والتحويلات يبقى بالنهار احسن طبعا وان شاء الله تروحى وترجعى بالسلامة وربنا يحفظك

**Nistelrooy** · 03-12-2010 11:23 PM

الف حمدلله ع السلامة ..

**amir** · 03-12-2010 11:28 PM

الف حمد لله علي سلامتك يا باشا و الله ليك وحشه

انا حسيت بكل كلمه انت بتقولها لأن غير موضوع الشبوره مره كنت علي طريق السويس الساعه 9 الصبح و الدنيا ضلمت بعاصفه رمليه و مكنتش شايف كبوت العربيه

ربنا يحفظ طريقنا و يكفينا من كل شر

**M.Mostafa80** · 03-12-2010 11:48 PM

مريت بأحساسك وانا مسافر قبل العيد مطروح وكان اسواء من اللى فى الصوره دى كمان لأنى كنت على طريق الساحلى الدولى من الأسكندريه لمطروح وكان فى منطقه من سيدى عبد الرحمن للضبعه ولحد ما وصلت فوكه كمان كانت سيئه جدا ومبدأتش تخف الا لما وصلت راس الحكمه
الخلاصه اللى انا طلعت بيها هى التأنى الألتزام بخط المنتصف بالطريق
الألتزام بتشغيل اضواء الأنتظار الأعتماد على فوانيس الشبوره فقط العاديه لا تصلح
السير فى مجموعات وعدم المجاذفه بلسير اذا انعدمت الرؤيه حيث قد وصل انعدام الرؤيه يومها الى نصف متر فقط وهذا خطر جدا
وساعتها ركنت بجانب الطريق وخرجت تماما من حرم الطريق اى خارج الخط الأبيض من يمين الطريق
وفى الأول وفى الأخر ربنا هو الستار والرؤوف بحالنا وبردو عايز اقول اللى مكتبلو حاجه هيشوفها ولكن مش معنا كدا اننا نرمى بأنفسنا بالتهلكه
ألف حمد الله على السلامه يابشمهندس سمير

**sarawe511** · 04-12-2010 03:14 AM

حمد الله ع السلامة يا بشمهندس بس حضرتك كدة قلقتني لاني مسافر بكرة الاسكندرية ان شاء الله الساعة 6 صباحا و ربنا يسترها معانا جميعا

**pro_samir** · 04-12-2010 03:58 AM

حمد الله علي السلامه يا بشمهندس

بس الصور كده الرؤيه تمام قوي :)

اخر مره اتدبست فيها الاسبوع ده كنت يدوب ببقي شايف قطعه واحده من الخط المتقطع ولما اعدي فوقيها مببقاش شايف حاجه لحد اما اللي بعدها تيجي ، وفي اوقات مكنتش ببقي شايف الخط أصلا من الشبوره خصوصا لو مكان ضلمه

امبارح الساعه 3 بالليل والله وانا مروح كنت داخل علي التقاطع بتاع شارعنا ومش شايف الشارع أصلا ، بقيت ماشي احسس جنب العربيات اللي راكنه لاقيتها بتلف عرفت ان ده الملف بتاع التقاطع

ربنا يستر طريقنا جميعا

المشاركة الأصلية كتبت بواسطة m.mostafa80

وساعتها ركنت بجانب الطريق وخرجت تماما من حرم الطريق اى خارج الخط الأبيض من يمين الطريق

خطر انك تركن في الشبوره لأن اللي ماشي بيبقي بيدور علي اي حاجه تدل علي الطريق خصوصا لو كانت عربيه ، يعني كان ممكن لا قدر الله حد يشوفك يفتكرك علي الطريق وييجي وراك يتفاجأ انك واقف

كمان عموما بالنسبه للأعتماد علي الخط في بعض الطرق الخط ده بيكون مش ماشي مع الطريق زي طريق السويس اخر مره مشيت فيه كل شويه تلاقي الخط رايح ناحيه الرمل وبعدها تلاقي خط تاني وهكذا لازم تبقي متابع مع حرف الأسفلت ولو في عواميد منوره الا لو عارف الطريق ومتأكد ان الخط مظبوط

-

-

الموضوع: 5 ساعات عصيبة علي الطريق (تقرير بالصور)

LinkBack

أدوات الموضوع

عرض

-

-

-

-

-

المواضيع المتشابهه

بالصور -حادث مريع على الطريق الداري - شاهد عيان

مشكلة عصيبة فتكهات الدوجان

بالصور-حريق في عمارة مجاورة للسفارة الأمريكية اليوم يغلق الطريق حولها

صور من طريق فايد اليوم و رحلة عصيبة - صور + استفسار

لمبة الزيت بتنور ساعات و ساعات لا

الكلمات الدلالية لهذا الموضوع

المفضلات

المفضلات

ضوابط المشاركة