اجرى و عيش بس على مسؤليتك و تذكر انك بروح واحدة مش بسبع ارواح
بمناسبة قرب نزول اللوحات المعدنية الجديدة الليزر
http://www.ontrackcorp.com/super-protector.cfm?id=05
عرض للطباعة
اجرى و عيش بس على مسؤليتك و تذكر انك بروح واحدة مش بسبع ارواح
بمناسبة قرب نزول اللوحات المعدنية الجديدة الليزر
http://www.ontrackcorp.com/super-protector.cfm?id=05
ماتعرفش ده موحود في مصر ولا لأ؟
على حد علمى مش موجود بس استنى لما اللوح الجديدة تنزل و نعرف المقاس و بعد كده نشوف
دى لو عايز تجرى بليل بس
لكن بالنهار لو إتصورت و الصورة طلعت كده و الكمين وقفك هاتلبس قضية محترمة :) لأنهم هايكشفوا على النمر و يشوفوا المشكلة إيه و ساعتها بقى يا حلو ...يا ترى غسلت سنانك بسجنل 2 النهارده :) ههه
حلوة اوى بس المشكله فى تثبيتها هل بتتثبت مرة واحده و اذا حبيت اخلعها تبوظ و لا بتتشال عادى
الأمريكان عاملين زي المصريين .......... أخر ذكاء في التحايل على القانون ........ و في كل حاجة تانية ...... ;)
المهم ..... ده أسمه تشجيع على ارتكاب الأخطاء اللي هي أصلا منتشرة جدا ........ و تشجيع على ضرب القانون عرض الحائط
دي عاملة زي واحد أخترع طاقية الأخفاء علشان الحرامية يعملوا اللي هما عايزينه بدون ما حد يقدر يتعرف عليهم
و بكدا
ممكن واحد يقتل مواطن على الطريق و يجري و تتأخد نمره غلط !
ممكن واحد يخبط عربيتك و يجري و برضه تأخذ نمرة غلط و حقك راح يا حلو
و برضه ........... و برضه ............. و برضه .............
يا جماعة المنتدى ........... نيلا موتورز العظام .......... الأخوة الزملاء و الزميلات ...........
يلا نشجع على النظام و أحترامه بدلا من أي شئ يشجع على عكس ذلك ........... فهو في الآخر خير لنا جميعا و خير لشعبنا الغلبان اللي لو فهم النظام عايز أيه الكل هايرتاح
gemino باشا أنا عارف أنك قصدك خير يا باشا و أرجوا إن كلامي ميزعلش حضرتك ........ و أنا أحترمك و أحترم رأيك جدا
و شكرا
+1اقتباس:
المشاركة الأصلية كتبت بواسطة memo_hefnawy
هههههههههههههه
و لا يهمك ما فيش حاجة خالص :) بس طالما وكيل النيابة يتمسك و يعدى و طالما سعادة المستشار يتمسك و يعدى و طالما البيه الضابط يتمسك و يعدى و طالما الجماعة اللى بيقفوا على جنب يتكلموا و بعد كده يدوا التليفون للضابط و ياخدوا الرخصة برضه يعدوا يبقى انا ليه التزم اصلا ؟؟؟ انا التزم على قد سلامتى الشخصية و سلامة عربيتى يمكن يكون رائى انانى و ضيق بس هى البلد ماشية كده و ممكن الواحد يلتزم اسبوع او اتنين و بعد كده حايطق و يموت علشان يفضل ملتزم .اقتباس:
المشاركة الأصلية كتبت بواسطة tutankhamoun
حاجة اخيرة : المساواة فى الظلم عدل
اقتباس:
المشاركة الأصلية كتبت بواسطة gemino
حبيب قلبي أنا عارف إن وكيل النيابة بيعدي ...... و القاضي بيعدي ......... و ابن فلان بيعدي .............. و لكن
إذا أنقلب الجميع على مثل هذه الشاكله سيغيب العدل بنسبة 100 % و إن كان هناك بعض منه اﻵن فلا نريد أن نخسره كله
فكر يا حبيب قلبي لو واحد قريبك ( لا قدر الله )خبطه واحد من الجماعة اللي مركب اللاصقة اللي حضرتك بتقول عليها .......... و هوب جري .......... و هوب الناس أخدت النمر ......... و هوب طلعت النمر غلط بعد الكشف عليها ......... و هوب راح حقي و حقك و حق قريبك
