الموضوع: دليل شامل عن الادا بواسطة اسئلة الاعضاء واجاباتهم --نرجو الاهتمام من الاعضاء والتقييم

السيارة تخرج دخانة سوداء كثيفة عند تزود بنزين ؟؟
الحل:فك البيكات وتنظيفها ..
ولو ظلت المشكلة يبقى الكربراتير مليان طينة وبحاجة الى التنظيف عند متخصص او عند ميكانينكى ولكن يفضل انه يكون بيشتغل فى الادا لانها ستحتاج الى ظبط كهرباء وهواء بعد فك الكربراتير وتركيبه ولكنها عملية بسيطة تتكلف ساعة بلكثير و لن تخرج السيارة ادنى دخانة بعدها....

بسام,,,,,,,,,

يـــا مساء الفل يا بسام ... اكيد الموضوع ده مهم جدا و انشاء الله هنتواصل في حلول المشاكل الي تقابلنا (ربنا ما يكترها)

و اتمنى من الجميع المشاركة في عرض مشاكلهم او حتى مشاكلهم وحلولها الي عملوها او عملهالهم احد المتخصصين لتعم الفائدة


وتحية كمان مرة للأستاذ المحترم بــــسام

صعوبة الدوارة فى الصباح؟؟
الحل : تغير الابلاتين فى الحال وظبط كهربة الاسبراتير ويفضل دائما انه يكون بيعمل فى الادا ورفع الار بى ام الى 7 او 8 تحت العشرة والتاكد من صلاحية البوجيهات لان البوجيهات والابلاتين هم العاملان الرئيسيان فى الدوارة فى الصباح....

بسام,,,,,,,,,

رعشة فى السيارة وهى على السلانسيه ؟؟

الحل: ظبط الكهربة من الاسبراتير ورفع الار بى ام الى 7 او 8 تحت العشرة وايضا تنظيف البيكات وهذه العملية لن تستغرق 20 دقيقة وستكون السيارة مظبوطة على السلانسيه جدا..
ويفضل عند ميكانيكى بيعمل فى الادا ...

بسام,,,,,,,

المشاركة الأصلية كتبت بواسطة thediesel

يـــا مساء الفل يا بسام ... اكيد الموضوع ده مهم جدا و ان شاء الله هنتواصل في حلول المشاكل الي تقابلنا (ربنا ما يكترها)

و اتمنى من الجميع المشاركة في عرض مشاكلهم او حتى مشاكلهم وحلولها الي عملوها او عملهالهم احد المتخصصين لتعم الفائدة


وتحية كمان مرة للأستاذ المحترم بــــسام

يا مساء احلى نور عليك يا استاذ ديزل واتمنى ان تكون فى صحة وعافية وربنا يباركلنا فيك ويخليك للمنتدى و تزودنا بمعرفتك والمشاكل اللى قابلتك وحلولها ويارب تعم الفائدة وينشط المنتدى من جديد..

بسام,,,,,,,,

سحب السيارة ضعيف ؟؟
الحل:تغير البوجيهات ويفضل بنوع (ngk) وسعره 25 و30 جنيه وهو من انضف الانواع التى تركب على الادا ويجب ظبط الكهربا بعد تغيرها ...

بسام,,,,,,,,

(للعربيات 2107 موديلات 2008--2011)

لو حسيت ان في مشكلة مع الفرامل (ضعفت شوية) و حسيت ان الدبرياج بقى مش متظبط .. ضعف استجابته وتحس انك ضاغط عالفاضي .... بص على العلبتين بتوع ماستر الدبرياج والفرامل جنب بعضهم قدام نحية السواق ... بقوا بيتصنعوا ضعاف جدا جدا و دي بقت حاجة منتشرة قوي قوي و الكلام ده من المهندس في التوكيل ركبلي واحدة جديدة مكان القديمة وحكالي القصة كلها وقالي للأمانه انا مركبهالك الأصليه و عارف ان عمرها قصير وفعلا كانت سليمه ومش عارف ليه لوحدها اتشرخت فنزلت اشتريت واحدة استعمال ...والمشكلة شوفتها في عربيات كتيييير موديل 2008-2009 (5 عربيات) وفي ميكانيكية بيفتحوا على حسَها شغل انا حبيت اقول بس للمعلومة ....

اشتروها مستعمله افضل من الجديدة وركبوها بنفسكم لانها مش حاجة كبيرة بس خلو بالكم ما تنزلوش اي خرطوم لتحت .. الا توقعوا زيت و حوووسه

انا قولت يمكن حد تقابله المشكلة دي و ما يحتاجش يروح لميكانيكي بمجرد بصه على العلبتين :)

علبة الماستر 15 جنيه
علبة الفرامل 25 جنيه

بســـام ... ايه راي حضرتك في الموضوع ده ؟