-
ريجاتا ب 15 الف ؟؟؟؟؟؟
السلام عليكم ورحمة الله وبركاته
الاخوة الكرام بعد التحية
الحمد لله انا بعت عربيتي النهارده الصبح
ال 131
وكنت عاوز اجيب حاجة كويسة شوية افضل منها
على فكره عربيتي كانت استيشن وبعتها ب 11 الف جنيه والله ( مش عارف انا حاسس ان كده قليل جدا لانى والله صرفت عليها كتير) المهم ان سبحان الله
زميلي اللى معايا ف الشغل من غير ما يعرف
لاقيته بيكلمنى بيقول لى انا عارض عربيتي الريجااتا للبيع موديل 86
وانا كنت مكلمه عليها
قلت له ان انا لسه بايع عربيتي
المهم يعني علشان ماطولش على حضراتكم
العربية بيقول لى انها ب 19 وب 20
ولما فصلها جابت له كده فعلا
وانا هاخدها منه ب 15 ان شاء الله واتفقت معاه
اللى العربية محتاجاه :-
تابلوه ريجاتا
سمكرة ودوكو
اكتر من كده العربية مش محتاجه
العربية فبريكا دواخل بالكامل
حالة الموتور ممتازة جدا
العفشة جيدة محتاجة حبة تظبيط
لسه جايبين لها 4 فرد كاوتش تيوبليس زيرو
يريت اعرف رأيكم
انا والله ال 4 الاف جنيه دول هاستلفهم لانى بجهز شقتي ومش معايا سيولة خالص اليومين دول
المهم اتوكل على الله واجيبها
ولا اخليني ف 127 او 128 ب 11 ولا 12 الف وخلاص
العربية بتاعته تعتبر عربيتي
وانا عارف اللى فيها يمكن اكتر منه
عدا قطع الغيار بيقول لى انها موجودة ومش غاليه
مش عارف انى الاحسن
يريت الافادة سريعا
-
اتوكل على الله
والى تعرفه احسن من الى متعرفوش
-
طبعا توكل علي الله اشتري الريجاتا عشان انت عارف صاحبها و حاله العربيه
-
اتوكل علي الله الريجاتا عربية جميلة وكمان السعر دا كويس جدا وكمان انت عارفها ودي اهم حاجة
-
بسم الله الرحمن الرحيم
انا كنت ذيك كدة
بعت عربيتى 131 موديل 1978 1600 cc بالاضافة الى طقم جنط اسبور و سنتر و انذار و شوية حاجات كدة و كانت سيدان و بعتها بــ 14500 فقط
و زنقت نفسي شوية و استلفت و جيت الاكسيل
المهم اتكل على الله
بس اهم حاجة فيها ان يكون فيها رخصة فى حدود السنة على الاقل .
-
اتكل علي الله بس خللي بالك تابلوه الريجاتا غالي جدا ان كنت سالت عليه من حوالي سنة ونص في الوكالة استيراد كان حوالي 800 جنيه والاكصدام جديد 500 واستيراد 180 جنيه تقريبا واستخير الله
-
ممكن بدل ما تجيب تابلوة جديد ممكن تجلد القديم وهيكون كويس واوفر لان انا اعرف انا حاجة العربية غالية فعلا علشان الفايبر والكماليات الداخلية بي هي طبعا عربية محترمة
-
الريجاتا عربية محترمة جدا .. لو انت عارف اللي فيها يبقى اتكل على الله .. على فكرة هي قطع غيارها مش غالية قوي زي ما انت فاكر
-
توكل على الله عن نفسي ياريتني الاقي حاجه زي كده
Content Relevant URLs by
vBSEO 3.6.0 PL2