على الأقل مع نقص العدل في البلد بس لو واحد خبط واحد تاني و أتخدت نمره ممكن يكون فيه أمل في العقاب
و يلا يا شباب و يا رجالة المنتدى نكون أول الملتزمين بالنظام ( فنحن فئة متعلمة ) و يجب أن نكون بادرة لبدء النظام و بدء إصلاح الشوارع المصرية حتى لو هذا الإصلاح في نطاق ضيق
و لكن من يبدأ ......... نحتاج إلى بداية ......... نحتاج إلى شرارة البدء
فلتكن من أعضاء نايل موتورز ............ و أنا عن نفسي بحاول و الله المستعان
و شكرا لك أخي الكريم
البتاع ده زي قلته ولا بيعمل حاجه والصور بتبقي واضحه ليل نهار
تمت تجربته وجميع الكاميرات قادره على التقاط صور واضحه للوحات ليل نهار الحل الوحيد انك تشيل اللوحه خالص
وبعدين هو امتى الرادار في مصر بيصور
الرادار في مصر ده حاجه حلزونيه كده عشان الناس ترزق وبس
يا ريت يبقى حاجة حلزونية :) بس بعد ما اللوح الجديدة حاتنزل و يشغلوا الرادار الليزر ممكن الموضوع ده يفيداقتباس:
المشاركة الأصلية كتبت بواسطة a0abde01
و على فكرة انا شفت صورتى مرتين قبل كده و الرادار فى مصر بيصور فعلا
الصبح بيبقى فى جاسوس مستخبى و بيبلغ على ماركة العربية و لونها بس باليل بيبقى فى صورة او الليزر و باليل ما حدش بيرمى نفسه فى وسط الطريق علشان يوقف عربية اقل سرعة بتبقى ماشية بيها 120 ك/ساقتباس:
المشاركة الأصلية كتبت بواسطة memo_hefnawy
يا سيدى العفو :) و الله انا عن نفسى مش ملاك و جربت اعمل زى ما انت بتقول كده أكتر من مرة بس مش لاقى اى فايدة ، دا الواحد ساعات بيبقى ماشى على البحر على اقصى اليمين على سرعة 60 زى الغلابة و تلاقى ميكروباظ او تاكسجى او واحد ملاكى يكسر عليك و يقف ادامك او واخد غرزة يمين و اتفاجا بيك فى وشه و صعب جدا ان ماكنش مستحيل انك تعلم واحد طالع من بيئة عشوائية همجية الادب و حتى لو حد خبطك و رحت معاه قسم الشرطة و عملت محضر لو مش مأمن على العربية حتصلحها على حسابك و مش حاتطول مليم من اللى خبطك و روح بقى ارفع قضية و انت عارف الباقىاقتباس:
المشاركة الأصلية كتبت بواسطة tutankhamoun
قانون ايه اللي بتتكلم عليه يا عم توتاقتباس:
المشاركة الأصلية كتبت بواسطة tutankhamoun
أنا من كام سنة أختي الصغيرة خبطتها عربية وماتت ومش هقولك انه جري لأ مسكناه ووديناه القسم عشان القانون اللي بتتكلم عليه
تعرف حصل ايه؟؟؟؟؟
اتحكم عليه ب6 شهور مع ايقاف التنفيذ
شوفت العدالة يا أخ توت
هى مخصصة لخداع الرادار الليزر وليس التصوير العادى و اعتقد ان الرادار تصوير الليزر غير موجود حاليا فى مصر اللى موجود تصوير عادى و الكاميرا بايظه ويعتمد على قياس السرعة و ملاحظة الامين وبلاغه للكمين باللاسلكى( وقف العربية البيضه ولا الكحلى ) يعنى هتتمسك هتتمسك ومخالفة سرعة + مخالفة نمر كمان ياحلو
100++++++++++++++اقتباس:
المشاركة الأصلية كتبت بواسطة tutankhamoun
أعوذ بالله يا راجل ماتفولش و عموما لو كنت بصيت فى اللينك كويس كنت عرفت ان فى كمان حاجات لفلاش كاميرا الرادار اما لو الصبح فالعملية زى ما انت بتقول و الرادار الليزر جاى مصر بعد اللوح الليزر الجديدة و الا تبقى ايه لزمة اللوح تتعمل بنمر فيها اشارات لليزر؟؟اقتباس:
المشاركة الأصلية كتبت بواسطة haima