5 ساعات عصيبة علي الطريق (تقرير بالصور)

**tutankhamoun** · 05-12-2010 06:26 PM

لا يمكن القيادة في تلك الظروف
ده أنتحار يا باشمهندس و اديك شوفت بتاع الجيتز عمل أيه لماعمل فيها عم المستعجل (زي أغلب الناس على الطريق )

بصراحة كنت مرة على طريق مصر أسكندرية و برضه متوجه من القاهرة إلى الأسكندرية
و الرؤية كانت كويسة لغاية بعد بوابة اللقاهرة

بعدها الرؤية أصبحت سيئة جدا

ركنت في الرمل بعيد عن الطريق و بعيد عن المنحنيات (علشان فيه أغبياء بيركنوا في المنحنيات )

ووقفت حوالي ساعتين لغاية ما الرؤية أصبحت أفضل و بعدين كملت

الروح غالية و عاملة زي عود الكبريت ...... بيولع مرة واحدة

**M.Mostafa80** · 05-12-2010 06:35 PM

المشاركة الأصلية كتبت بواسطة pro_samir

حمد الله علي السلامه يا بشمهندس

بس الصور كده الرؤيه تمام قوي :)

اخر مره اتدبست فيها الاسبوع ده كنت يدوب ببقي شايف قطعه واحده من الخط المتقطع ولما اعدي فوقيها مببقاش شايف حاجه لحد اما اللي بعدها تيجي ، وفي اوقات مكنتش ببقي شايف الخط أصلا من الشبوره خصوصا لو مكان ضلمه

امبارح الساعه 3 بالليل والله وانا مروح كنت داخل علي التقاطع بتاع شارعنا ومش شايف الشارع أصلا ، بقيت ماشي احسس جنب العربيات اللي راكنه لاقيتها بتلف عرفت ان ده الملف بتاع التقاطع

ربنا يستر طريقنا جميعا

خطر انك تركن في الشبوره لأن اللي ماشي بيبقي بيدور علي اي حاجه تدل علي الطريق خصوصا لو كانت عربيه ، يعني كان ممكن لا قدر الله حد يشوفك يفتكرك علي الطريق وييجي وراك يتفاجأ انك واقف معلش نسيت ازودلك انك تطفى كل انوارك

كمان عموما بالنسبه للأعتماد علي الخط في بعض الطرق الخط ده بيكون مش ماشي مع الطريق زي طريق السويس اخر مره مشيت فيه كل شويه تلاقي الخط رايح ناحيه الرمل وبعدها تلاقي خط تاني وهكذا لازم تبقي متابع مع حرف الأسفلت ولو في عواميد منوره الا لو عارف الطريق ومتأكد ان الخط مظبوط

**hossam165** · 05-12-2010 07:01 PM

الف حمدالله علي السلامة يا هندسة
ومتعملش كده تاني الحياة مش لعبة

**dr_abooody** · 05-12-2010 09:44 PM

حمد للع على سلامتك يا باشا انا كنت راجع بردة في نفساليوم الساعة 9 مساء كنت في منتصف الطريق و لقيت كتل ضباب رهيبة عمالة بتنزل كنت ماشي على 100 قانوني روحت جبت 180 عشان الحق اروح قبل ما الضباب يزيد و يبقى مخالفة ردار اهون من اني امشي في الضباب

و حمدلع على سلامتك مرة تانية و الواحدالاحسن يمشي بالنهار عشان الضباب دة خطر جداااااااا