أفضل شاشة للكمبيوتر علشان عينى خالص

**Eslam.Elrefaey** · 03-12-2010 07:18 PM

من فتره كده وانا عايز اغير الشاشة بتاعة الكمبيوتر الى عندى الفلات الكبيرة القديمة دى علشان الواحد بقا بيقعد كتير على الكمبيوتر ونظرى كده هيضيع مع مرور الزمن فعايز واحدة جديدة ايه رايكم عايز واحدة تكون نضيفة كده بس فى استفسار هل هيبقى فى فرق بينها وبين الى عندى من حيث انها متضعفش النظر ؟

**mohamedrabia** · 03-12-2010 07:35 PM

اكيد هيكون فيه فرق كبير جرب lcd نوع كويس زي سامسونج او ال جي

**midoabdeen** · 03-12-2010 08:15 PM

والهى يا باشا الموضوع دا على حسب الامكانيات ياعنى فى شاشات اللى هى زى اللى عندك ودى دلوقتى مالهاش اقبال اوى نظرا للاقبال على ال lcd
لو امكانيات حضرتك كبيرة شويتين .......ثلالثة كدة فى الشاشات الكريستال دى اخر حاجة موجودة فى السوق اعلى اداء والوان وتفاصيل ياعنى من الاخر هى الاحسن انما اسعارها غالية شوية
انما ال lcd متوفرة واسعارها فى متناول الايدى انا كنت زيك كدة ونزلت جبت شاشة lcd hp 17" مستعمل وارد الخرج كانت ب 500 وكمان هيدروليك ياعنى بتتحرك فى جميع الاتجاهات وال 19" ساعتها كانت ب 550 بس انا عجبتنى ال17" اكتر
انزل البستان او السخاوى او مول كوين الحاجات دى هناك كتير ونصيحة ماتخدش قرار بالشراء الا لما تشوف كل حاجة لان الحاجات دى بنشتريها مرة واحدة كل كاااااااام سنة
وربنا يوفقك وعن تجربة الفرق شاسع هاتلاقى فرق فى الالوان وكل حاجة وعينيك مش هاتتعبك حتى لو قعدت 24 قدام الكمبيوتر

**eng_ahmedryad** · 03-12-2010 08:18 PM

خليك في السامسونج LCD 19" wide

**amir** · 03-12-2010 08:22 PM

الشاشات العاديه بتاعه الكمبيوتر زمان كانت شاشات CRT زيها زي التلفزيونات القديمه و بتعتمد التكنولوجيا دي علي اسقاط موجات سالبه بفرق جهد كهربي عالي جدا لانتاج الصوره
و علشان كده زمان كان السكرين سيفر مهم لأنك لو سبت الشاشه علي صوره ثابته الشاشه هتتحرق و الناتج ان الصوره اللي كانت ثابته عليها هتفضل هي الصوره الوحيده الظاهره

تكنولوجيا ال LCD هي المناسبه ليك و انا اشتريت شاشه lcd من زمان اول ما نزلت لنفس السبب بتاعك ده عيني بقت خلاص
عايز ابشرك ان الشاشه ال lcd عامله و كأنك بتتفرج علي صوره علي الحيطه مفيش اي اشعاع خارج منها بس في الاول هتلاقي نفسك بتدوخ شويه و انت قاعد تقرا فيها بس عينك تاخد عليها شويه و خلاص
اسعارها قلت عن الاول بكتييييير و حاليا في من اول 500 تجيبلك حاجه حلوه بس نصيحه خليك في الماركات زي samsung acer viewsonic و باقي ماركات الشاشات المعروفه و بلاش الماركات المجهوله عن تجربه

**A.Saad** · 03-12-2010 09:23 PM

**Eslam.Elrefaey** · 03-12-2010 10:19 PM

شكرا لكل الى رد بس انا مطلبى واحد بس ان انا ملبسش نظارة ونظرى ميضعفش فانهى نوع منهم يعمل كده علشان عينى اما موضوع الفلوس معاك لما ل1000 و كسر مثلا ده اخرى اوى