عرض للطباعة
ياريت حد يشرح الطريق من بعد العبور الى كوبرى موقف العاشر الجديد ( ولو متلعش الكوبرى هايروح فين ويعمل اية ) ثم تكملة الطريق الى كوبرى الهايكستب ( ولو متلعش الكوبرى هايروح فين و يعمل اية ) ثم الى طلعة الدائرى اتجاه المعادى .
لانى كنت قادم من الاسماعلية وحاولت اطلع الدائرى فى اتجاه المعادى بعد ما لفت من تحت كوبرى الهايكستب وفى النهاية لاقيت نفسى فى اتجاه الاسماعلية مرة اخرى اخت اول يوتيرن طلعت على طول الى صلاح سالم .
فارجو التكرم بشرح المنطقة ديه بعد التعديلات الجديدة فى كلا الاتجاهين .
بص حضرتك
الطريق كالتالي
عند سوق العبور و انت باتجاه القاهرة سيكون امامك 5 كم بالضبط كي تصل الي كوبري المطار و تفصيل هذه المسافة كما يلي :
سوق العبور - المرور من اسفل كوبري المشاة امام ابوغالي - و الاستمرار و ستمر علي مدخل طريق بلبيس ستجد امامك بالضبط الكوبري الجديد اطلعه
انزل من الكوبري و كما انت في الطريق ستجد الكوبري الثاني - امام الحرفيين- لف من تحته و ارجع تاني كأنك راجع الاسماعلية
و انت راجع ستجد موقف العاشر و كوبري مشاه و طريق جانبي علي اليمين موجود و واضح بهذه الخريطة
Wikimapia - Let's describe the whole world!
و هذا سيسلمك الي الدائري اتجاه المعادي
اشكر حضرتك على الشرح والخريطة يا دكتور
وبعد اذن حضرتك كنت اتمنى شرح اكثر من ذلك عن هذه المنطقة من بعد سوق العبور الى الكلية الحربية فى كلا الاتجاهين ( يعنى لو متطلعتش الكوبرى الجديد ومشيت من تحت هايودينى على فين وهل استطيع ان اعود الى طريقى تجاه كويرى الحرفيين ( او كوبرى الهايكستب ) وكذلك الامر بالنسبة لكوبرى الحرفيين )
والسبب لانى قبل ذلك مررت بهذه المنطقة ووصلت الى طلعة الدائرى ولكن منذ فترة طويلة وعندما حاولت الوصول هذه المرة توهت جداً كذا مرة ، ولعله يكون افادة لشخص اخر يبحث عن مكان اخر بتلك المنطقة ويستفيد من الشرح .
واشكر حضرتك مرة اخرى
مفيش مشكلةاقتباس:
المشاركة الأصلية كتبت بواسطة uhlphp
الاتجاه الي القاهرة و انت قادم من الاسماعلية :
امامك بعد ان تعبر مدخل طريق بلبيس طريقين
الاول هو الكوبري الجديد
الثاني الا تأخذ الكوبري و تكمل من اسفله يمين -اتجاه اجباري - يلزمك بالطلوع علي الدائري و لكن في اتجاه " مؤسسة الزكاة -المرج الجديدة - ط مصر اسماعلية الزراعي - ط مصر اسكندرية الزراعي - المحور- المنيب"
بالعودة الي الطريق الاول و هو طلوع الكوبري الجديد فستجد بعد النزول منه بحوالي اكم طريقين
الاول الطلوع الي كوبري الهايكستب " المطار" و منه الي شارع جوزيف تيتو " علي يسارك مطار القاهرة و مطار شرق العسكري" هذا الشارع علي امتداده يوصلك الي الكلية الحربية " مصر الجديدة"
الطريق الثاني الا تأخذ كوبري المطار و تتجه يمينا
هنا اذا اخذت اول يمين " مع بداية الكوبري علي يسارك " انت الان متجه الي مدينة الحرفيين
اذا اكملت المسير الي الامام فأنت متجه الي شارع جسر السويس " حديقة بدر - عين شمس - مصر الجديدة - القبة- العباسية"
او ان تأخذ اليوتيرن يسارا اسفل الكوبري لتعود ادراجك الي طريق مصر الاسماعلية الصحراوي
بعد حوالي 800 متر او 1 كم ستجد الكوبري الجديد علي يسارك و بجواره كوبري المشاة
و الطريق قبلهما بمسافة بسيطة يتفرع الي فرعين - كما بالخريطة السابقة- فرع صغير يمينا
و الطريق الرئيس الذي كنا نسير فيه بالاساس
الطريق الاساسي -الكوبري الجديد الي يسارك- يوصلك الي الاسماعلية
الطريق الفرعي الصغير - علي يمينك - يدخلك الي مدخل موقف سيارات الاجرة اكمل الطريق
بعد مطب و مسجد علي يمينك ستجد ثلاث طرق
طريق في المنتصف يوصل الي الدائري "اتجاه : مصر الجديدة - مدينة نصر - الرحاب - السويس- القاهرة الجديدة - القطامية - العين السخنة- المعادي - كارفور - الاتوستراد - دار السلام - الكورنيش - المنيب "مرة اخري" "
و هناك طريقنا الثاني علي اقصي اليمين الي الهايكستب
و الطريق الثالث علي اقصي اليسار يعيدك مرة اخري الي مصر الاسماعلية الصحراوي
تمام كده متشكر جدا جدا ...